13/10/2020 07:33 GMT+7 Email Print Like 0

ຫວຽດນາມ ແລະ ຍີ່ປຸ່ນ ພ້ອມກັນມີຄວາມປາດຖະໜາຢາກນຳການຮ່ວມມືລະຫວ່າງສອງປະເທດໃຫ້ຂຶ້ນສູ່ລະດັບສູງໃໝ່

      ຕອນບ່າຍວັນທີ 12 ຕຸລາ, ທ່ານ ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ມີການໂອ້ລົມທາງໂທລະສັບກັບທ່ານ ນາຍົກລັດຖະມົນຕີ ຍີ່ປຸ່ນ Suga Yoshihide.

ທ່ານ ນາຍົກລັດຖະມົນຕີ ຫວຽດນາມ ຫງວຽນຊວັນຟຸກໂອ້ລົມທາງໂທລະສັບກັບທ່ານ ນາຍົກລັດຖະມົນຕີ ຍີ່ປຸ່ນ Suga Yoshihide (ພາບ: VGP)
      ທີ່ການໂອ້ລົມທາງໂທລະສັບ, ທ່ານຫງວຽນຊວັນຟຸກ ໄດ້ຢັ້ງຢືນວ່າ ຍາມໃດ ຫວຽດນາມກໍ່ຖື ຍີ່ປຸ່ນແມ່ນຄູ່ຮ່ວມມືຍຸດທະສາດ, ສຳຄັນແຖວໜ້າ ແລະ ຍາວນານ, ທ່ານກໍ່ປາດຖະໜາຢາກສືບຕໍ່ພ້ອມກັບຍີ່ປຸ່ນຕັ້ງໜ້າຊຸກຍູ້ການຮ່ວມມືສອງຝ່າຍ ກໍ່ຄືໃນບັນດາບັນຫາຢູ່ພາກພື້ນ ແລະ ສາກົນ. ທ່ານນາຍົກລັດຖະມົນຕີໄດ້ສະແດງຄວາມຂອບໃຈຕໍ່ການໜູນຊ່ວຍອັນລ້ຳຄ່າຂອງຍີ່ປຸ່ນທີ່ສະຫງວຽນໃຫ້ແກ່ຫວຽດນາມໃນການຮັບມືກັບໂລກລະບາດ ໂຄວິດ - 19 ໃນໄລຍະທີ່ຜ່ານມາ, ຫວັງວ່າສອງຝ່າຍຈະສືບຕໍ່ຮ່ວມມື, ໜູນຊ່ວຍເຊິ່ງກັນແລະກັນເພື່ອຜ່ານຜ່າໂລກລະບາດ ໃນໄລຍະຈມາເຖິງ.
            ສ່ວນທ່ານ Suga Yoshihide ໄດ້ຕີລາຄາສູງບົດບາດ, ທີ່ຕັ້ງຂອງຫວຽດນາມຢູ່ພາກພື້ນ ແລະ ສາກົນ, ທ່ານ ກໍ່ໃຫ້ຮູ້ວ່າ ຈະຮ່ວມມືກັບຫວຽດນາມ ຢ່າງແໜ້ນແຟ້ນເພື່ອຜົນສຳເລັດຂອງກອງປະຊຸມຂັ້ນສູງ ອາຊຽນ ຈະມາເຖິງ.
(ແຫຼ່ງຄັດຈາກ VOV)