ເວທີປາໄສອຸດສາຫະກຳໜູນຊ່ວຍ ຫວຽດນາມ ປີ 2017
ວັນທີ 15 ມິຖຸນາ, ຢູ່ຮ່າໂນ້ຍ, ອົງການສົ່ງເສີມການຄ້າ ຢີ່ປຸ່ນ (JETRO) ໄດ້ສົມທົບກັບກົມສົ່ງເສີມການຄ້າ (ກະຊວງອຸດສາຫະກຳ ແລະ ການຄ້າ) ຈັດຕັ້ງເວທີປາໄສອຸດສາຫະກຳໜູນຊ່ວຍ ຫວຽດນາມ ປີ 2017. ທີ່ເວທີປາໄສ, ທ່ານ Kitagawa Hironobu, ຫົວໜ້າຫ້ອງການຜູ້ຕາງໜ້າອົງການສົ່ງເສີມການຄ້າ ຍີ່ປຸ່ນ ປະຈຳ ຮ່າໂນ້ຍ, ຖືວ່າຂະແໜງອຸດສາຫະກຳໜູນຊ່ວຍ ຫວຽດນາມ ມີຄວາມສາມາດບົ່ມຊ້ອນໃຫຍ່ຫຼວງທີ່ສຸດ, ແຕ່ເຖິງຢ່າງໃດກໍ່ຕາມ, ບັນດາວິສາຫະກິດ ຫວຽດນາມ ຕ້ອງມີຄວາມເຂົ້າໃຈແຈ້ງກວ່າກ່ຽວກັບທັດສະນະການຜະລິດຂອງບັນດາວິສາຫະກິດ ຍີ່ປຸ່ນ, ເມື່ອຜະລິດອອກບັນດາເຄື່ອງອາໄຫຼ່ ມັນບໍ່ພຽງແຕ່ເປັນການຜະລິດ ບັນດາວັດຖຸສິ່ງຂອງເທົ່ານັ້ນ ຫາກ ຫວຽດນາມ ຍັງຕ້ອງຄິດໄລ່ຊັ່ງຊາເຮັດແນວໃດເພື່ອຍົກສູງມູນຄ່າເພີ່ມ, ຕິດພັນກັບບັນດາຜະລິດຕະພັນນັ້ນ. ດັ່ງນັ້ນ, ບັນດາວິສາຫະກິດ ຫວຽດນາມ ອາດຈະຄຽງບ່າຄຽງໄລ່ກັບວິສາຫະກິດ ຍີ່ປຸ່ນ ໃນລະບົບອຸດສາຫະກຳສຳຮອງທົ່ວໂລກ.
(ແຫຼ່ງຄັດຈາກ VOV)
