• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຄົ້ນພົບ

ບຸນເຂົ້າໃໝ່ ຂອງ ຊາວເຜົົ່າ ເກີຮໍ

ເປັນຊຸມຊົນ​ ທີ່​ດຳລົງ​ຊີວິດ ​ມາ​ແຕ່​ດົນ​ນານ ​ຢູ່​ເຂດພາກໃຕ້ ໄຕງວຽນ, ຊາວ​ເຜົ່າ ເກີຮໍ ຍາມ​ໃດ​ກໍມີຄວາມພາກ​ພູມ​ໃຈ​ ກ່ຽວກັບ ຮີດຄອງ ປະ ເພນີ ວັດທະນະທຳ​ ທີ່​ອຸດົມສົມບູນ, ຫຼາກຫຼາຍ ແລະ ເຕັມໄປດ້ວຍສີສັນ ຂອງ ຊົນເຜົ່າຕົນ. ຄວາມອຸດົມສົມບູນ, ຫຼາກຫຼາຍນັ້ນ ໄດ້​ສະ​ແດງ​ໃຫ້​ເຫັນ​ ຜ່ານ​ທຸກ​ດ້ານ​ ຂອງຊີວິດ

ບຸນ ໂຍ ລີ ບົງ (ບຸນ​ເຂົ້າ​ໃໝ່) ຢູ່​ເມືອງ ຢີລີງ (ແຂວງ ເລີມດົ່ງ)ແມ່ນ​ໜຶ່ງ​ໃນ​ບັນ​ດາ​ງານ​ບຸນ​ໃຫຍ່ ແລະ ເປັນ​ເອ​ກະ​ລັກສະເພາະ ຂອງ​ຊາວເຜົ່າ ເກີຮໍ ເຊີເຣ. ເມື່ອມໍ່ໆ​ ມາ​ນີ້, ຊາວ​ເຜົ່າ ເກີຮໍ ​ໄດ້​ຟື້ນຄືນໃໝ່ຄວາມເປັນເອກະລັກ ​ທີ່​ສຸດ ​ຂອງ​ ງານບຸນເຂົ້າໃໝ່ ຢູ່​ໝູ່​ບ້ານ​ວັດທະນະທຳ-ທ່ອງ​ທ່ຽວ​ບັນດາ​ເຜົ່າ ຫວຽດນາມ ຢູ່ ຮ່າ​ໂນ້ຍ.

  ຜູ້​ອາຍຸສູງ​ ຂອງ​ ບ້ານ ແລະ​ ບັນດາໝໍເຢົາກະກຽມຈັດພິທີບູຊາ ໃນງານບຸນ.    
  ເລືອດ​ໄກ່​ ຈະ​ຖືກ​ທາ​ໃສ່​ຕົ້ນ​ທຸງຫາງ, ໃສ່ໜ້າ​ຄ້ອງ ແລະ ​ໜ້າ​ຜາກ​ຂອງ​ ຜູ້​ເຂົ້າ​ຮ່ວມ.  
.
  ຜູ້​ອາຍຸສູງ ​ໃນ​ບ້ານ​ ເປົ່າ​ສະໄນ ​ແລະ ​ສົ່ງ​ສັນຍານ ​ໃນ​ເວລາ ເລີ່ມຕົ້ນ​ບຸນ​ເຂົ້າ​ໃໝ່. 

   ຊາວ​ເຜົ່າ ເກີຮໍ ຢືນ​ອ້ອມ​ຕົ້ນ​ທຸງຫາງ ເພື່ອເຮັດ​ພິທີ​ກຳ ​ໃນ​ບຸນ​ເຂົ້າໃໝ່.  

ພາຍຫຼັງໜຶ່ງປີ ​ທີ່ເຮັດວຽກຢ່າງລຳບາກ ກັບໄຮ່ນາ, ​ເມື່ອເກັບກ່ຽວເຂົ້າຂຶ້ນເຕັມເລົ້າແລ້ວ, ຊາວ​ເຜົ່າ​ ເກີຮໍ ​ຈະ​ຈັດ​ບຸນ​ເຂົ້າ​ໃໝ່ ​ເພື່ອ​ສະແດງຄວາມຮູ້ບຸນຄຸນ ຕໍ່​ເທວະ​ດາ ຟ້າແຖນ ທີ່ໄດ້ໂປດປານໃຫ້ ຝົນຟ້າຕົກ ຖືກຕ້ອງຕາມລະດູການ, ຮວງເຂົ້າດົກໜາ.  ກ່ອນອື່ນ ຊາວບ້ານ​ ຈະກະກຽມ​ເຄື່ອງ​ບູຊາ​ ໃຫ້​ພິທີ​ຢ່າງ​ລະມັດລະວັງທີ່ສຸດ. ປົກກະຕິແລ້ວ ເຄື່ອງສັງຄະທານ ປະກອບມີເຫຼົ້າໄຫ, ເຂົ້າ, ປາແຫ້ງ, ເກືອ, ເຂົ້າໜຽວ ແລະ ໝາກໄມ້. ​ໃນ​ພິທີ​ບູຊາເສັ່ນໄຫວ້ ຂອງ​ຊາວ​ເຜົ່າ ​ເກີ​ຮໍ ຍາມ​ໃດ​ກໍ່​ມີ​ການຖະຫວາຍສັດ ເພື່ອ​ບູຊາ​ ເທວະດາຟ້າແຖນ. ​ປີ​ໃດທີ່​ຜົນ​ເກັບ​ກ່ຽວໄດ້​ຮັບຜົນດີ​, ໃນ​ງານ​ບຸນ​ໃຫຍ່​ ເຂົາ​ເຈົ້າ​ຈະຖະຫວາຍ​ຄວາຍ, ​ນ້ອຍ ກວ່າ​ຈະ​ແມ່ນແບ້ ຫຼື ​ໄກ່.

  ຜູ້​ອາຍຸສູງ​ ຂອງ​ ບ້ານ​ ເຊີນເຫຼົ້າ​, ໃສ່​ປອກແຂນທອງ ​ໃຫ້​ແຂກທ່ີຖືກເຊີນ ແລະ​ ຊາວ​ບ້ານ.  
  ວົງຄ້ອງ ບັນເລງເພງ “​ຕ້ອນຮັບ​ແຂກ” ​ໃນພິທີຈັດ​ບຸນ​ເຂົ້າ​ໃໝ່. 
ບັນດາຍິງສາວ ເກີຮໍ ຟ້ອນອ້ອມຕົ້ນທຸງຫາງ. 

ໃນ​ມື້​ບຸນ​, ​ເມື່ອ​ຊາວ​ບ້ານ​ມາ​ເຕົ້າ​ໂຮມ​ຢູ່​ອ້ອມ​ຕົ້ນທຸງຫາງ ຢ່າງຄົບໜ້າຄົບຕາແລ້ວ, ຜູ້​ອາຍຸສູງໃນ​ບ້ານ ​ຈະ​ເປົ່າສະໄນ 3 ​ຮວດ ​ແລະ ຂໍເທວະດາ ຟ້າແຖນ ແລະ ສິ່ງສັກສິດ ໃຫ້ຊາວບ້ານເປີດງານບຸນ ດ້ວຍໃຈໃສສັດທາ. ຈາກນັ້ນ, ຜູ້​ອາຍຸສູງ ໃນ​ບ້ານ ​ຈະ​ທໍາ​ພິທີ​ກຳ​ ທີ່​ສັກສິດ​ທີ່​ສຸດ - ພິທີ​ຖະຫວາຍສັດ ​ຂໍ​ນຳ ວົງຄ້ອງລົງມາ. ຂອງທ່ີນໍາມາຖະຫວາຍ ແມ່ນໄກ່ຜູ້ໂຕໜຶ່ງ, ທຳອິດ, ຜູ້ອາຍຸສູງ ໃນບ້ານ ໃຊ້ເລືອດໄກ່ ທາໃສ່ຕົ້ນທຸງຫາງ, ໃສ່ໜ້າຄ້ອງ, ແລ້ວທາ ໃສ່ ໜ້າຜາກ ຂອງສະມາຊິກ ເຂົ້າຮ່ວມ ເພື່ອຂໍຄວາມໂຊກດີ, ສຸຂະພາບແຂງແຮງ ແລະ ຮ້ອງຂໍໃຫ້ລະດູ ປີໜ້າຟ້າຝົນເອື້ອອຳນວຍ, ຜົນຜະລິດໄດ້ຮັບຜົນດີ. ​ເມື່ອ ​ວົງ​ຄ້ອງ​ ຖືກນຳລົງມາ, ໜ່ວຍຟ້ອນ ຈະ​ຟ້ອນ​ອ້ອມ​ຕົ້ນທຸງຫາງ ​ໃນ​ຂະ​ນະ​​ຊາວ​ບ້ານ​ ຕີຄ້ອງ ຮ້ອງ​ເພງ ບົດ Gung Me, Gung Ma (ເພງ​ຍິນດີຕ້ອນຮັບແຂກ).  ຕໍ່​ໄປ​ແມ່ນ​ພິທີ​ເປີດ​ໄຫ, ຜູ້​ອາຍຸສູງ​ຂອງ​ບ້ານ​ ຈະ​ຖອກ​ເຫຼົ້າໃສ່ຈອກ ເອົາຂຶ້ນບູຊາເທວະດາ ຟ້າແຖນ ແລ້ວເຊີນ​ເຫຼົ້າ​, ​ໃສ່​ປອກແຂນເຮັດຈາກໝາກ​ປັດ, ປອກແຂນທອງ​​ ໃຫ້​ແກ່​ແຂກຖືກເຊີນ ​ແລະ​ ຜູ້​ເຂົ້າ​ຮ່ວມ. ​ໃນການ​ເປີດ-​ປິດ ​ພິທີ​ຄັ້ງ​ນີ້, ​ໜ່ວຍ​ຄ້ອງ​ ໄດ້​ຟ້ອນ​ລຳ​ທຳ​ເພງ ​ຕ້ອນຮັບ​ແຂກ ​ຢ່າງ​ບໍ່​ຢຸດ​ແລ້ວ​ຍ່າງ​ອ້ອມ​ຕົ້ນທຸງຫາງ ​ພ້ອມ​ກັບ​ໜ່ວຍ​ຟ້ອນ ​ໃນ​ເນື້ອ​ເພງ ​ທີ່​ມ່ວນ​ຊື່ນ​ ຂອງ​ ບົດ​ ຍູ ເຕີ ເນີມ (ດື່ມເຫຼົ້າໄຫ).

ຕາມ​ປົກ​ກະ​ຕິ, ​ເມື່ອເລີ່ມຕົ້ນ​ ງານບຸນ ​ວົງຄ້ອງ ຈະ​ປະສານສຽງ ເພື່ອຕ້ອນຮັບແຂກ, ຮ້ອງ​ຂໍ​ນ້ຳ​ຝົນ ​ແລະ ອື່ນໆ, ຈາກ​ນັ້ນ​ທຸກ​ຄົນ​ກໍ​ຈະ​ດື່ມ​ເຫຼົ້າ​ໄຫ ແລະ ຟ້ອນ​ລຳ​ທຳ​ເພງ​ພື້ນ​ເມືອງ. ຄວາມມ່ວນຊື່ນ ໄດ້ດຳເນີນໄປ ພ້ອມກັບດື່ມເຫຼົ້າໄຫ, ສຽງຄ້ອງ ຍິ່ງດັງສະໜັ່ນຟົດຟື້ນ, ສຽງເພງ ຍິ່ງຫວານຊື່ນ ເຮັດໃຫ້ທຸກຄົນ ຍິ່ງມີຄວາມຮູ້ມ່ວນຊື່ນ ຕື່ນເຕັ້ນ ເມື່ອຄິດເຖິງລະດູການ ເກັບກ່ຽວ ໄດ້ຮັບຜົນດີ ໃນປີໃໝ່ ທ່ີຈະມາເຖິງ. 

ປະຕິບັດ: ຫວຽດເກື່ອງ -ແປໂດຍ: ບິກລຽນ

ວັງ ກ໋ຽນຈຸງ ທີ່ງົດງາມ

ວັງ ກ໋ຽນຈຸງ ທີ່ງົດງາມ

ພາຍຫຼັງ 70 ປີແຫ່ງການຄົງຕົວໃນ ຊາກສະຫຼັກຫັກພັງ, ໃນລະດູບານ ໃໝ່ ປີ 2024, ວັງ ກ໋ຽນຈູງ, ໜຶ່ງໃນ 5 ກິດຈະການ ສະຖາປັດຕະຍະ ກຳ ຂະໜາດໃຫຍ່ ທີ່ຕັ້ງ ຢູ່ເທິງແກນ ຊິນໂຕ (Shinto) ໃນ ຕື໊ເກີ໋ມ ແທ່ງ (ພາຍໃນ ວັງຕ້ອງຫ້າມ) ເຫວ້ ໄດ້ ກັບຄືນມາ ວາດຊົງທີ່ໃຫຍ່ໂຕ ແລະ ສວຍງົດງາມ ຄືໃນສະໄໝກ່ອນ ເພື່ອສືບຕໍ່ເລົ່າເລື່ອງທີ່ໜ້າສົນ ໃຈ ກ່ຽວກັບຊີວິດຢູ່ ວັງໃນ ສະໄໝ ລາຊະວົງ ຫງວຽນ ແລະ ບັນດາ ເຫດການ ທີ່ເປັນຂີດໝາຍ ປະຫວັດສາດ ຂອງປະເທດ.

Top