• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ວັດທະນະທຳ

ການເດີນທາງປະຕິບັດຫໍສະໝຸດ ແຫ່ງຄວາມຝັນ

ທ່ານ​ນາງ ຫງວຽນ​ຟີ​ເວິນ, ປະທານ​ສະມາຄົມ​ລົງທຶນ​ເທວະ​ດາ​ຫວຽດນາມ, ຜູ້​ຮ່ວມ​ກໍ່​ຕັ້ງ​ໂຄງການ​ຫໍສະໝຸດ​ແຫ່ງ​ຄວາມ​ຝັນ​ໄດ້ແບ່ງປັນກ່ຽວກັບ “ພາລະກິດ” ຂອງໂຄງການວ່າ “ສິລະ​ປະ​ຈະ​ຊີ້​ນຳ​ຄວາມ​ຈິງ - ຄວາມ​ດີ - ຄວາມ​ງາມ ​ແລະ ​ເຮັດ​ໃຫ້​ເຂົາ​ເຈົ້າ​ມີ​ຄວາມ​ຝັນ​ໃນ​ຊີວິດ​ອັນ​ດີງາມ”. 

ຫໍສະໝຸດ ແຫ່ງຄວາມຝັນ” ຈະເປັນບ່ອນຊ່ວຍໃຫ້ ເດັກນ້ອຍສ້າງນິໄສການອ່ານໜັງສື ແລະ ເຂົ້າຮ່ວມບັນດາ ກິດຈະກຳດ້ານສິລະປະ. ​ທ່ານ​ນາງ ຫງວຽນຟີເວິນ ​ເຫັນວ່າ ​ເດັກນ້ອຍ​ຫວຽດນາມ ຕ້ອງ​ເພີ່ມ​ຄວາມ​ຮູ້​ທີ່​ບໍ່​ມີ​ຢູ່​ໃນ​ປຶ້ມຄວາມ​ຮູ້​ທີ່​ ຊ່ວຍໃຫ້​ເຂົາ​ເຈົ້າ​ມີທຶນ​ໃນ​ການ​ດຳລົງ​ຊີວິດ​ເຂົ້າ​ໃຈ ​ແລະ ພັດທະນາເຮັດຕົນ​ເອງ​ໃຫ້​ດີ​ຂຶ້ນ. ຄຽງຄູ່ກັນນັ້ນເມື່ອເດັກນ້ອຍເຂົ້າ ຮ່ວມກິດຈະກຳສິລະປະເຊັ່ນ: ການແຕ້ມຮູບດົນຕີການຖ່າຍຮູບເດັກນ້ອຍຈະມີຄວາມຄິດສ້າງສັນ ແລະ ຮັກຊີວິດຫຼາຍຂຶ້ນ.

ຈາກນັ້ນ​, ເປົ້າ​ໝາຍ​ຂອງ​ໂຄງ​ການ​ແມ່ນ​ເພື່ອ​ໃຫ້​ເດັກ​ນ້ອຍ​ຫວຽດ​ນາມ ມີ​ການກະ​ກຽມ​ຄວາມພ້ອມ ໃຫ້ດີ​ທີ່ສຸດ​ໃນ​ອະ​ນາ​ຄົດ. ​ເຂົາ​ເຈົ້າ​ບໍ່​ພຽງ​ແຕ່​ຮຽນ​ເພື່ອຫາຄວາມຮູ້, ​ເພື່ອເຮັດ​ເທົ່າ​ນັ້ນ, ຫາກ​ຍັງ​ດຳ​ເນີນ​ຊີວິດ​ຢູ່​ນຳ​ກັນ, ເພື່ອຢືນຢັນ​ຕົນ​ເອງ​ບໍ່​ພຽງ​ແຕ່​ຢູ່ ຫວຽດນາມ ​ເທົ່າ​ນັ້ນ ຫາກ​ຍັງ​ຢູ່​ໃນ​ໂລກອີກດ້ວຍ.

ເຄື່ອງເຟີນີເຈີ ແລະ ການຕົກແຕ່ງພາຍໃນຂອງຫໍສະໝຸດ ມີສີສັນທີ່ຈັບໃຈ ແລະ ດຶງດູດໃຈ. ພາບ: ໂຄງການຫໍສະໝຸດ ແຫ່ງຄວາມຝັນ
ທ່ານ​ນາງ ຫງວຽນ​ຟີ​ເວິນ, ຜູ້​ຮ່ວມ​ກໍ່​ຕັ້ງ​ໂຄງການ​ ໄດ້​ມີການ ສຳຜັດຕົວຈິງ ໃນ​ຫໍສະໝຸດ​ແຫ່ງ​ຄວາມ​ຝັນ ພ້ອມກັບນັກຮຽນ. ພາບ: ໂຄງການຫໍສະໝຸດແຫ່ງຄວາມຝັນ
ນອກຈາກນັ້ນ, ຫໍສະໝຸດແຫ່ງຄວາມຝັນ ຍັງມີບັນດາການ ເຄື່ອນໄຫວດ້ານສິລະປະ ເພື່ອຊ່ວຍໃຫ້ເດັກນ້ອຍເຂົ້າເຖິງ ແລະ ຮູ້ຈັກ ກັບວິຊາສິລະປະ ຫຼາຍປະເພດ. ພາບ: ໂຄງການ ຫໍສະໝຸດແຫ່ງຄວາມຝັນ

ເປີດ​ໂຄງການ​ຫໍສະໝຸດ​ແຫ່ງ​ຄວາມ​ຝັນ​ຢູ່​ໂຮງຮຽນ​ປະຖົມ ​ເຈື່ອງ​ດິງ, ຕາ​ແສງ ດັກ​ອື, ປີ 2020. ພາບ: ໂຄງການຫໍສະໝຸດ ແຫ່ງຄວາມຝັນ

ຫໍສະໜຸດ ແຫ່ງຄວາມຝັນ (Library of Dreams)​ແມ່ນ​ໂຄງການ​ຫໍສະໝຸດ​ສິລະ​ປະ​ຂອງ​ເດັກນ້ອຍ​ຫວຽດນາມ ​ຢູ່ເຂດທຸລະກັນ ດານ , ການເຂົ້າເຖິງປຶ້ມ ​ແລະ ກິດຈະກຳ​ວັດທະນະທຳ ສິລະ​ປະ​ຍັງ​ພົບກັບຄວາມຫຍຸ້ງຍາກ​, ເພາະສະນັ້ນ ​ທ່ານ​ນາງ ຫງວຽນ​ຟີ​ເວິນ - ​ປະທານ​ຄະນະ​ກຳມະການ​ບໍລິຫານ ບໍລິສັດ Retail & Franchise Asiaແລະ ທ່ານ ວັນຕຽນຮຸ່ງ, ຫົວໜ້າບັນນາທິການໃຫຍ່ໜັງສືພິມ ຕວຍແຈ໋ພ້ອມກັນສ້າງຕັ້ງໃນປີ 2014.

ຄູ​ອາ​ຈານ, ພໍ່​ແມ່​ແລະ​ນັກ​ຮຽນ​ມີ​ຄວາມ​ສຸກ​ຫຼາຍ​ ເມື່ອໄດ້ນໍາໃຊ້​​ຫ້ອງ​ສະ​ໝຸດ. ໂຮງຮຽນ ເກີປາເກີິເລືອງ - ກອນຕູມ, ບ່ອນທີ່ມີນັກຮຽນຊົນເຜົ່າ ສ່ວນໜ້ອຍເກືອບ 100% ໄດ້ນຳໃຊ້ ຫໍສະໝຸດແຫ່ງຄວາມຝັນໃນເດືອນກຸມພາ 2022ໄດ້ກ່າວກັບພວກຂ້າພະເຈົ້າວ່າ ຖ້າບໍ່ມີໂຄງການ, ບໍ່ຮູ້ຮອດເມື່ອໃດ ຈຶ່ງມີໂອກາດໄດ້ນັ່ງ ​ແລະ​ອ່ານ​ໃນ​ຫ້ອງ​ສະໝຸດ​ທີ່ກວ້າງ​ຂວາງ ​ແລະ ສວຍ​ງາມ ມີປຶ້ມ​ອ່ານມ່ວນໆ, ໜ້າ​ສົນ​ໃຈ ​ແລະ ມີ​ປະ​ໂຫຍ​ດຫຼາຍ​ຢ່າງຄືແນວນີ້”, ທ່ານ​ນາງ ຫງວຽນ​ທິຕວຽດຍຸງ, ຜູ້​ບໍລິຫານໂຄງການ​ຫໍສະໝຸດ​ແຫ່ງ​ຄວາມ​ຝັນ​ແບ່ງປັນ​ຄວາມ​ຊົງ​ຈຳ​ໃນ​ການ​ປະຕິບັດ​ໂຄງການ​ຫໍສະໝຸດ​ແຫ່ງ​ຄວາມ​ຝັນ​ຄັ້ງ​ຫຼ້າ​ສຸດ.

ໂດຍສະເພາະ, ຫໍສະໝຸດແຫ່ງຄວາມຝັນ ມີພື້ນທ່ີການອ່ານ ທ່ີສະ ດວກສະບາຍ ແລະ ສະໜຸກສະໜານ ໃຫ້ເດັກນ້ອຍ. ແຕ່ລະຫ້ອງປະກອບດ້ວຍ 2 ສ່ວນຫຼັກ. ເຄື່ອງເຟີນີເຈີ ແລະ ການຕົກແຕ່ງພາຍໃນຂອງຫໍສະໝຸດ ມີສີສັນທີ່ຈັບໃຈ ແລະ ດຶງດູດໃຈ. ບ່ອນນັ່ງອ່ານແມ່ນສະດວກສະບາຍ. ປຶ້ມມີເນື້ອໃນທີ່ຫຼາກຫຼາຍເໝາະສໍາລັບທຸກໄວ, ມີຮູບພາບທີ່ສວຍງາມ. ດັ່ງນັ້ນ​, ​ແຕ່​ລະ​ໂຮງຮຽນ ຈິ່ງ​ໃຫ້​ຄຳ​ໝັ້ນ​ສັນຍາ​ວ່າ​ຈະ​ມີ​ເວລາ​ອ່ານ​ພາກ​ບັງຄັບ. ຄູອາຈານ ແລະນັກຮຽນອ່ານໜັງສື. ຫຼັງຈາກນັ້ນ, ຄູອາຈານ ຈະເປັນຜູ້ເປີດຕົວແຜນການແຂ່ງຂັນເພື່ອແບ່ງປັນຄວາມຮູ້ສຶກຂອງເຂົາເຈົ້າຫຼັງຈາກອ່ານໜັງສື, ຄວາມຮູ້ສຶກຂອງເຂົາເຈົ້າກ່ຽວກັບປຶ້ມຫົວໃໝ່ ແລະອື່ນໆ.

ຕາມ​ທ່ານ​ນາງ ຕວຽດຍຸງ​ແລ້ວ, ​ເດັກນ້ອຍ​ຫວຽດນາມ ຢູ່​ບັນດາ​ພູມີພາກ, ໂດຍ​ສະ​ເພາະ​ແມ່ນ​ເຂດ​ຫ່າງ​ໄກ​ສອກຫຼີກ, ​ເຊິ່ງພູມ​ສາດ ​ແລະ ​ເສດຖະກິດ​ຍັງມີ​ຄວາມ​ຫຍຸ້ງຍາກ​ຫຼາຍ​ຢ່າງ​ໃນ​ການ​ເຂົ້າ​ເຖິງ​ຄວາມ​ຮູ້, ​ກໍ່ຄື​ສິລະ​ປະ. ຫໍສະໝຸດແຫ່ງຄວາມຝັນຈະເປັນບ່ອນຊ່ວຍໃຫ້ເດັກນ້ອຍເຂົ້າເຖິງບັນດາແຫຼ່ງຄວາມຮູ້ໃໝ່ສຸດກ່ຽວກັບວິທະຍາສາດ, ສິລະປະ ແລະ ຄວາມຄິດສ້າງສັນ, ກະກຽມໃຫ້ແກ່ຄົນລຸ້ນຫຼັງທີ່ມີຫົວຄິດປະດິດສ້າງຂອງ ຫວຽດນາມ ໄດ້ສືບທອດ.

ການ​ຊ່ວຍ​ເຫຼືອ​ເດັກ​ນ້ອຍ ຫວຽດ​ນາມ ໃຫ້ມີ​ນິ​ໄສ​ການ​ອ່ານ, ຮຽນ​ຮູ້ ແລະ ເຂົ້າ​ເຖິງ​ຄວາມ​ຮູ້ ແມ່ນ​ຄວາມ​ປາດ​ຖະ​ໜາ​ຂອງ​ຜູ້​ກໍ່​ຕັ້ງ​ໂຄງ​ການ​ຫໍ​ສະ​ໝຸດ​ແຫ່ງ​ຄວາມ​ຝັນ. ພາບ: ໂຄງການຫໍ ສະໝຸດແຫ່ງຄວາມຝັນ

ບັນດາ​ນັກ​ຮຽນໄດ້​ນຳ​ສະ​ເໜີ​ບັນດາ​ຜະລິດ​ຕະພັນ​ທີ່​ຜະລິດ​ໃນ​ກິດຈະກຳ​ສິລະ​ປະ​ຂອງ​ຫໍສະໝຸດ​ແຫ່ງ​ຄວາມ​ຝັນ. ພາບ: ໂຄງການຫໍສະໝຸດ ແຫ່ງຄວາມຝັນ

ນັກຮຽນກຳລັງອ່ານໜັງສືຢູ່ຫໍສະໝຸດແຫ່ງຄວາມຝັນ. ພາບ: ໂຄງການຫໍສະໝຸດ ແຫ່ງຄວາມຝັນ

ບັນດາ​ປຶ້ມ​ໃນ​ຫໍສະໝຸດ​ແຫ່ງ​ຄວາມ​ຝັນໄດ້​ຮັບ​ການ​ຄັດ​ເລືອກ​ໂດຍ​ຄະນະ​ຜູ້​ຊ່ຽວຊານ, ຈະ​ຊ່ວຍ​ປູກ​ຝັງ​ ແຫ່ງການເປັນພົນລະ​ເມືອງ​​ໂລກ, ຄວາມຄິດສ້າງສັນ ແຫ່ງການປ່ຽນແປງໃໝ່ ທີ່ມີ​ຫົວຄິດ​ປະດິດ​ສ້າງ ​ແລະ ພື້ນຖານ​ສີມື​ແຮງ​ງານ​ສະຕະວັດ​ທີ XXI. ​ທ່ານນາງ      ຫງວຽນຟີເວິນ ຫວັງວ່າ ໃນອະນາຄົດ, ເດັດນ້ອຍ ຫວຽດນາມ ຈະໄດ້ເຂົ້າເຖິງ​ຄວາມ​ຮູ້, ສິລະ​ປະ ​ແລະ ຄວາມ​ປະ​ດິດສ້າງ, ກຽມຄວາມພ້ອມ​ສໍາລັບຊ່ວງເວລາ​ຄວາມ​ວຸ້ນວາຍ ​ແລະ ສິ່ງທ້າ​ທາຍ​ສຳລັບ ຫວຽດນາມ ​ແລະ ​ໃນ​ໂລກ ຫຼາຍຂຶ້ນ.

ໃນ​ເດືອນມີນາ 2021, ​ໂຄງການ​ໄດ້​ສ້າງ​ຫໍສະໝຸດ 60 ​ແຫ່ງ, ​ໃນ 11 ​ແຂວງ​ຄື: ​ໄຕ​ນິງ, ບິ່ງ​ເຟືອກ, ຫວຸ໊ງ​ເຕົ່າ, ຫວິ໊ງ​ລອງ, ​ເບັນ​ແຈ, ດົ່ງ​ນາຍ, ເລີມ​ດົ່ງ, ​ແຄ໋ງຮວ່າ, ດັກ​ລັກ, ດັກ​ນົງ, ກວາງ​ນາມ ມີ​​ນັກສຶກສາເຂົ້າເຖິງປຶ້ມ ແລະ ກິດຈະກຳສິລະປະຫຼາຍກວ່າ 18.000 ຄົນ.

ແຕ່​ປີ 2020-2030, ຄາດ​ວ່າ​ຈະ​ສ້າງ​ຫໍສະໝຸດ​ແຫ່ງ​ຄວາມ​ຝັນ 1.000ແຫ່ງ ໃນ63 ແຂວງ, ນະຄອນ​ຂອງ​ຫວຽດນາມ. ຈາກ​ນັ້ນ​, ນັກ​ສຶກສາ​ຫວຽດນາມ ກວ່າ 500.000 ຄົນ​ໄດ້​ເຂົ້າ​ເຖິງ​ປື້ມ ​ແລະ ບັນດາ​ການ​ເຄື່ອນ​ໄຫວ​ສິລະ​ປະ, ປະດິດສ້າງ.

ບົດ: ຖາວວີ - ພາບ: ໂຄງການຫໍສະໝຸດແຫ່ງຄວາມຝັນ - ແປໂດຍ: ຢືຟຽນ

ລົດໄຟຟ້າ Metro ເລກ  1 ຄາດວ່າ ຈະໃຫ້ບໍລິການ ຊາວນະຄອນ ໂຮ່ຈີມິນ ໃນປີ 2024

ລົດໄຟຟ້າ Metro ເລກ 1 ຄາດວ່າ ຈະໃຫ້ບໍລິການ ຊາວນະຄອນ ໂຮ່ຈີມິນ ໃນປີ 2024

ມາຮອດທ້າຍເດືອນ ຕຸລາ 2023, ຄວາມຄືບໜ້າ ຂອງ ໂຄງການ ກໍ່ສ້າງລົດໄຟຟ້າໃຕ້ດິນ Metro ເລກ 1 ເບັ໋ນແທ່ງ-ຊວ໋ຍຕຽນ ໃນລະບົບເສັ້ນທາງລົດໄຟຕົວເມືອງ ນະ ຄອນ ໂຮ່ຈີມິນ ໄດ້ປະຕິບັດ ສໍາເລັດແລ້ວ ກວ່າ 96% ລາຍການທັງໝົດ, ຄາດວ່າ ໂຄງການດັ່ງກ່າວ ຈະຖືກນໍາເຂົ້າສູ່ການເຄື່ອນໄຫວ ໃນ ເດືອນ ກໍລະກົດ 2024.

Top