05/11/2019 08:35 GMT+7 Email Print Like 0

ຮອງນາຍົກລັດຖະມົນຕີເຈືອງຮ່ວາບິ່ງເປັນປະທານກອງປະຊຸມກ່ຽວກັບເຫດ 39 ຄົນເສຍຊີວິດຢູ່ອັງກິດ

ຕອນຄ່ຳວັນທີ 03 ພະຈິກ, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິ່ງ ໄດ້ເປັນປະທານກອງປະຊຸມກັບການນຳບາງກະຊວງ, ຂະແໜງການ, ທ້ອງຖິ່ນ ກ່ຽວກັບເຫດ 39 ຄົນເສຍຊີວິດຢູ່ອັງກິດ.


ກອງປະຊຸມກ່ຽວກັບເຫດ 39 ຄົນເສຍຊີວິດຢູ່ອັງກິດ

(ພາບ: VGP)


ພາຍຫຼັງຮັບຟັງບັນດາຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ເຈືອງຮ່ວາບິ່ງ ໄດ້ສະເໜີໃຫ້ການນຳບັນດາກະຊວງ, ຂະແໜງການທີ່ກ່ຽວຂ້ອງ ສືບຕໍ່ສົມທົບກັບຝ່າຍອັງກິດ ຢ່າງແໜ້ນແຟ້ນ ເພື່ອຢັ້ງຢືນຊື່ຂອງຜູ້ຖືກເຄາະຮ້າຍ ເພື່ອປະກາດຂໍ້ມູນຂ່າວຢ່າງເປັນທາງການໂດຍໄວ.

        ຕາມບົດລາຍງານທີ່ກອງປະຊຸມ, ໂດຍປະຕິບັດຄຳສັ່ງຊີ້ນຳຂອງນາຍົກລັດຖະມົນຕີ, ຕອນຄ່ຳວັນທີ 02 ພະຈິກ, ຄະນະປະຕິບັດງານຂອງກະຊວງຕຳຫຼວດຫວຽດນາມ ໄດ້ເດີນທາງໄປອັງກິດ ແລະ ຕອນຄ່່ຳວັນທີ 03 ພະຈິກ, ຄະນະປະຕິບັດງານຂອງກະຊວງການຕ່າງປະເທດ ໂດຍຮອງລັດຖະມົນຕີການຕ່າງປະເທດທ່ານໜຶ່ງ ໄດ້ນຳໜ້າເດີນທາງໄປອັງກິດ ເພື່ອສົມທົບກັນ, ເຮັດວຽກກັບບັນດາອົງການທີ່ມີໜ້າທີ່ຂອງອັງກິດ ເພື່ອຢັ້ງຢືນຊື່ຂອງບັນດາຜູ້ຖືກເຄາະຮ້າຍໃນເຫດການດັ່ງກ່າວ.

(ແຫຼ່ງຄັດຈາກ VOV)