• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ທ່ອງທ່ຽວ

ຄວາມມະຫັດສະຈັນຂອງຫາດຫີນ ຮ່ອນຈົ່ງ

ຫາດ​​ຫີນ​ ຮ່ອນຈົ່ງ ປະ​ກອບ​ດ້ວຍ​ກ້ອນ​ຫີນ​ໃຫຍ່​ຫຼາຍກ້ອນ ຢູ່​ແຄມ​ຝັ່ງ​ທະ​ເລ, ໄດ້​ກາຍ​ເປັນ​ສະ​ຖານ​ທີ່​ທ່ອງ​ທ່ຽວ ທີ່ໜ້າຈັບໃຈ​ ຂອງ​ນະ​ຄອນ ຍາຈາງ (ແຂວງ ແຄ໋ງຮວ່າ) ​ມາ​ແຕ່​ດົນ​ນານແລ້ວ.

ຄວາມມະຫັດສະຈັນຂອງຫາດຫີນ ຮ່ອນຈົ່ງ

ມາທີ່​ນີ້, ນັກ​ທ່ອງ​ທ່ຽວ​ ສາມາດ​ຮູ້ສຶກ​ໄດ້ວ່າ ຫາດຫີນ ຮ່ອນຈົ່ງ​ ເປັນ​ຈຸດ​ຕັດ​ກັນລະຫວ່າງ​ພູ ​ກັບ ທະ​ເລ ​ແລະ ​ໄດ້​ຮັບຟັງຫຼາຍ​ເລື່ອງ​ທີ່​ໜ້າ​ສົນ​ໃຈ​ກ່ຽວ​ກັບ​ນິທານ​ ຂອງ​ ຫາດຫີນແຫ່ງ​ນີ້.

ຮ່ອນຈົ່ງ ​ຕັ້ງ​ຢູ່​ທາງ​ທິດຕາ​ເວັນ​ອອກ​ສຽງ​ເໜືອ ​ຂອງ ​ນະຄອນ​ ຍາຈາງ, ​ຂຶ້ນກັບ​ຄຸ້ມ​ບ້ານ ຫວິ໊ງ​ເຟືອກ, ຫ່າງ​ຈາກ​ໃຈກາງ​ຖະໜົນ ​ເຈິ່ນ​ຝູ ປະມານ 3 ກິ​ໂລ​ແມັດ. ອ້ອມ​ແອ້ມ ​ຮ່ອນຈົ່ງ ແມ່ນ ຮ່ອນດໍ, ຮ່ອນ​ຣົ່ວ, ​ໄກໆ ແມ່ນ​ ຮ່ອນ​ແຈ, ທາງ​ໜ້າ​ແມ່ນ​ພູ​ ໂກ​ຕຽນ.

ມີເລື່ອງເລົ່າພື້ນເມືອງ ທີ່ໜ້າສົນໃຈ ໄດ້ເລົ່າສູ່ຟັງ ກ່ຽວກັບຕໍານານ ຂອງ ຮ່ອນຈົ່ງ, ແປກປະຫຼາດທີ່ສຸດແມ່ນຢູ່ເທິງ ກ້ອນຫີນໃຫຍ່ ກ້ອນໜຶ່ງ ທີ່ຕັ້ງຢູ່ເທິງຈອມພູສູງສຸດ ຂອງ ຮ່ອນຈົ່ງ ມີຮ່ອງຮອຍ ຂອງ ຝ່າມື ໃຫຍ່ໜຶ່ງ ໄດ້ຝັງເລິກຢູ່ໃນຫີນ, ຄົບທັງ ຫ້ານີ້ວ ແລະ ລາຍມື, ຄືກັບວ່າ ເມື່ອພູຫາກໍ່ຖືກສ້າງຂຶ້ນ, ຫີນຍັງບໍ່ທັນແຂງ, ມີຝ່າມືໃຫຍ່ໜຶ່ງຈັບໃສ່ ເຊິ່ງເຮັດໃຫ້ ຮ່ອງຮອຍຝັງເລິກຢູ່ໃນຫີນ ຈົນເຖິງປັດຈຸບັນນີ້.



 ເຂດ​ທ່ອງ​ທ່ຽວ​ ຮ່ອນ​ຈົ່ງ​ ໄດ້ປະກອບດ້ວຍກ້ອນ​ຫີນ​​ໃຫຍ່ຫຼາຍກ້ອນ​ທີ່​ມີ​ຫຼາກຫຼາຍຮູບຊົງ, ​ຈາກ​ຝັ່ງ​ສູງ​ລົງ​ສູ່​ທະ​ເລ. ພາບ: ແທງຢາງ/VNP

ຖ້າມາແຕ່ເຊົ້າ, ນັກທ່ອງທ່ຽວສາມາດເບິ່ງຕາເວັນຂຶ້ນທີ່ສວຍງາມຢູ່ທີ່ນີ້. ພາບ: ແທງຢາງ/VNP


 

ກ້ອນຫີນຂະໜາດໃຫຍ່ ແລະ ນ້ອຍຫຼາຍກ້ອນທັບຊ້ອນກັນຢູ່ໃນບໍລິເວນຫາດຊາຍ ຮ່ອນຈົ່ງ. ພາບ: ແທງຢາງ/VNP

ປະຊາຊົນ​ຢູ່​ເຂດ​ແຄມ​ຝັ່ງ​ທະ​ເລ​ ຍາ​ຈາງ ​ຍັງ​ເລົ່າ​ສູ່ຟັງ ເລື່ອງກ່ຽວກັບ​ຊາຍ​ຕຶກຄຶກ ຄົນໜຶ່ງ​ທີ່​ເຄີຍ​ມາ​ແຫ່ງ​ນີ້ ​ເພື່ອ​ສ້າງ​ພູ ​ແລະ​ ສ້າງ​ອ່າວ​ ຍາ​ຈາງ​ ໃນ​ປັດຈຸ​ບັນ. ມື້ໜຶ່ງ, ເມື່ອຊາຍຕຶກຄຶກ ກຳລັງ ນັ່ງຕຶກປາ, ໄດ້ມີປາໃຫຍ່ໂຕໜຶ່ງ ມາສວບເຫຍື່ອ ແລະ ລາກມັນ ອອກໄປ, ເພິ່ນຕ້ອງດຶງຖອຍຫຼັງ, ມືໜຶ່ງຈັບຄັນເບັດ, ມືໜຶ່ງຈັບກ້ອນຫີນ ເພື່ອເລັ່ງແຮງ, ເຮັດໃຫ້ມືຂອງເພິ່ນ ຂ້າງໜຶ່ງກົດລົງໃສ່ຫີນ ແລະ ສ້າງເປັນຮອຍມື ຄືເຫັນໃນປັດຈຸບັນ.

ມີອີກຕໍານານເລົ່າວ່າ ​ແຕ່ກ່ອນ​ໜຶ່ງ, ມີ​ຊາຍໜຸ່ມ​ຄົນ​ໜຶ່ງ​ມາ​ແຜ່ນ ດິນແຫ່ງ​ນີ້​ ເພື່ອ​ຊົມ​ທັດສະນີ​ຍະ​ພາບ, ​ໄດ້​ພົບ​ກັບ​ນາງ​ຟ້າ ​ກຸ່ມ​ໜຶ່ງ​ພວມອາບ​ນ້ຳ, ​ຊາຍ​ໜຸ່ມ​ໄດ້​ລັກ​ເບິ່ງ ​ແລະ ບັງ​ເອີນ​ໄດ້ພະລາດລົ້ມ, ​ແລ້ວ​ລາວ ​ກໍ​ຟ້າວ​ເອົາມືຈັບໃສ່​ພູ​ ຈຶ່ງເຮັດໃຫ້​ພູ​ເຂົາ​​ພັງ​ລົງມາ, ກ້ອນ​ຫີນ​ໄດ້​ຫຼຸດ​ລົງ ເຊິ່ງເຮັດ​ໃຫ້​ຮອຍ​ມື​ຖືກຝັງເລິກຢູ່​ໃນ​ຫີນ. ຜູ້​ຄົນ​ຢູ່​ທີ່​ນີ້ ​ຍັງ​ເລົ່າສູ່ຟັງອີກວ່າ ຢູ່​ເທິງ​ຫາດຫີນ ແຫ່ງນີ້​ ມີ​ກ້ອນ​ຫີນກ້ອນໜຶ່ງ​ ທີ່​ມີ​ຮູບ​ຊົງຄືກັບ​ຄົນໜຶ່ງ ພວມນັ່ງ​ຫັນໜ້າອອກໄປເບິ່ງພູ​ ໂກ​ຕຽນ (ນາງ ຟ້າ). ນິທານເລົ່າວ່າ ນາງຟ້າ ຜູ້ຫຼ້າ ຍັງຄົງຢາກຢູ່ກັບຄວາມງາມຂອງໂລກ, ບໍ່ຢາກ ກັບຄືນສູ່ສະຫວັນ, ສະນັ້ນ ນາງຈຶ່ງກາຍເປັນພູໜ່ວຍນີ້. ປັດຈຸ​ບັນ, ພູ​ເຂົາ​ເຫຼົ່າ​ນີ້​ ໄດ້​ຮັບ​ການ​ພັດທະນາ​ການ​ທ່ອງ​ທ່ຽວ​ ໃສ່​ຊື່​ວ່າ ຫາດ ຕຽນ.


ນັກ​ທ່ອງ​ທ່ຽວ​ໄດ້​ສຳ​ຜັດ​ກັບ​ບັນ​ດາ​ການເຄື່ອນໄຫວດ້ານ
ວັດ​ທະ​ນະ​ທຳ, ​ສິ​ລະ​ປະ​ຢູ່​ເຂດ​ທ່ອງ​ທ່ຽວ ຮ່ອນຈົ່ງ
. ພາບ: ແທງຢາງ/VNP

 

ໃນ​ເວລາ​ທີ່​ບໍ່​ມີ​ການ​ແຜ່​ລະບາດ​ຂອງ​ພະຍາດ​ໂຄ​ວິດ 19, ​ໃນ​ແຕ່​ລະ​ມື້, ​ເຂດ​ທ່ອງ​ທ່ຽວ​ ຮ່ອນຈົ່ງ ໄດ້​ຕ້ອນຮັບ​ແຂກ​ທ່ອງ​ທ່ຽວ​ນັບ​ຮ້ອຍ​ເທື່ອ​ຄົນ. ພາບ: ແທງຢາງ/VNP
 

ບັນດາກ້ອນຫີນໃຫຍ່ທີ່ມີຮູບຊົງ ແລະຈຸດທີ່ຕັ້ງເປັນເອກະ ລັກສະເພາະ ຄືກັບການຈັດລຽງດ້ວຍມືຂອງມະນຸດ. ພາບ: ແທງຢາງ/VNP
 
ເທິງ ກ້ອນຫີນໃຫຍ່ ກ້ອນໜຶ່ງ ທີ່ຕັ້ງຢູ່ເທິງຈອມພູສູງສຸດ ຂອງ ຮ່ອນຈົ່ງ ມີຮ່ອງຮອຍ ຂອງ ຝ່າມື ໃຫຍ່ໜຶ່ງ ໄດ້ຝັງເລິກຢູ່ໃນຫີນ, ຄົບທັງ ຫ້ານີ້ວ ແລະ ລາຍມື, ຄືກັບວ່າ ເມື່ອພູຫາກໍ່ຖືກສ້າງຂຶ້ນ. ພາບ: ແທງຢາງ/VNP
 

ຍັງມີນິທານອີກເລື່ອງໜຶ່ງກ່ຽວກັບ ຮ່ອນຈົ່ງ ວ່າ: ມື້ໜຶ່ງ, ມີເຮືອ ຂອງ ຜົວເມຍຄູ່ໜຶ່ງ ຖືກລົມ ແລະ ຄື້ນທະເລ ພັດເຂົ້າມາເຂດ ທະເລແຫ່ງນີ້. ຄື້ນທະເລ​ໄດ້​ຍູ້ເຮືອທັບໃສ່ຜາຫີນ ຈົນແຕກໝົດ. ຄື້ນຟອງໃຫຍ່ດຶງເມຍອອກໄປ. ຜູ້​ເປັນ​ຜົວ​ຟ້າວ​ອອກ​ໄປ​ດຶງ​ເມຍ​ເຂົ້າ​ມາ, ແຕ່​ຄື້ນ​ນັບມື້ນັບແຮງ​ຂຶ້ນ. ຜູ້ເປັນຜົວ​ກອດເມຍ​ດ້ວຍ​ມື​ເບື້ອງ​ໜຶ່ງ, ອີກ​ມື​ໜຶ່ງ​ຈັບໃສ່ກ້ອນຫີນ. ດັ້ງເດີນກ້ອນຫີນ ຢາກລົ້ມຢູ່ແລ້ວ, ດຽວນີ້ ດ້ວຍກຳລັງ ຂອງ ຜູ້ເປັນຜົວ ພວມຈັບໃສ່ ຈຶ່ງເຮັດ ໃຫ້ກ້ອນຫີນ ຕົກລົງສູ່ທະເລ ແລະ ຝັງສົບຄູ່ຜົວເມຍນີ້. ເຂົາ​ເຈົ້າ​ຕາຍ​ໄປ, ແຕ່​ຮອຍ​ມື​ຂອງ​ຜູ້ເປັນຜົວ ​ຍັງ​ຝັງໄວ້​ໃນ​ກ້ອນ​ຫີນ ແລະ ​ຖືກ​ຮັກສາ​ໄວ້​ຕະຫຼອດ​ໄປ. ສ້າງເປັນຮ່ອນຈົ່ງ-ຮ່ອນເວີ້ ໃນປັດຈຸບັນ (ກ້ອນຫີນຜົວ-ກ້ອນຫີນເມຍ). 

ນິທານທີ່ກ່າວມາຂ້າງເທິງນີ້ ເບິ່ງຄືວ່າ ໄດ້ປະດັບປະດາ ຄວາມງາມອັນລຶກລັບ ຂອງ ຫາດຫີນ ຮ່ອນຈົ່ງ.

ຢູ່​ທີ່​ນີ້, ທິວ​ທັດ​ແມ່ນ​ມີ​ສະ​ເໜ່. ພູເຂົາ, ທະເລ ແລະ ຝັ່ງແມ່ນຢູ່ ໃກ້ກັນ. ຢູ່​ທີ່​ນີ້, ນັກທ່ອງທ່ຽວ ສາ​ມາດ​ນັ່ງ​ຢູ່​ເທິງໂງ່ນ​ຫີນ ​ເພື່ອ​ຕຶກ​ປາ ຫຼື ເຄື່ອນ​ຍ້າຍ​ຫຼາຍ​ສິບ​ແມັດ​ໄປ​ຫາ​ຝັ່ງ ​ເພື່ອ​ລອຍ​ນ້ຳ​ເທິງ​ດິນ​ຊາຍ​ທີ່​ລຽບ​ງ່າຍ. ນ້ໍາທະເລ ແມ່ນໃສສະອາດ ແລະ ສະຫງົບ.

ຖ້າເບິ່ງກັບມາຕົວເມືອງແລ້ວ, ບາງທີເຂດ ຮ່ອນຈົ່ງ ແມ່ນໜຶ່ງ ໃນບັນດາຈຸດ ນັ່ງເບິ່ງນະຄອນແຄມຝັ່ງທະເລ ທີ່ສວຍງາມທີ່ສຸດ ດ້ວຍເສັ້ນໂຄ້ງຂອງຫາດຊາຍລຽບ ຕາມຖະໜົນ ເຈິ່ນຝູ; ປະດັບປະດາ ດ້ວຍຕົ້ນໝາກພ້າວ ເປັນແຖວສູງສະຫງ່າ ເພື່ອຕ້ອນຮັບຄື້ນ ທະ ເລ. 

ປະຕິບັດ: ແທງຢາງ ແລະ ກົງດາດ - ແປໂດຍ: ຢືຟຽນ

 


Top