22/08/2019 10:37 GMT+7 Email Print Like 0

ຫວຽດນາມ - ກຳປູເຈຍ ລົງນາມໃນບົດບັນທຶກກຳນົດທິດການຮ່ວມມືໃນ 28 ຂົງເຂດຢ່າງຮອບດ້ານ

      ຕອນເຊົ້າວັນທີ 21 ສິງຫາ, ຢູ່ນະຄອນຫຼວງ ພະນົມເປັນ, ປະເທດກຳປູເຈຍ, ໄດ້ດຳເນີນກອງປະຊຸມຄັ້ງທີ 17 ຄະນະກຳມະການປະສົມ ລະຫວ່າງ ຫວຽດນາມ - ກຳປູເຈຍ.

ທ່ານຮອງນາຍົກລັດຖະມົນຕີຫວຽດນາມ ຟ້າມບິ່ງມິງ ແລະ ທ່ານຮອງນາຍົກລັດຖະມົນຕີກຳປູເຈຍ Prak Sokhonn ໄດ້ລົງນາມໃນບົດບັນທຶກການຮ່ວມມືຂອງກອງປະຊຸມ (ພາບ: TTXVN)
      ກອງປະຊຸມຄັ້ງທີ 17 ຂອງຄະນະກຳມະການປະສົມລະຫວ່າງ ຫວຽດນາມ - ກຳປູເຈຍກ່ຽວກັບການຮ່ວມມືດ້ານເສດຖະກິດ, ວັດທະນະທຳ, ວິທະຍາສາດ ແລະ ເຕັກນິກໄດ້ຮັບການຈັດຕັ້ງພາຍໃຕ້ການເປັນປະທານຮ່ວມຂອງທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ແລະ ຮ່ວມມືສາກົນ ກຳປູເຈຍ Prak Sokhonn.
        ທີ່ກອງປະຊຸມນີ້, ສອງຝ່າຍໄດ້ພ້ອມກັບຕີລາຄາ ແລະ ສະແດງຄວາມເພິ່ງພໍໃຈກ່ຽວກັບບັນດາໝາກຜົນທີ່ບັນລຸ້ໄດ້ຂອງການຮ່ວມມືລະຫວ່າງບັນດາກະຊວງ, ຂະແໜງການ, ທ້ອງຖິ່ນຂອງ 2 ປະເທດໃນໄລຍະທີ່ຜ່ານມາເຊິ່ງໄດ້ຮັບການເພີ່ມທະວີທັງຂອບຂະໜາດ ແລະ ທັງປະສິດທິຜົນ. ສອງຝ່າຍກໍ່ໄດ້ປຶກສາຫາລືເພື່ອເຫັນດີເປັນເອກະພາບຕໍ່ທິດທາງສືບຕໍ່ຊຸກຍູ້ການຮ່ວມມືສອງຝ່າຍໃນທຸກໆຂົງເຂດໃນໄລຍະຈະມາເຖິງ.
        ສິ້ນສຸດກອງປະຊຸມ, ທ່ານ ຟ້າມບິ່ງມິງ ແລະ ທ່ານ  Prak Sokhonn ໄດ້ລົງນາມໃນບົດບັນທຶກຂໍ້ຕົກລົງດ້ວຍບັນດາເນື້ອໃນ, ລາຍການຮ່ວມມືຢ່າງລະອຽດໃນ 28 ຂົງເຂດ.
 (ແຫຼ່ງຄັດຈາກ VOV)