ຂປລ. ໃນວັນທີ 22 ມີນາ 2021, ກອງປະຊຸມຄັ້ງປະຖົມມະລຶກ ຂອງສະພາແຫ່ງຊາດລາວ ຊຸດທີ IX ໄດ້ໄຂຂຶ້ນຢ່າງເປັນທາງການ ພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານ ສະພາແຫ່ງຊາດ ເປັນກຽດເຂົ້າຮ່ວມຂອງທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ນາຍົກລັດຖະມົນຕີແຫ່ງ ສປປ ລາວ, ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ, ບັນດາການນຳພັກ-ລັດ, ອະດີດການນຳຂັ້ນສູງ, ພະນັກງານປະຕິ ວັດອາວຸໂສ, ສະມາຊິກສາະພາແຫ່ງຊາດ ແລະ ແຂກຖືກເຊີນ ເຂົ້າຮ່ວມ.
ທ່ານນາງ ປານີ ຢາທໍ່ຕູ້ ໄດ້ກ່າວໄຂກອງປະຊຸມຢ່າງເປັນທາງການ ໂດຍທ່ານໄດ້ກ່າວບາງເນື້ອໃນສຳຄັນວ່າ: ກອງປະຊຸມຄັ້ງນີ້, ຈະດໍາເນີນໄປເຖິງວັນທີ 26 ມີນາ 2021, ເຊິ່ງຈະໄດ້ຮັບຟັງການລາຍງານ, ພິຈາລະນາ ແລະ ຮັບຮອງເອົາບັນຫາສຳຄັນພື້ນຖານຂອງຊາດຄື: ເລືອກຕັ້ງປະທານປະເທດ, ເລືອກຕັ້ງປະທານສະພາແຫ່ງຊາດ, ນາຍົກລັດຖະມົນຕີ ແລະ ບັນດາຕ່ຳແໜ່ງຂອງສະພາແຫ່ງຊາດຊຸດທີ XI...
ນອກຈາກນີ້, ສະພາແຫ່ງຊາດຈະພິຈາລະນາ, ຮັບຮອງບົດລາຍງານຂອງທ່ານນາຍົກລັດຖະມົນຕີກ່ຽວກັບການຈັດຕັ້ງປະຕິບັດ ແຜນພັັັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII (2016-2020) ແລະ ການຈັດຕັ້ງປະຕິບັດແຜນງົບປະມານແຫ່ງລັດ 5 ປີ (2016-2020); ແຜນພັດທະນາ ເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ແລະ ແຜນງົບປະມານແຫ່ງລັດ 5 ປີ (2021-2025), ແຜນການສ້າງ ແລະ ປັບປຸງກົດໝາຍ 5 ປີ (2021-2025) ຂອງສະພາແຫ່ງຊາດ ຊຸດທີ IX…
ກອງປະຊຸມຄັ້ງປະຖົມມະລຶກຂອງສະພາແຫ່ງຊາດລາວ ຊຸດທີ IX ຈະດຳເນີນໃນລະຫວ່າງວັນທີ 22 – 26 ມີນາ 2021 ຈຶ່ງຈະອັດລົງ.
(ແຫຼ່ງຄັດຈາກ VOV)
