ຂ່າວສານ
ເປັນຄັ້ງທຳອິດທີ່ ຫວຽດນາມ ຈັດການພົບປະກັບ ກົງສູນກິດຕິມະສັກແລະ ຜູ້ສະໝັກກົງສູນກິດຕິມະສັກຫວຽດນາມ ໃນທົ່ວໂລກ
ຕອນຄ່ຳວັນທີ 14 ຕຸລາ, ຢູ່ຮ່າໂນ້ຍ, ກະຊວງການຕ່າງ ປະເທດ ຫວຽດນາມ ໄດ້ຈັດກອງປະຊຸມກົງສູນກິດຕິມະສັກ ປະເທດ ສສ.ຫວຽດນາມ ຢູ່ຕ່າງປະເທດຄັ້ງທີ 1 ຕາມຮູບການໂດຍກົງ ສົມທົບທາງໄກ ໂດຍມີການເຊື່ອມຕໍ່ກັບ 150 ແຫ່ງ. ນີ້ແມ່ນຄັ້ງທຳອິດຕໍ່ ຫວຽດນາມ ຈັດການພົບປະກັບ ກົງສູນກິດຕິມະສັກ ແລະ ຜູ້ສະໝັກກົງສູນກິດຕິມະສັກ ຫວຽດນາມ ໃນທົ່ວໂລກ ເພື່ອພ້ອມກັນແລກປ່ຽນກ່ຽວກັບບັນຫາຄວນຊຸກຍູ້ການຮ່ວມມືພັດທະນາ, ທິດທາງເປີດກວ້າງເຄືອຂ່າຍ ແລະ ຍົກສູງປະສິດທິຜົນການເຄື່ອນໄຫວຂອງບັນດາກົງສູນກິດຕິມະສັກ ຫວຽດນາມ ຢູ່ຕ່າງປະເທດ.
ກອງປະຊຸມໂດຍທ່ານຮອງລັດຖະມົນຕີ ກະຊວງການຕ່າງປະເທດ ຫວຽດນາມ ໂຕແອັງຢຸງ ເປັນປະທານ, ດ້ວຍການເຂົ້າຮ່ວມຂອງເອກອັກຄະລັດຖະທູດ 13 ທ່ານ, ກົງສູນກິດຕິມະສັກຫວຽດນາມ ຢູ່ຕ່າງປະເທດ 25 ທ່ານ ພ້ອມກັບຜູ້ຕາງໜ້າຂອງບັນດາກະຊວງ, ຂະແໜງການພາຍໃນປະເທດ.ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີການຕ່າງປະເທດ ໂຕແອັງຢຸງ ເນັ້ນໜັກວ່າ:
ກອງປະຊຸມຄັ້ງນີ້ ແມ່ນເຫດການທີ່ມີຄວາມໝາຍສຳຄັນພິເສດ. ນີ້ແມ່ນຄັ້ງທຳອິດໃນ ໄລຍະ 27 ປີທີ່ຜ່ານມາ ນັບແຕ່ປີ 1994 ເມື່ອກະຊວງການຕ່າງປະເທດ ໄດ້ປະກາດໃຊ້ຂໍ້ກຳນົດ ກ່ຽວກັບກົງສູນກິດຕິມະສັກ ປະເທດ ສສ.ຫວຽດນາມ ແລະ ແຕ່ງຕັ້ງກົງສູນກິດຕິມະສັກ ຫວຽດນາມ ຢູ່ຕ່າງປະເທດຄັ້ງທຳອິດ. ກອງປະຊຸມແມ່ນໂອກາດເພື່ອໃຫ້ ກົງສູນກິດຕິມະສັກ ແລະ ຜູ້ສະໝັ້ກກົງສູນກິດຕິມະສັກ ຫວຽດນາມ ໃນທົ່ວໂລກ ພົບປະ, ພ້ອມກັນແລກປ່ຽນກັບ ເອກອັກຄະລັດຖະທູດ, ກະຊວງ, ຂະແໜງການທີ່ກ່ຽວຂ້ອງກັບບັນຫາທີ່ຄວນຊຸກຍູ້ການຮ່ວມມືໃນທຸກຂົງເຂດ ລະຫວ່າງ ຫວຽດນາມ ກັບ ປະເທດຕ່າງໆ.
(ແຫຼ່ງຄັດຈາກ VOV)
