ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກ ຈະດຳເນີນແຕ່ວັນທີ 25 ມັງກອນ 2021 ຮອດ ວັນທີ 2 ກຸມພາ 2021, ຢູ່ນະຄອນຫຼວງຮ່າໂນ້ຍ. ກ່ອນດຳເນີນກອງປະຊຸມໃຫຍ່ຄັ້ງທີ 13, ພະນັກງານ, ສະມາຊິກພັກ ແລະ ປະຊາຊົນມີຄວາມເຊື່ອໝັ້ນຕໍ່ອາຍຸການໃໝ່ ດ້ວຍຖັນແຖວພະນັກງານທີ່ມີຄຸນສົມບັດ, ມີຄວາມເກັ່ງກ້າສາມາດ, ມີວິໄສທັດຍຸດທະສາດ, ມີຈິນຕະນາການປ່ຽນແປງໃໝ່, ປະດິດຄິດສ້າງ, ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ.
ມີສະມາຊິກພັກ, ປະຊາຊົນຫຼາຍຄົນໄດ້ຢັ້ງຢືນວ່າ ການກະກຽມບຸກຄະລາກອນໃຫ້ແກ່ອາຍຸການຊຸດໃໝ່ແມ່ນສຳຄັນທີ່ສຸດ ແລະ ໃນຄັ້ງນີ້ ຄະນະບໍລິຫານງານສູນກາງພັກ ໄດ້ປຶກສາຫາລືຢ່າງມີປະຊາທິປະໄຕ, ລະອຽດ, ລົງມະຕິດ້ວຍຄວາມເຫັນດີເປັນເອກະພາບສູງ. ທ່ານ ຫງວຽນແມັ້ງທັ໊ງ ສະມາຊິກພັກ, ຢູ່ເມືອງຮ່ວາງມາຍ, ຮ່າໂນ້ຍຖືວ່າ:
ການກະກຽມຢ່າງມີແບບມີແຜນ, ມີວິທະຍາສາດ, ເຂັ້ມງວດ ແລະ ການຄັດເລືອກພະນັກງານທີ່ດີທີ່ສຸດໃຫ້ແກ່ກອງປະຊຸມໃຫຍ່ຄັ້ງທີ 13 ຂອງພັກ ໄດ້ສະແດງໃຫ້ເຫັນຄວາມຕັດສິນໃຈຢ່າງສູງຂອງສູນກາງ, ກົມການເມືອງ, ຄະນະເລຂາສູນກາງພັກໃນການກໍ່ສ້າງ, ປັບປຸງພັກ. ພະນັກງານແມ່ນກົກເຄົ້າຂອງວຽກງານທຸກຢ່າງ. ມີພະນັກງານທີ່ມີຄຸນນະພາບ ເພື່ອປະຊາຊົນ, ກ້າຄິດກ້າທຳ, ຈິ່ງນຳມາເຊິ່ງການປ່ຽນແປງໃໝ່ ແລະ ໄຊຊະນະອັນຍິ່ງໃຫຍ່ໃຫ້ແກ່ພາລະກິດສ້າງສາປະເທດຊາດ.
ທ່ານສາດສະດາຈານ, ປ.ອ ເລວັນອຽນ ສັງກັດສຳນັກພິມຈຳໜ່າຍ ການເມືອງແຫ່ງຊາດ ຊື້ເທິດ ຖືວ່າ ສິ່ງຫຼັກແຫຼ່ງ ແລະ ມີລັກສະນະຕັດສິນຊີ້ຊາດ, ລຸລ່ວງນັ້ນແມ່ນບຸກຄະລາກອນ, ແມ່ນຖັນແຖວພະນັກງານການນຳຫຼັກແຫຼ່ງທີ່ມີຄຸນສົມບັດ, ມີຄວາມເກັ່ງກ້າສາມາດ ແລະ ອິດທິພົນຊື່ສຽງຢ່າງພຽງພໍ.
(ແຫຼ່ງຄັດຈາກ VOV)
