10/11/2020 22:37 GMT+7 Email Print Like 0

ເລຂາທິການໃຫຍ່ ສູນ ອາຊຽນ - ຍີ່ປຸ່ນ ຕີລາຄາສູງບົດບາດປະທານ ອາຊຽນ ຂອງ ຫວຽດນາມ

      ກອງປະຊຸມສຸດຍອດ ອາຊຽນ ຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງ ເຊິ່ງຄາດວ່າຈະຈັດຂຶ້ນຜ່ານທາງອອນລາຍ ໃນລະຫວ່າງວັນທີ 12 – 15 ພະຈິກ, ດ້ວຍຫົວຂໍ້ “ອາຊຽນ ສະໜິດຕະພັນ ແລະ ເປັນເຈົ້າການຮັບມື”. ເນື່ອງໃນໂອກາດນີ້, ທ່ານ Masataka Fujita, ເລຂາທິການໃຫຍ່ ສູນ ອາຊຽນ - ຍີ່ປຸ່ນ (AJC) ໄດ້ຕີລາຄາກ່ຽວກັບບົດບາດຂອງ ຫວຽດນາມ ດ້ວຍຖານະບົດບາດເປັນປະທານ ອາຊຽນ 2020.

ທ່ານ Masataka Fujita, ເລຂາທິການໃຫຍ່ ສູນ ອາຊຽນ - ຍີ່ປຸ່ນ (ພາບ: TTXVN)
      ລະອຽດຄື, ທ່ານເລຂາທິການໃຫຍ່ Masataka Fujita ຕີລາຄາສູງບັນດາຄວາມມານະພະຍາຍາມຢ່າງບໍ່ຢຸດຢັ້ງຂອງ ຫວຽດນາມ ໃນບົດບາດເປັນປະທານ ອາຊຽນ ປີ 2020. ທ່ານເນັ້ນໜັກວ່າ ຫວຽດນາມ ໄດ້ຈັດຕັ້ງສຳເລັດກອງປະຊຸມຂອງ ອາຊຽນ ທຸກຄັ້ງ ແລະ ຖືວ່າ ປີ 2020 ແມ່ນປີພິເສດພໍສົມຄວນ ເມື່ອບັນດາປະເທດທັງໝົດລ້ວນແຕ່ຖືກຜົນສະທ້ອນຈາກໂລກລະບາດ. ເຖິງຢ່າງໃດກໍຕາມ, ໂດຍແມ່ນປະເທດປະສົບຜົນສຳເລັດໃນວຽກງານຄວບຄຸມໂລກລະບາດໂຄວິດ - 19, ຫວຽດນາມ ບໍ່ພຽງແຕ່ສາມາດນຳໜ້າໃນການຄວບຄຸມໂລກລະບາດເທົ່ານັ້ນ ຫາກຍັງມີການຟື້ນຟູຢ່າງແຮງໃນຂະນະທີ່ຫຼາຍປະເທດຍັງຕ້ອງຮັບມືກັບໂລກລະບາດ ດ້ວຍຄວາມລຳບາກ. ທ່ານ ກໍໄດ້ເນັ້ນໜັກເຖິງຄວາມສຳຄັນຂອງບັນດາມາດຕະການ ເຊິ່ງ ລັດຖະບານ ຫວຽດນາມ ໄດ້ຍົກອອກມາ ເພື່ອແນໃສ່ຟື້ນຟູເສດຖະກິດ ພາຍຫຼັງບັນດາຜົນກະທົບຫຍໍ້ທໍ້ຈາກໂລກລະບາດ. ຕາມທ່ານແລ້ວ, ນີ້ກໍແມ່ນກາລະໂອກາດເພື່ອໃຫ້ ຫວຽດນາມ ສະແດງກຳລັງແຮງຂອງປະເທດຊາດ./. 
(ແຫຼ່ງຄັດຈາກ VOV)