13/05/2019 07:27 GMT+7 Email Print Like 0

ຫວຽດນາມ ຕີລາຄາສູງບັນດາຄຸນຄ່່າຄຸນສົມບັດອັນດີງາມຂອງບັນດາສາສະໜາ ໃນນັ້ນ ມີສາສະໜາພຸດ

      ຕອນຄໍ່າວັນທີ 11 ພຶດສະພາ, ຢູ່ຮ່າໂນ້ຍ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ເປັນເຈົ້າພາບງານລ້ຽງບັນດາປະມຸກລັດ, ການນໍາ ສປຊ, ບັນດາອົງການຈັດຕັ້ງສາກົນ, ຜູ້ຕາງໜ້າຄະນະພຸດທະສາສະໜາບັນດາປະເທດ, ສະຖານທູດບັນດາປະເທດ ປະຈໍາຫວຽດນາມ, ອົງການຈັດຕັ້ງສາກົນ ວັນບຸນວິສາຂະບູຊາ Vesak ສປຊ, ສະມາຄົມພຸດທະສາສະໜາຫວຽດນາມ ພວມມີໜ້າເຂົ້າຮ່ວມວັນບຸນວິສາຂະບູຊາ Vesak ສປຊ 2019 ຢູ່ຫວຽດນາມ.

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ເປັນເຈົ້າພາບງານລ້ຽງບັນດາປະມຸກລັດ, ການນໍາ ສປຊ
ແລະ ຜຸູ້ແທນເຂົ້າຮ່ວມວັນບຸນວິສາຂະບູຊາ  Vesak ສປຊ 2019 (ພາບ: TTXVN)
      ກ່າວຄໍາເຫັນທີ່ງານລ້ຽງ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນເນັ້ນໜັກວ່າ ວັນບຸນວິສາຂະບູຊາ Vesak ສປຊ ຖືກຈັດຂຶ້ນປະຈໍາປີນັ້ນ ແມ່ນ ກາລະໂອກາດ ເພື່ອເຊີດຊູ ແລະ ອາໄລຫາພະພຸດທະເຈົ້າ. ບັນດາແຂກຜູ້ມີໜ້າຢູ່ທີ່ນີ້ ແມ່ນນັກການທູດຜູ້ສັດຊື່, ໜ້າເຄົາລົບພວມຮ່ວມພັນກັນ ເພາະວ່າແນວຄວາມຄິດຂອງພຸດທະສາສະໜາໃນການແກ້ໄຂບັນດາບັນຫາມີຜົນສະທ້ອນເຖິງການພັດທະນາທົ່່ວໂລກ, ຮ່ວມກັນກະທໍາ ເພື່ອຜົນປະໂຫຍດລວມ ແລະ ພ້ອມກັນແບ່ງປັນຄວາມຫວັງ ກ່ຽວກັບ ໂລກແຫ່ງສັນຕິພາບ, ພັດທະນາຢ່າງວັດທະນາຖາວອນ ແລະ ຍືນຍົງ.
        “ກ່ອນດໍາເນີນພິທີໄຂວັນບຸນ Vesak 2019 ເຊິ່ງຖືກຈັດຂຶ້ນເປັນຄ້ັງທີ 3 ຢູ່ຫວຽດນາມ ແລະ ການພົບປະສັງສັນທີ່ເຕັມໄປດ້ວຍຄວາມຮັກແພງສະໜິດສະໜົມຄືມື້ນີ້, ພວກຂ້າພະເຈົ້າສືບຕໍ່ຢັ້ງຢືນວ່າ ຫວຽດນາມ ຍາມໃດເຄົາລົບສິດທິມະນຸດ, ຮັບປະກັນສິດເສລີໃນການເຄື່ອນໄຫວທາງດ້ານສາສະໜາ ແລະ ການເຫຼື້ອມໃສ, ເຊື່ອຖືສາສະໜາ, ຕີລາຄາສູງບັນດາຄຸນຄ່າຄຸນສົມບັນອັນດີງາມຂອງບັນດາສາສະໜາໃນນັ້ນມີ ສາສະໜາພຸດ ທີ່ໄດ້, ກໍາລັງ ແລະ ຈະນໍາມາໃຫ້ຊີວິດສັງຄົມ ແລະ ປະກອບສ່ວນເຂົ້າໃນການສ້າງສາ ແລະ ປົກປັກຮັກສາປະເທດຊາດ”.
 (ແຫຼ່ງຄັດຈາກ VOV)