06/10/2021 07:52 GMT+7 Email Print Like 0

ອາຊຽນ ສະແດງຄວາມຜິດຫວັງກ່ຽວກັບຄຳໝັ້ນສັນຍາສັນຕິພາບຂອງກອງທັບມຽນມາ

ບັນດາປະເທດອາຊຽນ ໄດ້ສະແດງຄວາມຜິດຫວັງກ່ຽວກັບຄຳໝັ້ນສັນຍາຂອງອຳນາດການປົກຄອງການທະຫານ ມຽນມາ ທີ່ມີຕໍ່ແຜນການສັນຕິພາບເຊິ່ງ ອາຊຽນ ໄດ້ເປັນເອກະພາບຮັບຮອງເອົາແລ້ວ.
ທ່ານລັດຖະມົນຕີການຕ່າງປະເທດ ອິນໂດເນເຊຍ Retno Marsudi ແລະ ທູດພິເສດຂອງກຸ່ມ.
(ພາບ: Twitter ລັດຖະມົນຕີ Retno Marsudi)

ວັນທີ 04 ຕຸລາ, ບັນດາປະເທດອາຊຽນ ໄດ້ສະແດງຄວາມຜິດຫວັງກ່ຽວກັບຄຳໝັ້ນສັນຍາຂອງອຳນາດການປົກຄອງການທະຫານ ມຽນມາ ທີ່ມີຕໍ່ແຜນການສັນຕິພາບເຊິ່ງ ອາຊຽນ ໄດ້ເປັນເອກະພາບຮັບຮອງເອົາແລ້ວ. ທີ່ການຖະແຫຼງຂ່າວພາຍຫຼັງການພົບປະແບບທາງໄກຂອງບັນດາລັດຖະມົນຕີ ອາຊຽນ ເພື່ອກະກຽມໃຫ້ແກ່ກອງປະຊຸມຂັ້ນສູງອາຊຽນ ແລະ ບັນດາກອງປະຊຸມທີ່ກ່ຽວຂ້ອງ ເຊິ່ງຈະດຳເນີນໃນລະຫວ່າງວັນທີ 26 – 28 ຕຸລາ, ທ່ານລັດຖະມົນຕີການຕ່າງປະເທດ ອິນໂດເນເຊຍ Retno Marsudi ຖືວ່າ, ຮອດເວລາແລ້ວເພື່ອໃຫ້ບັນດາລັດຖະມົນຕີການຕ່າງປະເທດ ຕ້ອງລາຍງານສະພາບການນີ້ກັບການນຳ ອາຊຽນ 9 ທ່ານ, ເພື່ອຍົກອອກການກຳນົດທິດໃຫ້ແກ່ການເຂົ້າຮ່ວມຂອງ ອາຊຽນ ສຳລັບ ມຽນມາ, ພິເສດແມ່ນຢູ່ບັນດາກອງປະຊຸມຂັ້ນສູງ ອາຊຽນ ຄັ້ງທີ 38 ແລະ 39 ຈະມາເຖິງນີ້.

        ທີ່ການປະຊຸມ, ບັນດາລັດຖະມົນຕີການຕ່າງປະເທດ ອາຊຽນ ໄດ້ກະຕຸກຊຸກຍູ້ສະພາບໍລິຫານແຫ່ງລັດ (SAC) ມຽນມາ ຈົ່ງຮ່ວມມືກັນເພື່ອແກ້ໄຂບັນຫາດັ່ງກ່າວ. ໃນຖະແຫຼ່ງການໜຶ່ງຢູ່ສື່ສັງຄົມອອນລາຍ Twitter, ທ່ານລັດຖະມົນຕີການຕ່າງປະເທດ ມາເລເຊຍ Saifuddin Abdullah ໄດ້ກ່າວເຕືອນ ມຽນມາ ອາດຈະຖືກປັດເຂ່ຍອອກຈາກກອງປະຊຸມຂັ້ນສູງ ອາຊຽນ ຖ້າຫາກປະຕິເສດການຮ່ວມມືກັບທູດພິເສດຂອງກຸ່ມ ໃນການແກ້ໄຂວິກິດການໃນປະຈຸບັນ.

 (ແຫຼ່ງຄັດຈາກ VOV)