ອົງການການຄ້າ ແລະ ພັດທະນາ ອາເມລິກາ ພ້ອມແລ້ວທີ່ຈະໜູນຊ່ວຍ ຫວຽດນາມ ກໍ່ສ້າງນະຄອນສະຫລາດ
(ພາບປະກອບ / TTXVN)
ຕອນບ່າຍວັນທີ 10/03, ທີ່ການຕ້ອນຮັບທ່ານ David Ross ຜູ້ອຳນວຍການແຫ່ງຊາດ ຫວຽດນາມ ຂອງອົງການການຄ້າ ແລະ ພັດທະນາ ອາເມລິກາ (USTDA) ພວມ ຢ້ຽມຢາມ ແລະ ເຮັດວຽກຢູ່ນະຄອນ ໂຮ່ຈີມິນ, ທ່ານ ເຈີ່ນຫວີງຕ໋ວຽນ ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ສະເໜີວ່າ USTDA ເຂົ້າຮ່ວມການປະກອບຄຳເຫັນໃສ່ແຜນຮ່າງສັງລວມກໍ່ສ້າງນະຄອນ ໂຮ່ຈີມິນ ກາຍເປັນນະຄອນສະຫລາດ. ການນຳນະຄອນ ໂຮ່ຈີມິນ ແລະ ບັນດາຄະນະ, ຂະແໜງການຂອງນະຄອນ ພ້ອມແລ້ວທີ່ຈະຮ່ວມມື, ສ້າງເງື່ອນໄຂໃຫ້ອົງການການຄ້າ ແລະ ພັດທະນາ ອາເມລິກາ ຜັນຂະຫຍາຍບັນດາການເຄື່ອນໄຫວສຳຫລວດ, ຊອກຮູ້ບັນດາໂອກາດຮ່ວມມື, ໜູນຊ່ວຍໃຫ້ນະຄອນໃນບັນດາຂົງເຂດລະອຽດ.
(ແຫຼ່ງຄັດຈາກ VOV)