• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຄົ້ນພົບ

ຄົ້ນພົບການເຮັດອາຫານຢູ່ ຮ່າໂນ້ຍ

ໃນ​ກາງ​ເດືອນ ​ກັນຍາ 2022, ​ເມື່ອ ​ຮ່າ​ໂນ້ຍ ກ້າວ​ເຂົ້າສູ່​ລະດູ​ໃບ​ໄມ້ຫຼົ່ນ ​ທີ່​ເຢັນ​ສະບາຍ, ພວກ​ຂ້າພະ​ເຈົ້າ​ໄດ້​ຕັດສິນ​ໃຈ​ໄປ​ຄົ້ນຫາອາຫານການກິນຢູ່ ​ຮ່າໂນ້ຍ, ​ເຊິ່ງ​ ເຝີ, ກາເຟ, ເຂົ້າຈີ່ ແມ່ນ​ເຍື່ອງ​ອາຫານ​ທີ່​ຂາດບໍ່​ໄດ້​ຈາກ​ລາຍການ​ອາຫານຂອງ ຮ່າໂນ້ຍ.

ເຝີ ຖື​ວ່າ ​ແມ່ນ “ອາຫານ​ປະຈຳ​ຊາດ” ຂອງ​ຊາວ ​ຫວຽດນາມ, ພິ​ເສດ​ແມ່ນ​ຢູ່ ​ຮ່າ​ໂນ້ຍ. ​​​ທົ່ວ​ທຸກແຫ່ງຢູ່ນະຄອນຫຼວງ​ ຮ່າ​ໂນ້ຍ, ຈາກ​ຖະໜົນ​ນ້ອຍ​ ຫາ​ຖະໜົນ​ໃຫຍ່, ທ່ານ ​ສາມາດ​ເຫັນ​ຊາວ ​ຮ່າ​ໂນ້ຍ ​ເລືອກ​ກິນ​ອາ​ຫານ​ເຊົ້າ​ ຢູ່​ບັນດາ​ຮ້ານ ​ເຝີ ມູນເຊື້ອ ຕືລຸ່ນ ຫຼື ນັກ​ທ່ອງ​ທ່ຽວ​ຕ່າງປະ​ເທດ​ ມັກມາຮ້ານ​ອາຫານ​ ທີ່​ມີ​ຊື່​ສຽງ​ ເພື່ອ​ຮັບ​ປະທານ​ອາຫານ​ຢ່າງ​ມ່ວນ​ຊື່ນ​ເຊັ່ນ: ເຝີ ຫຼີກວັກຊື, ເຝີ ບາດດ່ານ, ເຝີ ຖິ່ນ...

ບາງທີບໍ່ມີໃຜຮູ້ວ່າ ເຝີ ຮ່າໂນ້ຍ ມີແຕ່ເມື່ອໃດ, ແຕ່ແນ່ນອນ ທຸກຄົນໃຜກໍ່ຮູ້ວ່າ ເຝີແຊບຖ້ວຍໜຶ່ງ ແມ່ນຂຶ້ນກັບປະສົບການ ແລະ ຄວາມລັບທີ່ເປັນມູນເຊື້ອຂອງພໍ່ຄົວ, ໃນນັ້ນສິ່ງທີ່ສຳຄັນແມ່ນ ນໍ້າເຝີ. ນ້ຳ ທີ່ນຳໃຊ້ເພື່ອປຸງແຕ່ງ ເຝີ ​ແມ່ນ​ມັກ​ຕົ້ມ​ຈາກ​ກະດູກ​​ງົວ ​ພ້ອມ​ດ້ວຍ​ເຄື່ອງ​ເທດ​ຫຼາຍ​ຊະນິດ​ເຊັ່ນ: ແຄ່, ຕົ້ນ​ອານິດ, ແກ່ນ​ຜັກຫອມປ້ອມ... ຕົ້ມດ້ວຍ​ໄຟ​ອ່ອນໆ. ເຝີ ຖ້ວຍໜຶ່ງປະ ກອບດ້ວຍເສັ້ນ ເຝີ ໄດ້ຕັດເປັນເສັ້ນນ້ອຍ ແລ້ວປະກອບໄປດ້ວຍຊີ້ນງົວ ເຊັ່ນ: ເຄິ່ງສຸກເຄິ່ງດິບ, ສຸກ ຫຼື ຊີ້ນໄກ່ ສີກເປັນ ເສັ້ນໆ ແລ້ວໃສ່ນໍ້າເຝີ ທີ່ຮ້ອນໆ ຈະມີລົດຊາດໂດຍສະເພາະຂອງ ຮ່າໂນ້ຍ, ບໍ່ມີບ່ອນອື່ນຄື ຫຼື ສາມາດພົບເຫັນໄດ້ທ່ີອື່ນ.

ຮ້ານ​ ເຝີ ແຕ່​ລະ​ຮ້ານ​ຢູ່​ ຮ່າ​ໂນ້ຍ ​ມີ​ຄວາມ​ລັບ​ສະເພາະ ເປັນຂອງ​ຕົນ​ເອງ ເພື່ອ​ສ້າງ​ລົດ​ຊາດຫອມແຊບ​ທີ່​ແຕກ​ຕ່າງ​ກັນ​. ພາບ: ແຄ໋ງລອງ/VNP
ຕັ້ງ​ແຕ່​ປີ 1979 ຮອດ​ປັດ​ຈຸ​ບັນ​ເປັນ​ເວ​ລາ 40 ກວ່າ​ປີ, ຮ້ານ​ອາ​ຫານ ເຝີຖິ່ນ ຕັ້ງ​ຢູ່​ຖະ​ໜົນ ລໍ່ດູກ (ຮ່າ​ໂນ້ຍ) ຍັງ​ຄົງ​ຕ້ອນ ​ຮັບ​ແຂກ​ມາກິນ ເຝີ ​ນັບ​ພັນ​ຄົນ​ໃນ​ແຕ່​ລະ​ມື້. ພາບ: ແຄ໋ງລອງ/VNP
ເຝີ ຮ່າໂນ້ຍ ຖ້ວຍໜຶ່ງ​ທີ່​ແຊບ ​ຕ້ອງ​ຮັບ​ປະ​ກັນ​ອົງ​ປະ​ກອບ​ຂອງ​ນ​້​ໍ​າ​ ເຝີ​, ເສັ້ນ ເຝີ​ ແລະ ​ຊີ້ນ​ງົວ, ໄກ່ ຕ້ອງ​ສົດ. ພາບ: ແຄ໋ງລອງ/VNP
ຊີ້ນ ເພື່ອກິນ​ກັບ ເຝີ ມີ​ຫຼາຍຊະນິດ​, ແຂກມາກິນເຝີ ​ສາ​ມາດ ​ເລືອກ​ເອົາ​ຕາມ​ຄວາມ​ມັກ​ ຂອງຕົນ​​. ພາບ: ແຄ໋ງລອງ/VNP

ຫຼັງຈາກກິນ ເຝີ ທີ່ສົດໆ ຮ້ອນໆ, ເໝາະກັບອາກາດລະດູໃບໄມ້ຫຼົ່ນທີ່ເຢັນສະບາຍ, ພວກຂ້າພະເຈົ້າເລືອກໄປດື່ມກາເຟ. ວັດ ທະນະທຳ ​ແລະ ນິໄສ​ການ​ດື່ມ ​ກາ​ເຟ ຢູ່ ຮ່າ​ໂນ້ຍ ​ແມ່ນ​ມັກ​ໄປ​ກັບ​ໝູ່​ເພື່ອນ. ສະ​ນັ້ນ ເມື່ອ​ແລ່ນ​ຜ່ານ​ຮ້ານ​ ກາ​ເຟ ​ທີ່​ມີ​ຊື່​ສຽງ​ຢູ່​ ຮ່າ​ໂນ້ຍ ຈຳນວນໜຶ່ງ​ເຊັ່ນ: ກາ​ເຟ ຢາງ, ກາ​ເຟ ເລີມ, ກາ​ເຟ ເຖາະ, ກາ​ເຟ ອຽນ, ກາ​ເຟ ດິງ... ຈະ​ພົບເຫັນ​ຜູ້​ຄົນນັ່ງຕາມກຸ່ມ, ​ທັງ​ລົມ​ກັນ ​ທັງຈິບ ກາ​ເຟ ໄປນໍາ.

ພວກຂ້າພະເຈົ້າເລືອກຮ້ານ ກາເຟ ດິງ ທີ່ຕັ້ງຢູ່ຊັ້ນ 2 ຂອງເຮືອນ ຝຣັ່ງ ເກົ່າຫຼັງໜຶ່ງ. ບາງທີນອກຈາກຈອກ ກາເຟ ທີ່ມີລົດຊາດ ຫອມແຊບແລ້ວ, ສະຖາປັດຕະຍະກໍາ ຝຣັ່ງ ທີ່ເກົ່າແກ່ ຍັງເປັນເຫດຜົນທີ່ເຮັດໃຫ້ຮ້ານ ກາເຟ ດິງ ເຖິງວ່ານ້ອຍ, ແຕ່ກໍ່ຍັງເປັນຮ້ານທີ່ຫຼາຍຄົນຢາກຊອກຫາ.

ກາ​ເຟ ​ຮ່າ​ໂນ້ຍ ຈະບໍ່ເຂັ້ມຂຸ້ນ ​ແລະ ອຸດົມ​ດ້ວຍ​ຫຼາຍ​ທາງເລືອກ​ເຊັ່ນ: ກາ​ເຟ​ດຳຮ້ອນ, ກາ​ເຟດຳ​​ເຢັນ, ກາເຟ ນົມ​​ຮ້ອນ, ກາເຟນົມເຢັນ​... ພິ​ເສດ​ແມ່ນ​ກາ​ເຟ​ໄຂ່​ ໄດ້​ຖື​ວ່າ​ ແມ່ນ​ຈຸດ​ພິ​ເສດ​ຂອງນະຄອນຫຼວງ ຮ່າ​ໂນ້ຍ. ເປັນເຄື່ອງດື່ມທີ່ແຊບ ແລະ ແປກໃໝ່ ທີ່ໃຜໆ ກໍ່ຢາກລອງຄັ້ງໜຶ່ງ ຖ້າມີໂອກາດໄດ້ມາຕັ້ງໂຕະຢູ່ທີ່ນີ້. ເພາະມັນບໍ່ພຽງແຕ່ມີລົດຊາດ ຂອງໄຂ່ແດງເທົ່ານັ້ນ, ແຕ່ຍັງມີລົດຊາດ ທີ່ເຂັ້ມຂຸ້ນ ຂອງ ກາເຟ ແລະ ຮູບນອກທີ່ງາມອີກດ້ວຍ.

ກາເຟ ດິງ ທີ່ຕັ້ງຢູ່ຊັ້ນ 2 ຂອງເຮືອນ ຝຣັ່ງ ເກົ່າຫຼັງໜຶ່ງ. ພາບ: ແຄ໋ງລອງ/VNP
ບັນດາຈອກ ກາເຟໄຂ່ ທີ່ມີຊື່ສຽງຂອງ ຮ່າໂນ້ຍ. ພາບ: ແຄ໋ງລອງ/VNP
ກາເຟ ອຽນ ເປັນຮ້ານທີ່ມີເຄື່ອງໝາຍພິເສດຫຼາຍຢ່າງ ເພື່ອເຕືອນລູກຄ້າໃຫ້ຫຼີກລ່ຽງ ສຽງດັງ, ຮັກສາພື້ນທີ່ງຽບ ທີ່ໄດ້ຮັບຄວາມຢາກຮູ້ ຢາກເຫັນຂອງນັກທ່ອງທ່ຽວ ຈໍານວນຫຼາຍ.. ພາບ: ແຄ໋ງລອງ/VNP
ກາເຟ ແມ່ນທາງເລືອກທີ່ຂາດບໍ່ໄດ້ຂອງຊາວ ຫວຽດນາມ ສ່ວນຫຼາຍ. ພາບ: ແຄ໋ງລອງ/VNP

ນາງ ມາ​ລານ, ນັກ​ທ່ອງ​ທ່ຽວ​ຊາວ ​ອິນ​ເດຍ ​ກ່າວ​ວ່າ: “​ເມື່ອ​ມາ​ຢ້ຽມຢາມ ​ຮ່າ​ໂນ້ຍ, ຂ້າພະ​ເຈົ້າ​ໄດ້​ພົບ​ເຫັນ​ວັດທະນະທຳ ​ກາ​ເຟ ​ຂອງ​ປະຊາຊົນ​ຢູ່​ທີ່​ນີ້ ​ສຸດທີ່​ພິ​ເສດ. ປະຊາຊົນ ສາມາດນັ່ງດື່ມຢູ່ຂ້າງທາງ, ໃນຮ່ອມບ້ານທີ່ນ້ອຍໆ ຫຼື ໃນຮ້ານ ແລະ ​ເມື່ອ​ໄປ​ຮ້ານ ກາເຟ ດິງ ເພື່ອ​ດື່ມ ​ກາ​ເຟ​ ທີ່​ມີ​ລົດ​ຊາດ​ເຂັ້ມ​ຂຸ້ນ ໃນ​ບັນ​ຍາ​ກາດ​ຂອງ​ຄຸ້ມເມືອງ​ເກົ່າ, ຂ້າ​ພະ​ເຈົ້າຮູ້ສຶກ​ປະ​ທັບ​ໃຈ​ແທ້ໆ”.

ຫຼັງຈາກສົນທະນາກັບກຸ່ມນັກທ່ອງທ່ຽວ ມາຈາກ ອິນເດຍ ແລ້ວກໍ່ເຖິງເວລາເກືອບທ່ຽງ, ດັ່ງນັ້ນພວກຂ້າພະເຈົ້າຕັດສິນໃຈເລືອກກິນເຂົ້າຈີ່ ເປັນອາຫານທ່ຽງ. ຜ່ານທາງ ອິນເຕີເນັດ, ຂ້າພະເຈົ້າໄດ້ເຫັນການທົບທວນຄືນທີ່ດີຈາກຜູ້ທີ່ເຄີຍໄປກິນຢູ່ຮ້ານ ເຂົ້າຈີ່ 25. ຈາກຄວາມຢາກຮູ້ຢາກເຫັນກ່ຽວກັບເຂົ້າຈີ່ຂອງຮ້ານ, ຂ້າ ພະເຈົ້າຈຶ່ງຕັດສິນໃຈທີ່ຈະມາລອງຊື້. ແທ້ຈິງແລ້ວ, ຂ້າພະເຈົ້າກໍ່ແປກໃຈຫຼາຍ ເມື່ອນັ່ງຢູ່ຮ້ານປະມານ 2 ຊົ່ວໂມງ, ຈະເຫັນລູກຄ້າສ່ວນໃຫຍ່ທີ່ມາຕໍ່ແຖວຊື້ ລ້ວນແຕ່ແມ່ນຄົນຕ່າງປະເທດ.

ທ່ານ ດົ່ງ​ລິງ​ເຟືອງ, ​ເຈົ້າ​ຂອງ​ຮ້ານ​ເຂົ້າ​ຈີ່ 25 ​ໃຫ້​ຮູ້​ວ່າ ຕາມ​ປົກ ກະຕິ​ແລ້ວ, ຢູ່​ ຮ່າ​ໂນ້ຍ, ຜູ້ຄົນ​ມັກ​ກິນເຂົ້າຈີ່ ທີ່ປະກອບດ້ວຍຂອງກິນມູນເຊື້ອ​ຄື: ປາເຕ, ໄສ້ກອກ ​ແລະ ຊີ້ນ. ແຕ່ເຂົ້າຈີ່ 25 ແມ່ນແຕກຕ່າງ, ປະກອບດ້ວຍໃສ້ຫຼາຍຊະນິດທີ່ແຕກຕ່າງກັນ, ຕອບສະໜອງຄວາມ ຕ້ອງການກິນອາຫານທີ່ແຕກຕ່າງກັນ ຂອງ ຜູ້ຄົນຈໍານວນຫຼາຍ.

 

ຮ້ານ ເຂົ້າຈີ່ ຢູ່ຖະໜົນ ຮ່າງກາ. ພາບ: ແຄ໋ງລອງ/VNP

ມີອາຫານຫຼາຍຊະນິດເພື່ອໃຫ້ຜູ້ກິນເຂົ້າເລືອກ ຕາມໃຈມັກຂອງຕົນເອງ. ພາບ: ແຄ໋ງລອງ/VNP
ເຂົ້າຈີ່ ຍັງມີຫຼາກຫຼາຍວິທີການປຸງແຕ່ງ, ເຂົ້າຈີ່ ສໍາເລັດຮູບສໍາລັບຜູ້ທີ່ຊື້ກັບບ້ານ, ຜູ້ທີ່ຢາກກິນຢູ່ກັບທີ່ ກໍ່ສາມາດເລືອກກິນເຂົ້າຈີ່ ຫຼາຍປະເພດທີ່ຮ້ອນໆ ຫຼື ເຂົ້າຈີ່ ກິນກັບແກງຊີ້ນງົວ. ພາບ: ແຄ໋ງລອງ/VNP

ຢູ່ ​ຮ່າ​ໂນ້ຍ, ພຽງ​ແຕ່ໃຊ້ເງິນ 25.000-35.000 ດົ່ງ​ ແມ່ນສາ ມາດ​ ຊື້​ເຂົ້າ​ຈີ່ ມີໃສ້ ທ່ີແຕກຕ່າງກັນ ດ້ວຍສ່ວນປະສົມ​ທີ່​​ແຊບເຊັ່ນ: ​ເຂົ້າ​ຈີ່ປະສົມ, ​ເຂົ້າຈີ່ ປາເຕ, ໄຂ່, ໄກ່... ​ມີທັງເຂົ້າຈີ່  ເພື່ອຮັບໃຊ້​ໃຫ້​ແກ່​ຜູ້​ກິນເຈ ອີກດ້ວຍ. ນອກຈາກ​ນັ້ນ, ນັກ​ທ່ອງ​ທ່ຽວ​ສາມາດ​ນັ່ງ​ກິນ​ເຂົ້າຈີ່ ​ແລະ ຊົມ​ວິຖີ​ຊີວິດ ​ແລະ ຖະໜົນ​ຫົນທາງ​ໃນ​ຄຸ້ມ​ຖະໜົນ​ເກົ່າ ​ຮ່າ​ໂນ້ຍ.

ໃນ​ຕອນ​ທ້າຍ​ຂອງ​ລາຍການ​ທ່ອງ​ທ່ຽວຊີມ​ອາຫານ​ ຮ່າ​ໂນ້ຍ, ​ເຖິງ​ວ່າ ​ກິນ ແຕ່ເຝີິ, ກາ​ເຟ ແລະ ເຂົ້າ​ຈີ່ ກໍ່ຕາມ, ​ແຕ່ພວກຂ້າພະ ເຈົ້າ​ ໄດ້ເຂົ້າ​ໃຈສ່ວນໃດສ່ວນໜຶ່ງ ຄຸນຄ່າ​ວັດທະນະທຳ​ ການ​ປຸງ​ແຕ່ງ​ ອາຫານຂອງ​ຊາວ​ ຮ່າ​ໂນ້ຍ ໂດຍສະເພາະ ​ແລະ ຫວຽດ ນາມ ​ເວົ້າລວມ, ໄດ້ສ້າງຄວາມປະທັບໃຈ​ດ້ວຍ​ວິທີ​ປຸງ​ແຕ່ງ​ທີ່ທັນ​ສະ​ໄໝ, ການຈັດວາງ​ຢ່າງ​​ງາມຕາ ​ແລະ ມີ​ລົດ​ຊາດ​ທີ່​ເປັນ​ເອກະ ລັກ​ສະ​ເພາະຄືແນວໃດ ໃນສາຍຕາຂອງເພື່ອນ​ມິດສາ​ກົນ​ເມື່ອມາທ່ຽວຢູ່ທີ່ນີ້.

ບົດ: VNP/ເງິນຮ່າ - ພາບ: ແຄ໋ງລອງ - ແປໂດຍ: ຢືຟຽນ

ເທດສະການ ນາງຮາຍ ຂອງ ຊາວເຜົ່າ ໄຕ່

ເທດສະການ ນາງຮາຍ ຂອງ ຊາວເຜົ່າ ໄຕ່

ຕັ້ງຢູ່ທາງພາກເໜືອຂອງ ຫວຽດນາມ, ກາວບັ່ງ ມີຄວາມ ພາກພູມໃຈ ໄດ້ເປັນດິນແດນ ທ່ີອະນຸລັກຮັກສາຄຸນຄ່າ ທາງວັດທະນະທຳ ພື້ນເມືອງ ທີ່ເປັນເອກະລັກຫຼາຍຢ່າງ ຂອງ ວົງຄະນາຍາດ ບັນດາເຜົ່າສ່ວນໜ້ອຍ. ໃນຈຳນວນນັ້ນ, ເທດສະການ ນາງຮາຍ (ນາງ ພະຈັນ) ຢູ່ຕາແສງ ຕຽນແທ່ງ, ແຂວງ ກາວບັ່ງ ແມ່ນຈຸດພົ້ນເດັ່ນ ເນື່ອງຈາກວ່າ ມີລັກສະນະ ທີ່ເຕັມໄປດ້ວຍ ສີສັນວັດທະນະທຳ ທີ່ເປັນເອກະລັກ ຂອງ ຊາວເຜົ່າ ໄຕ່. ເທດສະການ ໄດ້ຈັດຂຶ້ນ ເພື່ອສະແດງຄວາມຮູ້ ບຸນຄຸນ, ເຄົາລົບທຳມະຊາດ ແລະ ອະທິດຖານ ໃຫ້ພືດຜົນລະປູກ ອຸດົມສົມບູນ. 

Top