ວັນທີ 4 ກຸມພາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ມີການໂອ້ລົມທາງໂທລະສັບກັບທ່ານ ປະທານາທິບໍດີ ອິນໂດເນເຊຍ Joko Widodo ກ່ຽວກັບການຮ່ວມມືລະຫວ່າງບັນດາປະເທດອາຊຽນເພື່ອແນໃສ່ຮັບມືກັບພະຍາດອັກເສບປອດທີ່ເກີດຈາກເຊື້ອໄວຣັດ Corona ສາຍພັນໃໝ່ (2019 - nCoV).
        ການນຳສອງທ່ານໄດ້ເຫັດດີເປັນເອກະພາບວ່າ ບັນດາປະເທດສະມາຊິກຂອງ ອາຊຽນຄວນເປັນເຈົ້າການໃນການສົມທົບກັນ, ປະສານງານ ຂອງແຕ່ລະປະເທດ ໃຫ້ຖືກຕ້ອງຕາມເນື້ອໃນຈິດໃຈ “ສະໜິດຕິດພັນ ແລະ ເປັນເຈົ້າການຮັບມື” ແມ່ນຫົວຂໍ້ຂອງ ອາຊຽນໃນປີນີ້, ເພື່ອແນໃສ່ຊອກຫາບັນດາວິທີການແກ້ໄຂລວມ, ແບ່ງປັນຄວາມຮັບຜິດຊອບໃນການຮັບມືກັບເຊື້ອພະຍາດທີ່ລະບາດໃນ ພາກພື້ນ. ບັນດາປະເທດອາຊຽນໄດ້ມີປະສົບການອັນລ້ຳຄ່າໃນການສົມທົບກັນຮັບມືກັບເຊື້ອພະຍາດ SARS ປີ 2003ມາ ແລ້ວ, ດັ່ງນັ້ນຄວນສືບຕໍ່ເສີມຂະຫຍາຍລັກສະນະເປັນເຈົ້າການ,ຕັ້ງໜ້າຮັບມືກັບເຊື້ອພະຍາດ nCoV ຄັ້ງນີ້.