ຂ່າວສານ

ຫວຽດນາມ ຖືບົດບາດຂອງແມ່ຍິງທີ່ເຂົ້າຮ່ວມຮັກສາສັນຕິພາບເປັນສໍາຄັນ

13/04/2019

ວັນທີ 11 ເມສາ, ສະພາຄວາມໝັ້ນຄົງ, ສປຊ ໄດ້ຈັດຕັ້ງກອງປະຊຸມປຶກສາຫາລືເປີດດ້ວຍຫົວຂໍ້ວ່າ “ແມ່ຍິງໃນການເຄື່ອນໄຫວຮັກສາສັນຕິພາບຂອງ ສປຊ” ພາຍໃຕ້ການເປັນປະທານຂອງທ່ານນາງ Ursula von der Leyen, ລັດຖະມົນຕີກະຊວງປ້ອງກັນປະເທດ ເຢຍລະມັນ, ເຊິ່ງເປັນປະເທດປະທານຜັດປ່ຽນເດືອນ ເມສາ 2019 ຂອງ ສະພາຄວາມໝັ້ນຄົງ.

ທ່ານ ເລຮວ່າຍຈູງ, ຮອງລັດຖະມົນຕີການຕ່າງປະເທດ ຫວຽດນາມ (ພາບ: TTXVN)

ທີ່ກອງປະຊຸມປຶກສາຫາລື, ທ່ານ ເລຮວ່າຍຈູງ, ຮອງລັດຖະມົນຕີການຕ່າງປະເທດ ຫວຽດນາມ ໄດ້ເນັ້ກໜັກເຖິງບົດບາດຕັ້ງໜ້າຂອງ ແມ່ຍິງສໍາລັບສັນຕິພາບເວົ້າລວມ ແລະ ການເຄື່ອນໄຫວຮັກສາສັນຕິພາບຂອງ ສປຊ ເວົ້າສະເພາະ, ເປັນຕົ້ນແມ່ນ ເພີ່ມທະວີປະສິດທິຜົນໃນການແກ້ໄຂບັນດາບັນຫາຄວາມສະເໝີພາບລະຫວ່າງຍິງ-ຊາຍ, ປົກປ້ອງ ແລະ ຊຸກຍູ້ການປະຕິບັດສິດຜົນປະໂຫຍດຂອງແມ່ຍິງ ແລະ ເດັກຍິງ. ທ່ານເລຮວ່າຍຈູງ ຖືວ່າ ເພື່ອບັນລຸໄດ້ເປົ້າໝາຍດັ່ງກ່າວ, ສປຊ ຄວນຊຸກຍູ້ການປະຕິບັດມະຕິເລກທີ 2242 ຂອງ ສະພາຄວາມໝັ້ນຄົງ, ສປຊ ຢ່າງແຮງກວ່າອີກ; ຄົ້ນຄວ້າກ່ຽວກັບບັນດາຮົ້ວກີດຂວາງຂອງແມ່ຍິງເມື່ອເຂົ້າຮ່ວມບັນດາກໍາລັງຮັກສາສັນຕິພາບຢ່າງລະອຽດ ແລະ ສະເໜີມາດຕະການບົນພື້ນຖານຍຸດທະສາດຄວາມສະເໝີພາບລະຫວ່າງຍິງ - ຊາຍ, ພ້ອມທັງສະເໜີບັນດາປະເທດພັດທະນາ ຍູ້ແຮງການໜູນຊ່ວຍຂໍ້ລິເລີ່ມ Elsie ເພື່ອແນໃສ່ເພີ່ມທະວີຈໍານວນແມ່ຍິງເຂົ້າຮ່ວມບັນດາກໍາລັງປ້ອງກັນຊາດ, ປ້ອງກັນຄວາມສະຫງົບ.

(ແຫຼ່ງຄັດຈາກ VOV)

ມານະພະຍາຍາມນຳການພົວພັນ ຫວຽດນາມ - ລາວ ກ້າວເຂົ້າສູ່ໜ້າປະຫວັດສາດໃໝ່, ນັບມື້ນັບພັດທະນາຢ່າງແຮງ, ມີຄວາມສະໜິດແໜ້ນກ່ວາ

19/12/2025
ຂ່າວສານ

ສ່ວນທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ລາວ ກໍ່ເຫັນດີເປັນເອກະພາບຕໍ່ບັນດາເນື້ອໃນແລກປ່ຽນຂອງ ທ່ານນາຍົກລັດຖະມົນຕີ ຟ້າມມິງຈິງ, ທ່ານຢັ້ງຢືນວ່າ ສອງປະເທດຈະສືບຕໍ່ຮ່ວມມືກັນ, ປະສານສົມທົບກັນຢ່າງແໜ້ນແຟ້ນໃນບັນດາບັນຫາພາກພື້ນ ແລະ ສາກົນ.