21/03/2019 12:00 GMT+7 Email Print Like 0

ຫວຽດນາມ - ຄູ່ຮ່ວມມືດ້ານການຄ້າໃຫຍ່ທີ່ສຸດຂອງກວາງສີ, ປະເທດຈີນ

      ຫວຽດນາມ ພ້ອມແລ້ວທີ່ຈະກາຍເປັນຂົວເຊື່ອມຕໍ່ລະຫວ່າງ ກວາງສີ ກໍຄືບັນດາທ້ອງຖິ່ນອື່ນໆຂອງ ຈີນ ກັບຕະຫຼາດບັນດາປະເທດ ອາຊຽນ.
        ວັນທີ 20 ມີນາ, ຢູ່ສໍານັກງານກະຊວງອຸດສາຫະກໍາ ແລະ ການຄ້າຫວຽດນາມ, ທ່ານ ເຈິ່ນຕວ໊ນແອັງ ລັດຖະມົນຕີກະຊວງອຸດສາຫະກໍາ ແລະ ການຄ້າຫວຽດນາມ ໄດ້ມີການເຈລະຈາກັບທ່ານ ຫຼູຊີນເສື້ອ ເລຂາຄະນະພັກເຂດປົກຄອງດ້ວຍຕົນເອງຊົນເຜົ່າຈວງ ຂອງຈີນ.

ທ່ານ ເຈິ່ນຕວ໊ນແອັງ ລັດຖະມົນຕີກະຊວງອຸດສາຫະກໍາ ແລະ ການຄ້າຫວຽດນາມ ແລະທ່ານ ຫຼູຊີນເສື້ອ
ເລຂາຄະນະພັກເຂດປົກຄອງດ້ວຍຕົນເອງຊົນເຜົ່າຈວງ ຂອງຈີນ (ພາບ: thoibaotaichinhvietnam.vn)
      ທີ່ການເຈລະຈາ, ທ່ານລັດຖະມົນຕີ ເຈິ່ນຕວ໊ນແອັງ ເນັ້ນໜັກວ່າ ກະຊວງອຸດສາຫະກໍາ ແລະ ການຄ້າ ຫວຽດນາມ ຍາມໃດກໍຖືການພັດທະນາການພົວພັນຮ່ວມມືກັບອໍານາດການປົກຄອງແຂວງກວາງສີ ເປັນສໍາຄັນ ຖືກວາງສີ ເປັນຂົວເຊື່ອມຕໍ່ສໍາຄັນແຖວໜ້າຂອງຫວຽດນາມ ກັບຕະຫຼາດຈີີນທີ່ກວ້າງໃຫຍ່.  ຫວຽດນາມ ພ້ອມແລ້ວທີ່ຈະກາຍເປັນຂົວເຊື່ອມຕໍ່ລະຫວ່າງ ກວາງສີ ກໍຄືບັນດາທ້ອງຖິ່ນອື່ນໆຂອງ ຈີນ ກັບຕະຫຼາດບັນດາປະເທດ ອາຊຽນ.
        ຜູ້ຕາງໜ້າກະຊວງອຸດສາຫະກໍາ ແລະ ການຄ້າຫວຽດນາມ ສະເໜີໃຫ້ຝ່າຍ ກວາງສີ ສືບຕໍ່ສ້າງເງື່ອນໄຂໃນການນໍາບັນດາຜະລິດຕະພັນກະເສດສົ່ງອອກຂອງຫວຽດນາມ ໄດ້ຜ່ານດ່ານຊາຍແດນຢ່າງສະດວກ ພ້ອມທັງ ສະເໜີຕໍ່ກົມໃຫຍ່ພາສີຈີນ ອະນຸຍາດໃຫ້ນໍາເຂົ້າຜະລິດຕະພັນກະເສດຈໍານວນໜຶ່ງ ເຊິ່ງ ກວາງສີ ມີຄວາມຕ້ອງການຢ່າງຫຼວງຫຼາຍ, ສ້າງພື້ນຖານໃຫ້ແກ່ວິສາຫະກິດສອງຝ່າຍຊຸກຍູ້ການຮ່ວມມື.
        “ພວກຂ້າພະເຈົ້າຢຶດໝັ້ນ ແລະ ຕັດສິນໃຈປະຕິບັດຢ່າງຖືກຕ້ອງຕາມແນວທາງ, ນະໂຍບາຍຂອງພັກ ແລະ ລັດ ຫວຽດນາມ ສືບຕໍ່ປ່ຽນແປງໃໝ່ຮູບແບບການເຕີບໂຕ ຕິດພັນກັບການປະຕິຮູບ ກໍຄື ສືບຕໍ່ເປີດປະຕູພື້ນຖານເສດຖະກິດ ເຂົ້າຮ່ວມການເຊື່ອມໂຍງເຂົ້າກັບເສດຖະກິດໂລກ ຢ່າງເລິກເຊິ່ງກວ້າງຂວາງ; ແລະ ຢຶດໝັ້ນຕໍ່ເລື່ອງຖືການເປີດປະຕູການຕະຫຼາດສືບຕໍ່ແມ່ນຄວາມຕ້ອງການ ພ້ອມທັງແມ່ນທ່າອ່ຽງທີ່ຈໍາເປັນ ເຊິ່ງຈະນໍາມາເຊິ່ງກໍາລັງໜູນ ເພື່ອປະກອບສ່່ວນເຂົ້າໃນການພັດທະນາແບບຍືນຍົງຂອງຫວຽດນາມ; ໃນນັ້ນ, ການຮ່ວມມື ກັບຈີນ ໄດ້ຮັບຖືວ່າ ແມ່ນ ພື້ນຖານສໍາຄັນໃນນະໂຍບາຍການພົວພັນຕ່າງປະເທດ ກໍຄືການເຊື່ອມໂຍງເສດຖະກິດຂອງຫວຽດນາມ.
 (ແຫຼ່ງຄັດຈາກ VOV)