16/07/2020 08:54 GMT+7 Email Print Like 0

ອາ​ຊຽນ 2020: ເຫັນ​ດີ​ເປັນ​ເອ​ກະ​ພາບ​ສ້າງຂະ​ບວນວິ​ວັດ​ການ​ຟື້ນ​ຟູ​ໃຫ້​ແກ່​ອາ​ຊຽນ

ກອງປະຊຸມລະຫວ່າງຂະແໜງສ້າງຂອບການຟື້ນຟູສັງລວມອາຊຽນໄດ້ຈັດຂຶ້ນ ທາງອອນລາຍໃນວັນທີ 14 ກໍລະກົດ, ເພື່ອແນໃສ່ປະກອບຄຳເຫັນສ້າງເອກະສານຂອບຟື້ນຟູສັງລວມອາຊຽນ.

ທ່ານຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດເປັນເຈົ້າພາບຈັດຕັ້ງກອງປະຊຸມ ລະຫວ່າງຂະແໜ່ງ (ພາບ: Baoquocte) 

ແລກປ່ຽນທີ່ກອງປະຊຸມ, ເຈົ້າໜ້າທີ່ບັນດາປະເທດໄດ້ເຫັນດີເປັນເອກະພາບສ້າງຂະບວນວິວັດການຟື້ນຟູໃຫ້ແກ່ອາຊຽນໃນແຕ່ລະໄລຍະຢ່າງລະອຽດ ເພື່ອແນໃສ່ມຸ່ງໄປເຖິງບັນດາເປົ້າໝາຍທີ່ຍາວນານກ່ຽວກັບການຍົກສູງລັກສະນະສ້າງຄວາມເຂັ້ມແຂງດ້ວຍຕົນເອງ, ຍົກສູງຄວາມສາມາດໃນການຮັບມື ແລະ ກຳລັງແກ້ງແຍ່ງຂອງອາຊຽນ.

ໂດຍເປັນປະທານກອງປະຊຸມ, ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມ, ຫົວໜ້າຄະນະ SOM ອາຊຽນ -ຫວຽດນາມ, ໄດ້ກ່າວຄຳເຫັນຮຽກຮ້ອງໃຫ້ມີຄວາມມານະພະຍາຍາມສູງສຸດເພື່ອຊ່ວຍ ປະຊາຊົນຜ່ານຜ່າຄວາມຫຍຸ້ງຍາກ, ຜົນກະທົບຈາກໂລກລະບາດ Covid – 19. ໃນນັ້ນ, ບັນດາປະເທດຕ້ອງສົມທົບທາງດ້ານນະໂຍບາຍ ແລະມາດຕະການເພື່ອໜູນຊ່ວຍກຳລັງແຮງງານຮັບປະກັນວຽກເຮັດງານທຳ, ສຸມໃສ່ການໜູນຊ່ວຍແມ່ຍິງ ແລະ ຊາວໜຸ່ມ.

ຮ່າງຂອບການຟື້ນຟູສັງລວມອາຊຽນ ຈະສືບຕໍ່ໄດ້ຮັບການປັບປຸງໃຫ້ສົມບູນແບບໃນໄລຍະຈະມາເຖິງ ແລະ ຍື່ນສະເໜີຕໍ່ບັນດາການນຳອາຊຽນຮັບຮອງເອົາຢູ່ໃນກອງປະຊຸມສຸດຍອດອາຊຽນຄັ້ງທີ 37 (ເດືອນ ພະຈິກ 2020).

(ແຫຼ່ງຄັດຈາກ VOV)