10/11/2020 22:37 GMT+7 Email Print Like 0

ອາຊຽນ 2020: ປະທານາທິບໍດີ ສ.ເກົາຫຼີ ຈະເຂົ້າຮ່ວມບັນດາກອງປະຊຸມສຸດຍອດທີ່ກ່ຽວຂ້ອງ

      ທ່ານປະທານາທິບໍດີ ສ.ເກົາຫຼີ Moon Jae –in ມີແຜນການເຂົ້າຮ່ວມກອງປະຊຸມສຸດຍອດຄັ້ງຕ່າງໆຜ່ານທາງອອນລາຍ ໃນຂອບເຂດກອງປະຊຸມສຸດຍອດ ອາຊຽນ ແລະ ບັນດາກອງປະຊຸມທີ່ກ່ຽວຂ້ອງໃນອາທິດນີ້, ດ້ວຍເນື້ອໃນຈຸດສຸມແມ່ນ ການຮ່ວມມືລະຫວ່າງ ເຊີອຸນ ກັບບັນດາປະເທດ ອາຊີຕາເວັນອອກສ່ຽງໃຕ້ ກໍຄືບາງປະເທດໃນພາກພື້ນ ອາຊີ - ປາຊີຟິກ.

ທ່ານປະທານາທິບໍດີ ສ.ເກົາຫຼີ Moon Jae –in (ພາບ: TTXVN) 
      ໃນແຈ້ງການສະບັບອອກວັນທີ10 ພະຈິກ, ທຳນຽບປະທານາທິບໍດີ ສ.ເກົາຫຼີ ໃຫ້ຮູ້ວ່າ ທ່ານປະທານາທິບໍດີ Moon Jae – in ຈະເຂົ້າຮ່ວມກອງປະຊຸມສຸດຍອດຜ່ານທາງອອນລາຍ ກັບການນຳບັນດາປະເທດ ອາຊຽນ ໃນວັນທີ 12 ພະຈິກ, ປຶກສາຫາລືກ່ຽວກັບການພົວພັນຮ່ວມມືຂອງ ເຊີອູນກັບບັນດາປະເທດສະມາຊິກ ອາຊຽນ ໃນບັນດາຂົງເຂດທີ່ແຕກຕ່າງກັນ. ວັນທີ 13 ພະຈິກ, ທ່ານປະທານາທິບໍດີ Moon  Jae – in ຈະເຂົ້າຮ່ວມກອງປະຊຸມສຸດຍອດກັບການນຳ 5 ປະເທດ ທີ່ມີແມ່ນ້ຳຂອງໄຫຼຜ່ານ ລວມມີ ຫວຽດນາມ, ກຳປູເຈຍ, ມຽນມາ, ລາວ ແລະ ໄທ, ປຶກສາຫາລືກ່ຽວກັບບັນດາວິທີການປັບປຸງສາຍພົວພັນ. ວັນທີ 14 ພະຈິກ, ທ່ານປະທານາທິບໍດີ Moon Jae – in ຈະເຂົ້າຮ່ວມກອງປະຊຸມສຸດຍອດ ອາຊຽນ + 3 (APT) ຄັ້ງທີ 23; ເຂົ້າຮ່ວມວາລະປະຊຸມ ເວທີປາໄສສຸດຍອດອາຊີຕາເວັນອອກ. ວັນທີ 15 ພະຈິກ, ທ່ານປະທານາທິບໍດີ Moon Jae – in ມີແຜນການເຂົ້າຮ່ວມພິທີລົງນາມໃນສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP)./.
(ແຫຼ່ງຄັດຈາກ VOV)