ທ່ານ ຖຸຍໃຫ້ຮູ້ວ່າ: “ເມື່ອເຕັກໂນໂລຊີພັດທະນາແລ້ວຜູ້ຄົນ ຈະລືມ ເທບ ເກົ່າໄປ. ແຕ່ເນື່ອງຈາກວ່າ ຂ້າພະເຈົ້າເປັນລຸ້ນ 7x,ເທບ ເກົ່າ ທີ່ກ່ຽວພັນກັບຊຸມປີ ເປັນນັກສຶກສາຂອງຂ້າພະເຈົ້າ, ສະນັ້ນ ຂ້າພະເຈົ້າຍັງ ຕ້ອງການທີ່ຈະຊອກຫາສິ່ງທີ່ລະນຶກຂອງຕົນ. ເມື່ອເກັບກຳໄດ້ແລ້ວ, ຂ້າພະເຈົ້າກໍ່ມີມາດຖານຂອງຕົນເອງແມ່ນຊອກຫາ ເທບ ທີ່ມີຢູ່ ຫວຽດນາມໃນເມື່ອກ່ອນ”.
ໃນຫ້ອງເຮັດວຽກມີເນື້ອທີ່ປະມານ 20 ມ2, ຢູ່ຖະໜົນ ໂກລິງ (ຮ່າໂນ້ຍ), ທ່ານ ຖຸຍ ທັງໂອ້ລົມກັບພວກຂ້າພະເຈົ້າ,ທັງທຳຄວາມສະອາດຊຸດສະສົມ ເທບເກົ່າ ເຊິ່ງຕ້ອງໃຊ້ເວລາ 5 ປີໃນການເກັບສະສົມ ຢ່າງລະມັດລະວັງ. ເມື່ອພວກຂ້າພະເຈົ້າຖາມກ່ຽວກັບ ເທບ ບາງໜ່ວຍ ທີ່ຊາວຫວຽດນາມ ຫຼາຍຄົນໃຊ້ໃນເມື່ອກ່ອນ, ເພິ່ນຮູ້ສຶກຢາກແບ່ງປັນ.
ໃນບັນດາສິ່ງເຫຼົ່ານັ້ນ ສາມາດເວົ້າເຖິງ ເທບ ໜ່ວຍໜຶ່ງຖືຍີ່ຫໍ້ Sharp 777, ໃນເມື່ອກ່ອນ ມັນຖືວ່າ “ລາຊາcassette”, ຖືກນຳມາຈາກ ເຢຍລະມັນ ໂດຍຄົນງານ ທ່ີໄປອອກແຮງງານຢູ່ຕ່າງປະເທດ ຫຼື ໂດຍລູກເຮືອ, ມັນບໍ່ມີຂາຍຢູ່ ຫວຽດນາມ ຫຼື ເທບ ຍີ່ຫໍ້ QT88 ທີ່ເອີ້ນກັນວ່າ“ລາຊີນີ cassette” ເພາະມີຄວາມງາມ ແລະ ເປັນອຸປະກອນອັນໜຶ່ງ ທີ່ດີ,ໄດ້ຮ້ານຂາຍນຳໃຊ້ເພື່ອບັນທຶກເທບຂາຍ. ພິເສດແມ່ນ ເທບ ຍີ່ຫໍ້ Sharp 939,ມັນແມ່ນໜຶ່ງໃນບັນດາ ເທບ ທີ່ມີພະລັງສູງທີ່ຖືກນໍາໃຊ້ໃນຫ້ອງປະຊຸມ ແລະ ງານດອງ ໃນອະດີດ.
ທ່ານ ຖຸຍ ຍັງເປັນນັກແຕ້ມຄົນໜຶ່ງ, ດັ່ງນັ້ນໃນເວລາສະສົມ, ເພິ່ນໄດ້ສັງເກດເຫັນວ່າ ເທບ ຕ່າງໆ ມັກເສຍ ສະແຕມ, ສະນັ້ນເພິ່ນໄດ້ສຶກສາບັນດາຕົວແບບຂອງຍີ່ຫໍ້ ແລ້ວຟື້ນຄືນ ສະແຕມທຸກປະເພດ 1000 ກວ່າແຜ່ນເພື່ອມອບໃຫ້ຜູ້ມັກຫຼິ້ນ.
ເພື່ອບໍ່ໃຫ້ ເທບ ຖືກຊຸ່ມ ແລະ ຕົກໂໝກ, ທ່ານ ຖຸຍ ມັກຈະຕົກ ແຕ່ງຢູ່ໃນຫ້ອງແອ, ນອກຈາກນັ້ນ, ເພິ່ນຍັງໃຫ້ຮ້ານ ກາເຟ ບາງແຫ່ງເຊົ່າເພື່ອຕົກແຕ່ງພື້ນທີ່ຂອງຮ້ານ.
ຕາມທ່ານ ຖຸຍ ແລ້ວ, ປັດຈຸບັນ, ເພິ່ນໄດ້ສ້າງຕັ້ງສະໂມສອນຜູ້ນິຍົມຫຼິ້ນ ເທບ ໂດຍມີສະມາຊິກປະມານ 9.500 ຄົນໃນສາມພາກຂອງປະເທດ. ສະໂມສອນ ຍັງໄດ້ຈັດຕັ້ງງານວາງສະແດງ ເພື່ອແນະນຳຜະລິດຕະພັນເທບເກົ່າ ໃຫ້ຫຼາຍຄົນໄດ້ຮຽນຮູ້, ພ້ອມກັນນັ້ນ ບັນດາສະມາຊິກຍັງໄດ້ພົບປະແລກປ່ຽນຜະລິດຕະພັນເຊິ່ງກັນ ແລະ ກັນ.
