ພິທີຂໍຄວາມຢູ່ເຢັນເປັນສຸກ ຢູ່ຫໍບູຊາ ບ່າ ຫງູ໊ແຫ່ງ (ໝູ່ບ້ານ ເຕິນເຍີນ, ນະຄອນ ໂຮ່ຈີມິນ) ແມ່ນໂອກາດໃຫ້ປະຊາຊົນພາວະນາຂໍໃຫ້ຊີວິດອີ່ມໜຳສຳລານ ແລະ ລະດູການເກັບກ່ຽວໄດ້ຮັບຜົນດີ. ນີ້ຍັງເປັນເວທີສະແດງສິລະປະພື້ນເມືອງທີ່ເປັນເອກະລັກຂອງຊາວພາກໃຕ້ ຫວຽດນາມ.
ບັນດາຜູ້ອາວຸໂສ ເປັນຕົວແທນໄຕ້ທູບໄຂງານບຸນ. ພາບ: VNP
ປະຊາຊົນເຂົ້າ ໄຕ້ທູບ ໃນຫໍບູຊາ ບ່າເຕິນເຍີນ. ພາບ: VNP
ຕາມຄວາມເຊື່ອ, ພະນາງ (ບ່າ) ມີສິດອຳນາດໃນການຄຸ້ມຄອງ ແລະ ຊ່ວຍເຫຼືອຊີວິດການເປັນຢູ່ຂອງປະຊາຊົນ. ໃນງານບຸນ, ນອກຈາກການຖະຫວາຍເຄື່ອງບູຊາແລ້ວ, ຈຸດເດັ່ນທີ່ຂາດບໍ່ໄດ້ແມ່ນການຟ້ອນ ບ໋ອງໂຣ໊ຍ ແລະ ຂັບ ເດ້ຍນ່າງ.
ມີລາຍການຕ່ວງບູຮານຫຼາຍລາຍການໄດ້ຮັບການສະແດງ ເພື່ອເຮັດໃຫ້ພະນາງມ່ວນ. ພາບ: VNP
ນັກສິລະປິນ ໃນລາຍການສະແດງ ຟ້ອນ ບ໋ອງໂຣ໊ຍ. ພາບ: VNP
ນັກສະແດງຟ້ອນ ບ໋ອງໂຣ໊ຍ ຈະນຸ່ງຊຸດພິທີທີ່ສວຍງາມ, ຟ້ອນດ້ວຍລວດລາຍທີ່ຄ່ອງແຄ່ວ ເພື່ອຖະຫວາຍເຄື່ອງບູຊາຕໍ່ເທວະດາ. ສ່ວນການຂັບ ເດ້ຍນ່າງ ແມ່ນການສະແດງທີ່ມີລັກສະນະຕະຫຼົກຄຶກຄື້ນ, ມີການສົນທະນາຖາມ-ຕອບ ລະຫວ່າງຕົວລະຄອນ “ເດ້ຍ” ແລະ “ນ່າງ” ດ້ວຍພາສາພື້ນເມືອງທີ່ລຽບງ່າຍ, ເຮັດໃຫ້ຜູ້ຊົມມີຄວາມເບີກບານມ່ວນຊື່ນ.
ບັນດາລາຍການສະແດງຕ່ວງບູຮານ ໄດ້ຮັບການຈັດສາກຢ່າງລະອຽດ ແລະ ພິຖີພິຖັນ. ພາບ: VNP
ສິລະປະ ບ໋ອງໂຣ໊ຍ - ເດ້ຍນ່າງ ບໍ່ພຽງແຕ່ແມ່ນການສະແດງເພື່ອຄວາມບັນເທີງເທົ່ານັ້ນ, ແຕ່ມັນຍັງສະແດງໃຫ້ເຫັນເຖິງການປະສົມປະສານທາງດ້ານວັດທະນະທຳລະຫວ່າງຊົນເຜົ່າ ຫວຽດ, ຂະແມ, ຈຳ ແລະ ຈີນ. ທັງໝົດນີ້ໄດ້ສ້າງເປັນຈຸດເດັ່ນທາງດ້ານວັດທະນະທຳ ແລະ ສິລະປະການສະແດງພື້ນເມືອງທີ່ລ້ຳຄ່າຂອງເຂດດິນພາກໃຕ້.
