27/11/2021 12:07 GMT+7 Email Print Like 0

ຫວຽດນາມ ໄດ້ຮັບການຄາດຄະເນແມ່ນຕະຫຼາດການຄ້າເອເລັກໂຕນີກພັດທະນາໄວທີ່ສຸດຢູ່ອາຊີຕາເວັນອອກສ່ຽງໃຕ້

      ປະລິມານສິນຄ້າໄດ້ຊື້ທາງອອນລາຍຢູ່ ຫວຽດນາມ ໃນປີ 2021 ເພີ່ມຂຶ້ນ 50% ເມື່ອທຽບໃສ່ປີ 2020
(ພາບປະກອບ: baodautu.vn)
      ບົດລາຍງານສຳຫຼວດປະຈຳປີ SYNC ອາຊີຕາເວັນອອກສ່ຽງໃຕ້ Facebook ແລະ Bain & Company ປະກາດໃນວັນທີ 25 ພະຈິກ ໃຫ້ຂໍ້ສັງເກດວ່າ, ຫວຽດນາມ ຈະແມ່ນຕະຫຼາດການຄ້າເອເລັກໂຕນິກພັດທະນາໄວທີ່ສຸດຢູ່ ອາຊີຕາເວັນອອກສ່ຽງໃຕ້ ໃນປີ 2026, ດ້ວຍຍອດມູນຄ່າສິນຄ້າການຄ້າເອເລັກໂຕນິກບັນລຸ 56 ຕື້ USD, ທົບ 4,5 ເທົ່າການຄາດຄະເນໃນປີ 2021. ບົດລາຍງານຕີລາຄາວ່າ ຫວຽດນາມ ພວມນຳໜ້າໃນເລື່ອງຊຸກຍູ້ການປ່ຽນແປງ ແລະ ກຳແໜ້ນກາລະໂອກາດພັດທະນາ ໂດຍອີງໃສ່ການຫັນປ່ຽນດີຈີຕອນໃນໄລຍະຫຼັງໂລກລະບາດໂຄວິດ-19.
        ບົດລາຍງານໄດ້ຍົກອອກມາ ໂດຍອີງໃສ່ການສຳຫຼວດຜູ້ບໍລິໂພກດີຈີຕອນປະມານ 16.700 ຄົນ ແລະ ພາລະກອນຂັ້ນສູງກວ່າ 20 ຄົນຢູ່ 6 ປະເທດ ອາຊີຕາເວັນອອກສ່ຽງໃຕ້. ຕາມຕົວເລກສະຖິຕິ, ຢູ່ ຫວຽດນາມ, ໃນຈຳນວນຜູ້ບໍລິໂພກ 10 ຄົນ ຈະມີ 7 ຄົນນຳໃຊ້ດີຈີຕອນ ແລະ ທົ່ວປະເທດມີຜູ້ບໍລິໂພກ 53 ລ້ານຄົນໃນທ້າຍປີ 2021. ປະລິມານສິນຄ້າໄດ້ຊື້ທາງອອນລາຍຢູ່ ຫວຽດນາມ ໃນປີ 2021 ເພີ່ມຂຶ້ນ 50% ເມື່ອທຽບໃສ່ປີ 2020, ໃນຂະນະທີ່ຮ້ານຂາຍທາງອອກນລາຍຢູ່ ຫວຽດນາມ ກໍ່ເພີ່ມຂຶ້ນ 40% ເມື່ອທຽບໃສ່ໄລຍະດຽວກັບຂອງປີ 2020, ພາໄປເຖິງປະລິມານການຂາຍຍ່ອຍທັງໝົດໃນທົ່ວປະເທດເພີ່ມຂຶ້ນ 1,5 ເທົ່າ.
(ແຫຼ່ງຄັດຈາກ VOV)