ຫວຽດນາມ ຊົມເຊີຍທຸກໆຄວາມມານະພະຍາຍາມເພື່ອແນໃສ່ ເລີ່ມດຳເນີນວິວັດການສ້າງສັນຕິພາບ ຢູ່ ພາກຕາເວັນອອກກາງຄືນໃໝ່
ວັນທີ 31 ມັງກອນ, ເມື່ອຕອບສຳພາດຕໍ່ນັກຂ່າວ ກ່ຽວກັບປະຕິກິລິຍາ ຂອງ ຫວຽດນາມ ຕໍ່ເລື່ອງ ອາເມລິກາ ປະກາດເອກະສານ “ຈາກສັນຕິພາບຈົນຮອດ ວັດທະນາຖາວອນ: ວິໄສທັດເພື່ອແນໃສ່ ປັບປຸງຊີວິດການເປັນຢູ່ ຂອງ ປະຊາຊົນ ອິດສະຣາແອັນ ແລະ ປາແລດສະຕິນ”.
ທ່ານນາງ ເລທິທູຮັ່ງ ໂຄສົກ ກະຊວງການຕ່າງປະເທດ ຫວຽດນາມ (ພາບ: baoquocte.vn)
ທ່ານນາງ ເລທິທູຮັ່ງ ໂຄສົກ ກະຊວງການຕ່າງປະເທດ ຫວຽດນາມ ຊີ້ແຈ້ງ ວ່າ: ຫວຽດນາມເອົາໃຈໃສ່ຕິດຕາມກວດກາສະພາບການຢູ່ພາກພື້ນ ຕາເວັນອອກກາງຢ່າງໃກ້ຊິດແລະ ຊົມເຊີຍທຸກໆຄວາມມານະພະຍາຍາມເພື່ອແນໃສ່ ເລີ່ມດຳເນີນວິວັດການສ້າງສັນຕິພາບຢູ່ ພາກພື້ນຕາເວັນອອກກາງຄືນໃໝ່. ຫວຽດນາມ ຖືວ່າ ວິທີການທີ່ມີຄວາມສະເໝີພາບ ແລະ ຍືນຍົງໃຫ້ແກ່ບັນຫານີ້ ສາມາດບັນລຸໄດ້ ພຽງແຕ່ຜ່ານການໂອ້ລົມສົນທະນາ ແລະ ເຈລະຈາລະຫວ່າງບັນດາຝ່າຍທີ່ກ່ຽວຂ້ອງບົນພື້ນຖານເຄົາລົບກົດໝາຍສາກົນ ແລະ ບັນດາມະຕິທີ່ກ່ຽວຂ້ອງຂອງ ສປຊ.
(ແຫຼ່ງຄັດຈາກ VOV)