ເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຊົນໃນການອອກກຳລັງກາຍ, ຫວ່າງແລ້ວນີ້, ນະຄອນ ຮ່າໂນ້ຍ ໄດ້ຕິດຕັ້ງຈັກອອກກຳລັງກາຍເກືອບ 30 ໜ່ວຍຄື: ຈັກແລ່ນ, ຈັກແອບກ້າມເນື້ອທ້ອງ, ຄານດ່ຽວ, ຄານຄູ່... ຢູ່ສວນ ດອກໄມ້ ຢາເລີມ, ຂຶ້ນກັບບ້ານ ງອກເລີມ, ເມືອງ ລອງບຽນ.

ໄດ້ຕິດຕັ້ງຢູ່ເຂດສາທາລະນະ ແລະ ນຳໃຊ້ລ້າໆ ໂດຍ ບໍ່ຕ້ອງເສຍເງິນ, ສະນັ້ນ ຈັກອອກກຳລັງກາຍຫຼາຍໜ່ວຍດັ່ງກ່າວ ໄດ້ນຳຫຼາຍຮູບແບບອອກກຳລັງກາຍມາໃຫ້ແກ່ປະຊາຊົນໃນຂົງເຂດ. ທີ່ນີ້ ເຕັມໄປດ້ວຍຜູ້ອອກກຳລັງກາຍ ໃນຕອນເຊົ້າ ແລະ ຕອນແລງ, ແຕ່ລະຄົນມານີ້ ຜູ້ໃດກໍ່ຈະເລືອກໃຊ້ ຈັກອອກກຳລັງກາຍຊະນິດໜຶ່ງທີ່ເໝາະສົມກັບຕົນເອງ.

ການທົດລອງຕິດຕັ້ງຈັກອອກກຳລັງກາຍຢູ່ເຂດສາທາລະນະ ໄດ້ຮັບການຕອບສະໜອງ ແລະ ເຫັນດີເຫັນພ້ອມ ຂອງຊາວນະຄອນຫຼວງ ນັບເປັນຈຳນວນຫຼວງຫຼາຍ ຍ້ອນມັນທັງຊ່ວຍປະຊາຊົນຍົກ ສູງສຸຂະພາບ ທັງມີຄວາມ ປອດໄພ ແລະ ປະຢັດເງິນອີກດ້ວຍ. ເຂົາເຈົ້າຫວັງວ່າ ຕົວແບບດັ່ງກ່າວ ຈະໄດ້ຕິດຕັ້ງຢູ່ຫຼາຍຂົງເຂດທີ່ນະຄອນ ຮ່າໂນ້ຍ.

ປະຕິບັດໂດຍ: ສະໂມສອນຖ່າຍພາບວິນາທີຄຳ (ຂ່າວພາບຫວຽດນາມ)