(ພາບ: VTV)
ນີ້ແມ່ນກອງປະຊຸມຄັ້ງປະຖົມມະເລິກຂອງອາຍຸການໃໝ່. ທ່ານເລຂານຸການໃຫຍ່ສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດຫວຽດນາມ ບຸຍວັນເກື່ອງ ໃຫ້ຮູ້ວ່າ, ກອງປະຊຸມໄດ້ສວມບົດບາດສຳຄັນ, ສ້າງພື້ນຖານໃຫ້ແກ່ການເຄື່ອນໄຫວຂອງສະພາແຫ່ງຊາດຊຸດທີ XV, ໃນນັ້ນສະພາແຫ່ງຊາດຈະດຳເນີນການເລືອກຕັ້ງ, ໃຫ້ສັດຕະຍາບັນສ້າງບຸກຄະລາກອນດຳລົງບັນດາຕຳແໜ່ງການນຳຂອງບັນດາອົງການແຫ່ງລັດໃຫ້ສົມບູນແບບ. ສະພາແຫ່ງຊາດກໍ່ຈະຮັບຟັງບົດລາຍງານ ແລະ ຕັດສິນບັນດາແຜນການເສດຖະກິດ, ສັງຄົມ, ແຜນການການເງິນ, ງົບປະມານ, ການລົງທຶນພາກລັດ, 2 ໂຄງການເປົ້າໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ ແລະ ຫຼຸດຜ່ອນຄວາມທຸກຍາກແບບຍືນຍົງ ເພື່ອເປັນພື້ນຖານໃຫ້ແກ່ການຜັນຂະຫຍາຍການປະຕິບັດໃນໄລຍະ 5 ປີຈະມາເຖິງ. ເລື່ອງສະພາແຫ່ງຊາດຕັດສິນບັນດາບັນຫາດັ່ງກ່າວແມ່ນພື້ນຖານເພື່ອໃຫ້ລັດຖະບານຜັນຂະຫຍາຍ, ຫັນມະຕິກອງປະຊຸມໃຫຍ່ຄັ້ງທີ XIII ຂອງພັກໃຫ້ປະກົນຜົນເປັນຈິງ. ທ່ານເລຂານຸການໃຫຍ່ສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດຫວຽດນາມ ບຸຍວັນເກື່ອງ, ໃຫ້ຮູ້ວ່າ:
“ກອງປະຊຸມຄັ້ງນີ້ຕ້ອງຜັນຂະຫຍາຍວຽກງານກະກຽມທາງດ້ານເນື້ອໃນ, ເງື່ອນໄຂຮັບປະກັນ ແລະ ການປ້ອງກັນ, ຕ້ານໂລກລະບາດໃຫ້ລະອຽດ. ພວກຂ້າພະເຈົ້າໄດ້ກະກຽມທາງດ້ານເນື້ອໃນຢ່າງລອບຄອບທີ່ຖ້ວນແລ້ວ. ບັນດາອົງການຂອງສະພາແຫ່ງຊາດໄດ້ສົມທົບກັບລັດຖະບານຈັດການປະເມີນຜົນຢ່າງລະອຽດລະອໍ ແລະ ມີບັນດາການປະກອບຄຳເຫັນໃຫ້ບັນດາເນື້ອໃນເຊິ່ງສະມາຊິກສະພາແຫ່ງຊາດຕ້ອງພິຈາລະນາ, ປະກອບຄຳເຫັນຢ່າງຈະແຈ້ງແລ້ວ. ພ້ອມກັນນັ້ນ, ນັ້ນແມ່ນກະກຽມບັນດາບົດລາຍງານອະພິປາຍຮັບເອົາຄຳເຫັນຢ່າງລະອຽດ”.ເຂົ້າຮ່ວມກອງປະຊຸມຄັ້ງປະຖົມມະເລິກ, ສະພາແຫ່ງຊາດຫວຽດນາມ ຊຸດທີ XV ນີ້ມມີກວ່າ 400 ທ່ານ, ໃນນັ້ນມີສະມາຊິກສະພາແຫ່ງຊາດ 296 ເຂົ້າຮ່ວມການເຄື່ອນໄຫວຢູ່ຫໍສະພາແຫ່ງຊາດເປັນຄັ້ງທຳອິດ. ກອງປະຊຸມຄັ້ງປະຖົມມະເລິກ, ສະພາແຫ່ງຊາດຫວຽດນາມ ຊຸດທີ XV ຈະດຳເນີນໃນລະຫວ່າງວັນທີ 20 – 31 ກໍລະກົດ, ຖອນເວລາເຮັດວຽກເປັນ 5 ວັນເມື່ອທຽບໃສ່ການຄາດຄະເນກ່ອນນີ້, ແຕ່ຍັງຮັບປະກັນຄຸນນະພາບບັນດາເນື້ອໃນຍື່ນສະເໜີຕໍ່ສະພາແຫ່ງຊາດພິຈາລະນາ, ຕົກລົງ.
(ແຫຼ່ງຄັດຈາກ VOV)
