ໃນໄລຍະສາມສີ່ວັນກ່ອນບຸນປີໃໝ່ປະຈຳຊາດ, ທົ່ວນະຄອນຮ່າໂນ້ຍກາຍເປັນສວນດອກໄມ້ຂະໜາດໃຫຍ່ ແຫ່ງ ໜຶ່ງທີ່ເຕັມໄປດ້ວຍຫຼາກຫຼາຍສີສັນຂອງດອກໄມ້ນາໆ ຊະນິດ, ດອກຄາຍ, ຕົ້ນໝາກກ້ຽງນ້ອຍ ແລະ ອື່ນໆ. ເລີ່ມແຕ່ເຊົ້າຕູ່, ຕະຫຼາດດອກໄມ້ມີບັນຍາກາດຟົດຟື້ນ, ລົດລາປະເພດຕ່າງໆໄດ້ນໍາເອົາດອກໄມ້ຈາກເມືອງຕ່າງໆເຂົ້າມາຂາຍ. ຊາວກະສິກອນຂອງບັນດາໝູ່ບ້ານ ອ້ອມແອ້ມນະຄອນ ຫຼວງທີ່ປູກດອກໄມ້ຕ່າງກໍ່ມີຄວາມເບີກບານມ່ວນຊື່ນຄອຍຕ້ອນຮັບລະດູການຜະລິດທີ່ໄດ້ຮັບຜົນດີ.

ເລາະທ່ຽວຊົມໝູ່ບ້ານຂາຍດອກໄມ້ປະດັບຢູ່ ຮ່າໂນ້ຍ ໃນໄລຍະນີ້, ພວກເຮົາຈະຮູ້ສຶກຕົກຕະລຶງ ແລະ ແປກໃຈຕໍ່ສີສັນທີ່ຈັບຕາ. ບັນດາໝູ່ບ້ານເຊັ່ນ: ບ້ານປູກຕົ້ນຄາຍ ເຍີດເຕິນ, ປູກຕົ້ນໝາກກ້ຽງນ້ອຍຝູ້ເຖື້ອງ (ໄຕໂຮ່), ຊາວກະສິກອນມີຄວາມເບີກບານໃຈ ຍ້ອນລະດູ ການນີ້ໄດ້ຮັບຜົນການຜະລິດສູງ. ຢູ່ທີ່ໝູ່ບ້ານອ້ອມແອ້ມນະ ຄອນຫລວງເຊັ່ນ: ບ້ານໄຕຕື້ວ (ເມືອງຕື່ລຽມ) ມີເນື້ອທີ່ປູກດອກໄມ້ທັງໝົດ 330 ເຮັກຕາ ຊຶ່ງສ່ວນຫຼາຍແມ່ນດອກກຸຫຼາບ, ດອກເບັນຈາມາດ; ບ້ານປູກດອກໄມ້ ເມລິນ (ຝູກອຽນ) ຊຶ່ງເປັນບ່ອນໜຶ່ງທີ່ຖືໄດ້ວ່າເປັນອູ່ດອກໄມ້ໃໝ່ແຫ່ງໜຶ່ງທີ່ມີປະມານ 300 ເຮັກຕາດອກໄມ້ຫຼາຍຊະນິດທີ່ແຕກຕ່າງກັນ. ແຕ່ລະມື້, ຊາວບ້ານຢູ່ທີ່ນີ້ ໄດ້ນຳດອກໄມ້ເຂົ້າສູ່ຕົວເມືອງ ດ້ວຍຄວາມໝັ້ນໃຈວ່າ ຈະຕອບສະໜອງຄວາມຕ້ອງການດອກໄມ້, ໝາກໄມ້ປີໃໝ່ໄດ້ຢ່າງພຽງພໍບໍ່ພຽງແຕ່ໃຫ້ຊາວເມືອງຮ່າໂນ້ຍຫາກຍັງສໍາລັບແຂວງອື່ນໆນໍາອີກດ້ວຍ.

ໃນໄລຍະສາມສີ່ວັນກ່ອນບຸນປີໃໝ່, ພວກເຮົາມັກຈະພົບເຫັນຜູ້ຄົນຫາບກະຕ່າດອກໄມ້ເລາະຂາຍຕາມຖະໜົນຫົນທາງໃນຕົວເມືອງຮ່າໂນ້ຍ. ກະຕ່າດອກໄມ້ໄດ້ເອ້ຢ້ອງເພີ່ມຕື່ມຄວາມສວຍງາມທີ່ເກົ່າແຫ່ງດິນແດນຮ່າແທັ່ງ (ຮ່າ ໂນ້ຍ).
                                                                                                                                  ດໍາເນີນການໂດຍ: ເຕິດເຊີນ