ທ່ານເລຂາທິການໃຫຍ່, ປະທານປະເທດຫງວຽນຝູຈ້ອງອວຍພອນອົງຄະນະພັກ, ອຳນາດການປົກຄອງ ແລະ ປະຊາຊົນຮ່າໂນ້ຍ
ກ່ອນຈຸດເວລາສົ່ງທ້າຍປີເກົ່າ, ຕ້ອນຮັບປີໃໝ່, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ, ໄດ້ໄປຢ້ຽມຢາມ, ອວຍພອນປີໃໝ່, ອົງຄະນະພັກ, ອຳນາດການປົກຄອງ, ທະຫານ ແລະ ປະຊາຊົນນະຄອນຫຼວງຮ່າໂນ້ຍ.
ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ, ໄປຢ້ຽມຢາມ, ອວຍພອນປີໃໝ່. (ພາບ: dangcongsan.vn)
ຕອນຄ່ຳວັນທີ 11 ກຸມພາ (ກົງກັບວັນທີ 30 ເດືອນ 12 ບຸນເຕັດປີສະຫຼູ ໄລ່ຕາມຈັນທະປະຕິທິນ), ກ່ອນຈຸດເວລາສົ່ງທ້າຍປີເກົ່າ, ຕ້ອນຮັບປີໃໝ່, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ, ໄດ້ໄປຢ້ຽມຢາມ, ອວຍພອນປີໃໝ່, ອົງຄະນະພັກ, ອຳນາດການປົກຄອງ, ທະຫານ ແລະ ປະຊາຊົນນະຄອນຫຼວງຮ່າໂນ້ຍ, ຢູ່ສຳນັກງານຄະນະພັກນະຄອນຮ່າໂນ້ຍ. ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ອວຍພອນອົງຄະນະພັກ, ທະຫານ ແລະ ປະຊາຊົນນະຄອນຮ່າໂນ້ຍ ກ່ຽວກັບບັນດາໝາກຜົນທີ່ບັນລຸໄດ້ທີ່ໜ້າເອກອ້າງທະນົງໃຈໃນໄລຍະຜ່ານມາ, ປະກອບສ່ວນສຳຄັນເຂົ້າໃນຜົນງານລວມຂອງປະເທດຊາດ. ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ເນັ້ນໜັກວ່າ, ກ້າວເຂົ້າສູ່ປີໃໝ່, ປະເທດຊາດຈະກ້າວເຂົ້າສູ່ໄລຍະພັດທະນາໃໝ່, ມີຄວາມສະດວກຫຼາຍຢ່າງ ແຕ່ກໍ່ມີສິ່ງທ້າທາຍຫຼາຍ, ຍາກທີ່ຈະຄາດຄະເນລ່ວງໜ້າໄດ້. ອົງຄະນະພັກ, ອຳນາດການປົກຄອງ, ທະຫານ ແລະ ປະຊາຊົນນະຄອນຫຼວງຮ່າໂນ້ຍ ຄວນສືບຕໍ່ເສີມຂະຫຍາຍມູນເຊື້ອແຫ່ງອະລິຍະທຳ ແລະ ສຸພາບຮຽບຮ້ອຍ, ເສີມຂະຫຍາຍບັນດາຜົນງານທີ່ບັນລຸໄດ້, ສ້າງສານະຄອນຫຼວງໃຫ້ນັບມື້ນັບຮັ່ງມີ, ສວຍງາມ, ສີວິໄລ, ສົມກັບມູນເຊື້ອອັນສະຫງ່າລາສີ ແລະ ທີ່ຕັ້ງຍຸດທະສາດຂອງນະຄອນຫຼວງ.
(ແຫຼ່ງຄັດຈາກ VOV)