• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ສິລະປະ

ງານຕິດຕັ້ງ ເຊລາມິກ ຮ່ວມສະໄໝ “ລອງກອງ”

ງານ​ວາງສະ​ແດງ​ເຄື່ອງ​ປັ້ນດິນ​ເຜົາ “ລອງກອງ” ໃນ​ຫົວ​ຂໍ້​ ນັບ​ແຕ່​ຮີດຄອງ​ປະ​ເພນີ​ ເຖິງ​ຄວາມ​ທັນ​ສະ​ໄໝ, ​ໄດ້​ແນະນຳ​ເຄື່ອງ​ປັ້ນດິນ​ເຜົາ​ເກືອບ 50​ແຜ່ນ ​ຂອງ​ ນັກ​ສິລະ​ປິນ ຈິ້ງຫວູຫຽວ ​ແລະ ບຸ່ຍ

ນັກຄົ້ນຄວ້າ ຟານເກີ໊ມເຖື້ອງ ໃຫ້ຮູ້ວ່າ: ເຄື່ອງປັ້ນດິນເຜົາແມ່ນ ວັດ ຖຸບູຮານ ແລະ ດັ້ງເດີມ ທີ່ໄດ້ແຜ່ລາມໄປທົ່ວ ອາລິຍະທຳ ຂອງ ມວນມະນຸດ. ໃນຊຸມປີມໍ່ໆ ມານີ້, ການໂຕ້ວາທີ ລະຫວ່າງສິລະປະ ແລະ ຫັດຖະກໍາ, ລະຫວ່າງສິລະປະຂັ້ນສູງ ແລະ ສິລະປະ ລະດັບ ຕ່ໍາ ໄດ້ສ້າງຄວາມປ່ຽນແປງ ສໍາລັບສິລະປະດິນເຜົາ ຍຸກປັດຈຸບັນ.


ລອງ​ກອງ” ​ມີຕົ້ນກຳເນີດ​ຈາກ​ການ​ພົບ​ປະ​ໂດຍບັງເອີນ​ລະຫວ່າງ​​ສິລະ​ປິນ ຈິ້ງຫວູຫຽວ ​ແລະ ບຸ່ຍກວັກແຄ໋ງ. “ລອງ​ກອງ” ແມ່ນ​ສຽງ​ຂອງ​ເຄື່ອງ​ປັ້ນ​ດິນ​ເຜົາ ​ເມື່ອ​ກະທົບ​ກັນ, ແມ່ນ​ໂອ​ກາດ​ພົບ​ປະ​​ໂດຍ ບັງເອີນລະຫວ່າງ​​ສິ​ລະ​ປິນ ທັງສອງ ທີ່​ມີ​ຫົວ​ຄິດ​ປະ​ດິດ​ສ້າງ. ສຳ ລັບທ່ານ ບຸ່ຍກວັກແຄ໋ງ, ເປັນເທື່ອທຳອິດ ເພິ່ນໄດ້ເຂົ້າໃກ້ກັບເຄື່ອງ ປັ້ນດິນເຜົາ ໃນຖານະ ນັກຮຽນຮູ້ ແລະ ທົດລອງ, ສຳລັບທ່ານ ຈິ້ງ ຫວູຫຽວ ດ້ວຍປະສົບການ ແລະ ຄວາມຮູ້ທີ່ສະສົມ, ເພິ່ນທັງເປັນ ນັກຮຽບຮຽງ ແລະ ທັງເປັນນັກເລົ່າເລື່ອງ. ສິ່ງ​ດັ່ງກ່າວ​ໄດ້​ສະ​ແດງ​ອອກ ​ແລະ ​ເປັນ​ສັນຍາ​ລັກ​ໃນ​ສອງພາກ​ສ່ວນ​ ລອງ ​ແລະ ກອງ ຂອງ​ສະຖານ​ທີ່​ວາງສະ​ແດງ ​ຄື​ເປັນ​ການ​ຜັນ​ຂະຫຍາຍ​ ຂອງ​ ສິລະ​ປະ​ ພື້ນ​ເມືອງ​ ມາ​ເປັນ​ສິລະ​ປະ ​ຍຸກປັດຈຸ​ບັນ.


ນັກຄົ້ນຄວ້າ ຟານເກີ໊ມເຖື້ອງ ກ່າວ​ຄຳ​ປາ​ໄສ​ເປີດ​ງານ​ວາງ​ສະ​ແດງ “ລອງ​ກອງ. ພາບ: ແທງຢາງ/VNP



ນັກ​ສິລະ​ປິນ ຈິ້ງຫວູຫຽວ ມີ​ຄວາມ​ເອກອ້າງ​ທະນົງ​ໃຈ ​ແລະ ປາດ​ຖະໜາ​ຢາກ​ຖ່າຍ​ທອດ​ບັນດາ​ເລື່ອງ​ປະຫວັດສາດ​ ຫວຽດນາມ ດ້ວຍ​ວິທີ​ຕ່າງໆ. ພາບ: ແທງຢາງ/VNP.



ນັກ​ສິລະ​ປິນ ບຸ່ຍກວັກແຄ໋ງ ໄດ້​ສ້າງ​ຕົວ​ລະຄອນ​ໃນ​ປະຈຸ​ບັນ​ຈາກ​ເຄື່ອງ​ປັ້ນດິນ​ເຜົາ. ພາບ: ແທງຢາງ/VNP



ດ້ວຍ​ການ​ນຳ​ໃຊ້​ແສງ​ສະ​ຫວ່າງ​ທີ່​ອ່ອນ​ໂຍນງານ​ວາງ​ສະ​ແດງ​ໄດ້​ເພີ່ມ​ຄວາມ​ສວຍ​ງາມ​ໃຫ້​ກັບ​ວຽກ​ງານ​ເຊ​ລາ​ມິກ. ພາບ: ແທງຢາງ/VNP



ພື້ນທີ່ວາງສະແດງທີ່ຖືກຈັດລຽງຢ່າງລະມັດລະວັງໄດ້ເຮັດໃຫ້ວຽກງານທີ່ໂດດເດັ່ນ. ພາບ: ແທງຢາງ/VNP




ງານ​ວາງສະ​ແດງ​ໄດ້​ດຶງ​ດູດ​ນັກ​ທ່ອງ​ທ່ຽວ​ເປັນ​ຈຳນວນ​ຫຼວງ​ຫຼາຍ. ພາບ: ແທງຢາງ/VNP

ສິ່ງ​​ຜູກ​ມັດ ​ບັນດາ​ຜົນງານ ​ຂອງ​ ສິລະ​ປິນ ທັງສອງ ຈິ້ງຫວູຫຽວ ​ແລະ ບຸ່ຍກວັກແຄ໋ງ ອາດ​ຈະ​ແມ່ນ​ຄວາມ​ຮັກ​ ​ແລະ ຄວາມ​ເອກ ອ້າງ​ທະນົງ​ໃຈ​ຕໍ່ ບັນດາ​ວັດ​ຖຸພັນ ບູຮານ ​ແລະ ມູນເຊື້ອ. ຄຸນຄ່າ​ ມູນເຊື້ອ ​ໄດ້​ສະ​ແດງ​ອອກ​ຢ່າງ​ອຸດົມສົມບູນ ​ແລະ ມີ​ຄວາມ​ຫຼາກ​ຫຼາຍ​ ໃນ 50 ຜົນງານ​ການປະດິດແຕ່ງ ຂອງ​ ​ສິລະ​ປິນທັງສອງ.

ນັກ​ສິລະ​ປິນ ຈິ້ງຫວູຫຽວ ຍັງ​ຮັກສາໄວ້ ບັນດາ​ລວດລາຍ ​ຂອງ ເຄື່ອງ​ປັ້ນດິນ​ເຜົາ ​ທີ່​ໄດ້​ຮັບ​ແຮງບັນດານ​ໃຈ​ຈາກ​ຮູບ​ແຕ້ມ ຮ່າງຈົງ. ບັນດາ ຜົນງານການປະດິດແຕ່ງ ຂອງ ເພິ່ນ ແມ່ນເລື່ອງລາວ ກ່ຽວ ກັບ ເທບພະເຈົ້າ ໃນຊີວິດທາງຈິດວິນຍານ ແຕ່ສະໄໝ ບູຮານ ທີ່ ໄດ້ເລົ່າ ຢ່າງໃກ້ຊິດ, ກຳຈັດສິ່ງກີດຂວາງ. ພິ​ເສດ, ​ຮູບ​ແຕ້ມ​ແຕ່ລະ ຮູບ ​ລ້ວນ​ສະ​ແດງ​ໃຫ້​ເຫັນ​ເທິງວັດຖຸ ​ເຄື່ອງ​ປັ້ນດິນ​ເຜົາ​ແບບ​ຍືນ​ຍົງ, ສ້າງ​ຜົນ​ສະທ້ອນ​ທີ່​ແຕກ​ຕ່າງ​ກັນ, ນຳ​ມາ​ເຊິ່ງປະສົບ​ການ​ທີ່​ໜ້າ​ສົນ​ໃຈ ​ແລະ  ຈັບອົກຈັບໃຈ​ ໃຫ້​ຜູ້​ຊົມ.

ຈຸດ​ປະ​ທັບ​ໃຈ​ໃນຜົນງານ​ເຄື່ອງ​ປັ້ນ​ດິນ​ເຜົາ ບຸ່ຍ​ກວັກ​ແຄ໋ງ ຄືຄວາມ​ປານີດ ດ້ວຍລາຍ​ລະ​ອຽດ​ ນັບ​ບໍ່​ຖ້ວນ ​ແບ່ງ​ອອກ​ເປັນ​ຊັ້ນໆ, ອົງປະ ກອບຮູບຮ່າງທ່ີຕໍ່ເນື່ອງກັນ, ສີ​ສັນ​ທີ່​ແຕກ​ຕ່າງ​ກັນ, ແຕ່​ຍັງ​ຄົງ​ແຝງ ໄວ້ ດ້ວຍລັກສະນະ ຈຳເພາະ ຂອງ ຫວຽດນາມ​.

ຈິ້ງຫວູຫຽວ ​ແລະ ບຸ່ຍກວັກແຄ໋ງ ກັບ​ງານ​ວາງສະ​ແດງ​ເຄື່ອງ​ປັ້ນດິນ​ເຜົາ “ລອງ​ກອງ” ​ເປັນ​ການ​ສະທ້ອນ​ເຖິງ​ສະພາບ​ວັດທະນະທຳ-ສັງ ຄົມ​ຍຸກປັດຈຸ​ບັນ ​ຂອງ ຫວຽດນາມ - ເປັນບ່ອນເຊິ່ງບັນດາ ​ຄຸນຄ່າ ​ແບບເກົ່າ ​ແລະ ຄຸນຄ່າ​ແບບໃໝ່​ ພວມ​ກ້າວ​ເຂົ້າ​ສູ່​ລວງ​ເລິກ ແລະ ຄົງຕົວ ຄຽງຄູ່ກັນໄປ.

ບັນດາຜົນງານການປະດິດແຕ່ງ ໃນງານວາງສະແດງ:













 
 
 

ບົດ: ເງິນຮ່າ - ພາບ: ແທງຢາງ - ແປໂດຍ: ຢືຟຽນ

ສ້າງ ສິລະປະ ຕ່ວງ ເຫວ້ ໃຫ້ຈະເລີນພັດທະນາ

ສ້າງ ສິລະປະ ຕ່ວງ ເຫວ້ ໃຫ້ຈະເລີນພັດທະນາ

ຜ່ານການເວລາ, ສິລະປະຕ່ວງ ໃນພະລາຊະວັງ ເຫວ້ ຄ່່ອຍໆ ຖືກ ເສື່ອມຫາຍໄປ ແຕ່ໂຊກດີ ໄດ້ບັນດານັກສິລະປິນ ທີ່ກະຕືລືລົ້ນ ຂອງ ໂຮງລະຄອນສິລະປະພື້ນເມືອງ ໃນ ພະລາຊະວັງ ເຫ້ວ ອອກແຮງ ພະຍາຍາມຮັກສາ ແລະ ຫາວິທີ ສ້າງຮູບການສິລະປະທີ່ເປັນເອກະລັກນີ້້ ໃຫ້ຈະເລີນພັດທະນາ. 

Top