ຂ່າວສານ

ໂລກລະບາດ Covid – 19: ທົ່ວໂລກມີຜູ້ຕິດເຊື້ອພະຍາດ Covid – 19 ຫຼາຍກ່ວາ 10,4 ລ້ານຄົນ

01/07/2020

ຕາມເວັບໄຊສະຖິຕິ Worldometer.infor, ໄລ່ຮອດເວລາ 8 ໂມງ ຕອນເຊົ້າວັນທີ 30 ມິຖຸນາ (ຕາມເວລາຫວຽດນາມ), ທົ່ວໂລກ ມີຈຳນວນຜູ້ເສຍຊີວິດຍ້ອນໂລກລະບາດ Covid – 19 ໄດ້ເພີ່ມຂຶ້ນເຖິງ 507.517 ຄົນໃນຈຳນວນຜູ້ຕິດເຊື້ອພະຍາດ Covid – 19 ທັງໝົດແມ່ນ 10.402.637 ຄົນ.

ພະນັກງານການແພດປິ່ນປົວໃຫ້ແກ່ຄົນເຈັບຕິດເຊື້ອພະຍາດ Covid – 19 ຢູ່ໂຮງໝໍ ຢູ່ ບຣາຊີນ

(ພາບ: AFP/TTXVN)

ປັດຈຸບັນ, ອາເມລິກາ ແມ່ນ ສະຖານທີ່ຖືກຮັບຜົນກະທົບຢ່າງໜັກໜ່ວງທີ່ສຸດຍ້ອນໂລກລະບາດ Covid – 19 ດ້ວຍ 2.681.775 ຄົນຕິດເຊື້ອ, ໃນນັ້ນມີ 128.777 ຄົນເສຍຊີວິດ. ຖັດມາແມ່ນ ບຣາຊີນ ດ້ວຍຈຳນວນຜູ້ຕິດເຊື້ອພະຍາດ Covid – 19 ແມ່ນ 1.370.488 ຄົນ, ຜູ້ເສຍຊີວິດແມ່ນ 58.385 ຄົນ.

ໃນຂະນະນັ້ນ, ໂລກລະບາດຢູ່ທະວີບອາຟຼິກກາສືບຕໍ່ຜັນແປໄປຢ່າງສັບສົນ ພາຍຫຼັງຫຼາຍປະເທດໄດ້ຜ່ອນຜັນບັນດາມາດຕະການແຍກຫ່າງໃນສັງຄົມ. ສູນຄວບຄຸມ ແລະ ປ້ອງກັນ, ສະກັດກັ້ນໂລກລະບາດ ອາຟຼິກກາ (CDC) ໃຫ້ຮູ້ວ່າ ໄລ່ຮອດຕອນບ່າຍວັນທີ 29 ມິຖຸນາ, ທະວີບນີ້ ໄດ້ຢັ້ງຢືນວ່າ ຍອດຈຳນວນຜູ້ຕິດເຊື້ອພະຍາດ Covid – 19 ແມ່ນ 382.652 ຄົນ, ເພີ່ມຂຶ້ນ 11.104 ຄົນເມື່ອທຽບໃສ່ກັບມື້ກ່ອນ.

(ແຫຼ່ງຄັດຈາກ VOV)

ຍູ້ແຮງການຮ່ວມມືລະຫວ່າງ ຫວຽດນາມ - ຍີ່ປຸ່ນໃຫ້ຫຼາຍກວ່າອີກ

10/11/2026
ຂ່າວສານ

ທ່ານ ໂຕເລິມເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ສະເໜີທ່ານ Fujita Fumitake ສືບຕໍ່ ສະໜັບສະໜູນ, ຊຸກຍູ້ນຳການພົວພັນສອງປະເທດໃຫ້ກ້າວເຂົ້າສູ່ໄລຍະພັດທະນາໃໝ່; ຍູ້ແຮງການພົວພັນພົບປະແລກປ່ຽນ, ຮ່ວມມືລະຫວ່າງພັກ ປະຕິວັດ ຍີ່ປຸ່ນ ກັບ ຫວຽດນາມ ໃຫ້ຫຼາຍກວ່າອີກ.