16/09/2020 09:37 GMT+7 Email Print Like 0

AMM 53: ເອກອັກຄະລັດຖະທູດ ລັດເຊຍຕີລາຄາສູງບັນດາຄວາມານະພະຍາຍາມຂອງ ຫວຽດນາມໃນບົດບາດເປັນປະທານ ອາຊຽນ

      ທ່ານ Alexander Ivanov ເອກອັກຄະລັດຖະທູດ ລັດເຊຍປະຈຳ ອາຊຽນ ໄດ້ຢັ້ງຢືນວ່າ ມົດສະກູຕີລາຄາສູງບັນດາຄວາມມານະພະຍາຍາມຂອງຫວຽດນາມໃນຖານະເປັນປະທານອາຊຽນ 2020 ແລະ ບັນດາກົນໄກຕ່າງໆໂດຍອາຊຽນນຳໜ້າ. 

ທ່ານ Alexander Ivanov ເອກອັກຄະລັດຖະທູດ ລັດເຊຍປະຈຳ ອາຊຽນ (ພາບ: Twitter)
      ກ່ຽວກັບກອງປະຊຸມລັດຖະມົນຕີກະຊວງການຕ່່າງປະເທດ ອາຊຽນ ຄັ້ງທີ 53 (AMM 53) ແລະ ບັນດາກອງປະຊຸມທີ່ກ່ຽວຂ້ອງ, ທ່ານ ເອກອັກຄະລັດຖະທູດ Ivanov ຖືວ່າ ຫວຽດນາມ ໄດ້ປະຕິບັດສຳເລັດໜ້າທີ່ຂອງຕົນໃນຈຸດເວລາທີ່ປະສົບຄວາມຫຍຸ້ງຍາກທີ່ສຸດຍ້ອນໂລກລະບາດ Covid – 19. ຕາມນັກການທູດລັດເຊຍແລ້ວ, ກອງປະຊຸມລັດຖະມົນຕີກະຊວງການຕ່າງປະເທດ ຂັ້ນສູງ ອາຊີຕາເວັນອອກ (EAS) ຄັ້ງທີ 10 ແມ່ນບາດກ້າວສຳຄັນເພື່ອແນໃສ່ກະກຽມໃຫ້ແກ່ກອງປະຊຸມສຸດຍອດອາຊີຕາເວັນອອກ - ໂດຍເປັນສະຖານທີ່ ທີ່ການນຳບັນດາປະເທດ ປຶກສາຫາລືກ່ຽວກັບບັນດາບັນຫາສະຖານະການຂອງພາກພື້ນ ອາຊີ - ປາຊີຟິກ.
        ທ່ານ ເອກອັກຄະລັດຖະທູດ Ivanov ກໍ່ໃຫ້ຮູ້ວ່າ ໂດຍບໍ່ຫົວຊາຕໍ່ໂລກລະບາດ Covid – 19, ການພົວພັນຮ່ວມມືລະຫວ່າງ ອາຊຽນ - ລັດເຊຍພວມພັດທະນາຢ່າງຕັ້ງໜ້າ. ສອງຝ່າຍພວມຊຸກຍູ້ການພົວພັນຄູ່ຮ່ວມມືຍຸດທະສາດໃນທຸກໆຂົງເຂດ.
(ແຫຼ່ງຄັດຈາກ VOV)