ຕອນບ່າຍວັນທີ 11 ມິຖຸນາ, ຢູ່ສຳນັກງານລັດຖະບານ, ໂດຍເປັນປະທານກອງປະຊຸມທາງອອນລາຍລະຫວ່າງຄະນະປະຈຳການຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດໂຄວິດ-19 ກັບ 9 ແຂວງ, ນະຄອນທີ່ມີເຂດອຸດສາຫະກຳ, ແບ່ງປັນບົດຮຽນໃນວຽກງານປ້ອງກັນ, ຕ້ານໂລກລະບາດຢູ່ບັນດາໂຮງຈັກ, ໂຮງງານໃຫຍ່, ທ່ານຮອງນາຍົກລັດຖະມົນຕີ ຫວູດຶກດາມ, ຫົວໜ້າຄະນະຊີ້ນຳໄດ້ໃສ່ໃຈວ່າ, ບັນດາທ້ອງຖິ່ນຕ້ອງມານະພະຍາຍາມບໍ່ປະໃຫ້ໂລກລະບາດແຜ່ລະບາດເຂົ້າເຂດນີ້.
ທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູດຶກດາມ ຊີ້ແຈ້ງວ່າ, ການແຜ່ລະບາດຂອງໂລກລະບາດໂຄວິດ-19 ຄັ້ງທີ 4 ນີ້ ແມ່ນເກີດຂຶ້ນນັບທັງຢູ່ເຂດອຸດສາຫະກຳໃຫຍ່ຂອງແຂວງ ບັກຢາງ, ສະນັ້ນການຮັບມືແມ່ນຫຍຸ້ງຍາກກວ່າ, ພິເສດໄວຣັດສາຍພັນໃໝ່ໄດ້ແຜ່ລະບາດຢ່າງໄວກວ່າ. ທ່ານຮອງນາຍົກລັດຖະມົນຕີ ຫວູດຶກດາມ ເນັ້ນໜັກວ່າ, ຕ້ອງມານະພະຍາຍາມຈຳກັດການເກີດ ແລະ ແຜ່ລະບາດຢູ່ບັນດາເຂດອຸດສາຫະກຳໃຫ້ຢູ່ໃນລະດັບຕ່ຳສຸດ:
“ມານະພະຍາຍາມບໍ່ໃຫ້ເກີດໂລກລະບາດໃນເຂດອຸດສາຫະກຳ. ຖ້າມີກໍລະນີທີ່ຕິດເຊື້ອພະຍາດໂຄວິດ-19 ຕ້ອງກວດພົບໂດຍດ່ວນ ບໍ່ໃຫ້ເກີນ 3 ວັນ. ຢາກປະຕິບັດເປົ້າໝາຍດັ່ງກ່າວໃຫ້ໄດ້ຕ້ອງປະຕິບັດການແຈ້ງອາການສຸຂະພາບ, ອັບເດັດອາການສຸຂະພາບຂອງທຸກຄົນຢູ່ເຂດອຸດສາຫະກຳ, ບໍ່ວ່າຜູ້ໃດມີສັນຍານຕິດພະຍາດ ຫຼື ມີປະຫວັດການໄປມາໃນເຂດມີຄວາມສ່ຽງສູງ ຕ້ອງກວດພົບ ແລະ ແກ້ໄຂຢ່າງທັນທີ… ຖ້າຫາກຊ້າກວ່າ 3 ວັນ, ການຮັບມືຈະລຳບາກ ແລະ ສິ້ນເປືອງຫຼາຍ”.
(ແຫຼ່ງຄັດຈາກ VOV)
