ຂ່າວສານ

ເພີ່ມທະວີການປົກປັກຮັກສາສິ່ງແວດລ້ອມຢູ່ເຂດທ່ອງທ່ຽວແຫ່ງຊາດ

30/07/2017

ວັນທີ 28/7, ຢູ່ແຂວງ ນິງບິ່ງ, ໄດ້ດຳເນີນກອງປະຊຸມສຳມະນາ “ປົກປັກຮັກສາສິ່ງແວດລ້ອມຢູ່ເຂດທ່ອງທ່ຽວແຫ່ງຊາດ

ທີ່ກອງປະຊຸມສຳມະນາ
(ພາບ: baocongthuong.com.vn)

` “ໃນແຜນຜັງພັດທະນາການທ່ອງທ່ຽວເຖິງປີ 2020, ວິໄສທັດເຖິງປີ 2030 ໄດ້ກຳນົດວ່າ: ຫວຽດນາມ ມີເຂດທ່ອງທ່ຽວແຫ່ງຊາດ 47 ແຫ່ງ. ໃນຊຸມປີຜ່ານມາ, ບັນດາເຂດທ່ອງທ່ຽວດັ່ງກ່າວໄດ້ດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເປັນຈຳນວນຫຼວງຫຼາຍ, ປະກອບສ່ວນພັດທະນາຂະແໜງທ່ອງທ່ຽວ ຫວຽດນາມ ແລະ ເສດຖະກິດທ້ອງຖີ່ນ. ທີ່ກອງປະຊຸມສຳມະນາ, ບັນດາຜູ້ແທນຖືວ່າ, ເພື່ອຮັບປະກັນພັດທະນາການທ່ອງທ່ຽວແບບຍືນໂຍງຢູ່ບັນດາເຂດທ່ອງທ່ຽວແຫ່ງຊາດ, ຂະແໜງທ່ອງທ່ຽວຈຳເປັນຕ້ອງປະຕິບັດຫຼາຍມາດຕະການຄື: ສືບຕໍ່ປັບປຸງລະບົບກົດໝາຍວ່າດ້ວຍການປົກປັກຮັກສາສິ່ງແວດລ້ອມ; ເພີ່ມທະວີຄວາມສາມາດຄຸ້ມຄອງສິ່ງແວດລ້ອມໃນບັນດາເຂດທ່ອງທ່ຽວ, ເຂດອະນຸລັກຮັກສາ; ຍູ້ແຮງວຽກງານກວດກາ, ຕິດຕາມກວດກາກ່ຽວກັບສິ່ງແວດລ້ອມ; ເພີ່ມທະວີການຮ່ວມມືສາກົນໃນການພັດທະນາການທ່ອງທ່ຽວແບບຍືນໂຍງ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.