09/08/2020 10:10 GMT+7 Email Print Like 0

ໄຂກອງປະຊຸມຄະນະປະຈຳສະພາແຫ່ງຊາດຄັ້ງທີ 47

      ໃນລະຫວ່າງວັນທີ 10 – 12 ສິງຫາ, ຄະນະປະຈຳສະພາແຫ່ງຊາດຈະຈັດກອງປະຊຸມຄັ້ງທີ 47 ຢູ່ຫໍສະພາແຫ່ງຊາດ, ນະຄອນຫຼວງຮ່າໂນ້ຍ.

(ພາບປະກອບ: quochoi.vn)
      ທ່ານນາງປະທານປະທານສະພາແຫ່ງຊາດຫວຽດນາມ ຫງວຽນທິກິມເງິນ ກ່າວຄຳເຫັນໄຂກອງປະຊຸມ ແລະ ພ້ອມກັບບັນດາຮອງປະທານສະພາແຫ່ງຊາດປ່ຽນກັນບໍລິຫານກອງປະຊຸມ.
        ກ່ຽວກັບວຽກງານສ້າງກົດໝາຍ, ຕາມແຜນການຄາດຄະເນວ່າ, ຄະນະປະຈຳສະພາແຫ່ງຊາດຈະພິຈາລະນາ, ປະກອບຄຳເຫັນກ່ຽວກັບບາງບັນຫາທີ່ຍັງມີຄວາມເຫັນແຕກຕ່າງກັນຂອງຮ່າງກົດໝາຍ 4 ສະບັບ, ລວມມີ: ກົດໝາຍວ່າດ້ວຍການພັກອາໄສ (ສະບັບປັບປຸງ); ກົດໝາຍວ່າດ້ວຍການປັບປຸງ, ເພີ່ມເຕີ່ມບາງມາດຕາຂອງກົດໝາຍວ່າດ້ວຍການປັບໄໝລົງໂທດການລະເມີດບໍລິຫານ; ກົດໝາຍວ່າດ້ວຍການປ້ອງກັນຊາດຫວຽດນາມ; ກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ).
        ຄະນະປະຈຳສະພາແຫ່ງຊາດກໍ່ຈະພິຈາລະນາ, ປະກອບຄຳເຫັນໃຫ່ຮ່າງກົດໝາຍ, ລັດຖະບັນຍັດ ຄື: ກົດໝາຍວ່າດ້ວຍການປັບປຸງ, ເພີ່ມເຕີ່ມບາງມາດຕາຂອງກົດໝາຍວ່າດ້ວຍການປ້ອງກັນ, ຕ້ານເຊື້ອ HIV/ ໂລກ AIDS; ລັດຖະບັນຍັດວ່າດ້ວຍການໃຫ້ບຸລິມະສິດແກ່ຜູ້ມີຄຸນງາມຄວາມດີຕໍ່ການປະຕິວັດ (ສະບັບປັບປຸງ).
        ທີ່ກອງປະຊຸມຄັ້ງນີ້, ຄະນະປະຈຳສະພາແຫ່ງຊາດ ກໍ່ຈະພິຈາລະນາກ່ຽວກັບເລື່ອງປະກາດໃຊ້ດຳລັດກ່ຽວກັບການຄຸ້ມຄອງ, ນຳໃຊ້ທີ່ດິນປ້ອງກັນຊາດເຂົ້າໃນການເຄື່ອນໄຫວອອກແຮງງານທຳການຜະລິດ, ສ້າງເສດຖະກິດຂອງກອງທັບ.
(ແຫຼ່ງຄັດຈາກ VOV)