ສະໜາມກິລາ Gelora Bung Karno ໄດ້ຮັບການຍົກລະດັບເພື່ອຮັບໃຊ້ໃຫ້ ASIAD 18
(ພາບ: AFP/TTXVN)
ວັນທີ 2 ເມສາ, ຄະນະຈັດຕັ້ງງານມະຫາກຳກິລາອາຊີ ຄັ້ງທີ 18 (ASIAD 18) ຂອງປະເທດເຈົ້າພາບ ອິນໂດເນເຊຍ ໄດ້ຈັດຕັ້ງການປະຊຸມຂ່າວສາກົນເພື່ອສະໜອງໃຫ້ບັນດານັກຂ່າວຂໍ້ມູນຂ່າວສານກ່ຽວກັບວຽກງານການຈັດຕັ້ງ, ສື່ມວນຊົນ, ບັນດາສະຖານທີ່ຈັດຕັ້ງງານມະຫາກຳກິລາ ອາຊີ ປີນີ້. ແຈ້ງການຂອງຄະນະຈັດຕັ້ງໃຫ້ຮູ້ວ່າ: ASIAD 18 ຈະມີ 45 ຄະນະກິລາ ທີ່ມາຈາກ 45 ປະເທດ ແລະ ເຂດແຄ້ວນຢູ່ພາກພື້ນ ອາຊີເຂົ້າຮ່ວມ ດ້ວຍນັກກິລາ ແລະ ຄູຝຶກປະມານ 15.000 ຄົນ ພ້ອມກັບນັກອາສາສະໝັກກ່ວາ 30.000 ຄົນ.
ທ່ານ Buldansyah, ຮອງຜູ້ອຳນວຍການດ້ານສື່ສານ ແລະ ປະຊາສຳພັນຂອງຄະນະຈັດຕັ້ງ ASIAD ອິນໂດເນເຊຍ 2018 ໃຫ້ຮູ້ວ່າ: ບັນດາກິດຈະກຳຮັບໃຊ້ໃຫ້ແກ່ການແຂ່ງຂັນ ASIAD ໄດ້ປະຕິບັດສຳເລັດເກືອບ 100%. ນີ້ແມ່ນຄັ້ງທີ 2 ປະເທດນີ້ເປັນເຈົ້າພາບຈັດຕັ້ງງານມະຫາກຳກິລາຂະໜາດໃຫຍ່ຂອງທະວີບ. ເຫດການຈະຈັດຕັ້ງແຕ່ວັນທີ 8 ສິງຫາ ຫາ ວັນທີ 2 ກັນຍາ ຈະມາເຖິງ, ລັດຖະບານ ອິນໂດເນເຊຍ ກຳນົດແມ່ນໜຶ່ງໃນບັນດາຈຸດສຸມໃນນະໂຍບາຍການຕ່າງປະເທດໃນປີນີ້.
(ແຫຼ່ງຄັດຈາກ VOV)
