• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ກອງປະຊຸມລັດຖະມົນຕີການຄ້າ APEC ທາງອອນລາຍ (VMRT) ກ່ຽວກັບໂຄວິດ-19

      ບັນດາສະມາຊິກ APEC ລ້ວນແຕ່ເຫັນດີນຳກັນວ່າ ທັງລັດຖະບານ ແລະ ປະຊາຊົນຢູ່ພາກພື້ນ ແລະ ໃນທົ່ວໂລກຄວນຮ່ວມແຮງຮ່ວມໃຈສາມັກຄີກັນ, ເພີ່ມທະວີການຮ່ວມມືຢູ່ທຸກຂັ້ນເພື່ອຄວບຄຸມໂລກລະບາດ

ຄະນະຜູ້ແທນຫວຽດນາມ ເຂົ້າຮ່ວມກອງປະຊຸມອອນລາຍ
(ພາບ: congthuong.vn)
      ກອງປະຊຸມລັດຖະມົນຕີການຄ້າເວທີປາໄສຮ່ວມມືເສດຖະກິດອາຊີ (APEC) ທາງອອນລາຍ (VMRT) ກ່ຽວກັບໂຄວິດ-19 ຖືກດຳເນີນໃນວັນທີ 25 ກໍລະກົດ, ພາຍໃຕ້ການເປັນປະທານຂອງທ່ານ Mohamed Azmin Ali, ລັດຖະມົນຕີການຄ້າຕ່າງປະເທດ ແລະ ອຸດສາຫະກຳມາເລເຊຍ. ກ່າວຄຳເຫັນທີ່ກອງປະຊຸມ, ບັນດາສະມາຊິກ APEC ລ້ວນແຕ່ເຫັນດີນຳກັນວ່າ ທັງລັດຖະບານ ແລະ ປະຊາຊົນຢູ່ພາກພື້ນ ແລະ ໃນທົ່ວໂລກຄວນຮ່ວມແຮງຮ່ວມໃຈສາມັກຄີກັນ, ເພີ່ມທະວີການຮ່ວມມືຢູ່ທຸກຂັ້ນເພື່ອຄວບຄຸມໂລກລະບາດ ແລະ ແກ້ໄຂບັນດາຜົນຮ້າຍທີ່ຕາມມາທາງດ້ານເສດຖະກິດ-ສັຄົມຈາກໂລກລະບາດໂຄວິດ-19. APEC ຄວນສືບຕໍ່ລະດົມບັນດາແຫຼ່ງກຳລັງຢ່າງຮອບດ້ານເພື່ອໜູນຊ່ວຍບັນດາສະມາຊິກແກ້ໄຂຜົນເສຍຫາຍຢ່າງໜັກໜ່ວງຈາກໂລກລະບາດ, ຟື້ນຟູເສດຖະກິດໂດຍໄວ…
        ກ່າວຄຳເຫັນທີ່ກອງປະຊຸມ, ທ່ານ ເຈິ່ນກວ໊ກແຄ໊ງ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ ໃຫ້ຮູ້ວ່າ: ຫວຽດນາມ ມີຄວາມເຊື່ອໝັ້ນວ່າ APEC ຈະສືບຕໍ່ເສີມຂະຫຍາຍເຈດຈຳນົງ ແລະ ກຳລັງແຮງຂອງແຕ່ລະປະເທດສະມາຊິກ, ກໍ່ຄືຈິດໃຈສາມັກຄີກັນ, ຮ່ວມມືສາກົນຢ່າງແຮງ ເພື່ອພ້ອມກັນສ້າງອະນາຄົດອັນດີງາມກວ່າໃຫ້ແກ່ພາກພື້ນ ແລະ ປະຊາຊົນທຸກຄົນ.
(ແຫຼ່ງຄັດຈາກ VOV)
 

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.

Top