ແຕ່ວັນທີ 31 ພຶດສະພາ ຫາວັນທີ 3 ມິຖຸນາ, ທ່ານພົນເອກ ໂງຊວນລີ້ກ, ລັດຖະມົນຕີກະຊວງປ້ອງກັນປະເທດ ຫວຽດນາມ ນຳໜ້າຄະນະຜູ້ແທນການທະຫານຂັ້ນສູງ ຫວຽດນາມ ຈະເຂົ້າຮ່ວມການເຈລະຈາ Shingri-La ຄັ້ງທີ 17 ຢູ່ສິງປະໂປ ຕາມຄຳເຊີນຂອງຄະນະຈັດຕັ້ງການເຈລະຈາ Shingri-La.
ທ່ານພົນເອກ ໂງຊວນລີ້ກ, ລັດຖະມົນຕີກະຊວງປ້ອງກັນປະເທດ ຫວຽດນາມ (ພາບອິນເຕີແນັດ)
ຄາດວ່າ ທ່ານພົນເອກ ໂງຊວນລີ້ກ ຈະມີບົດກ່າວປາໄສສຳຄັນທີ່ການເຈລະຈາ. ຢູ່ນອກການເຈລະຈາ, ທ່ານລັດຖະມົນຕີ ໂງຊວນລີ້ກ ຈະມີບັນດາການພົບປະ 2 ຝ່າຍກັບລັດຖະມົນຕີກະຊວງປ້ອງກັນປະເທດຂອງປະເທດຕ່າງໆ.
ການເຈລະຈາ Shangri-La ຄັ້ງນີ້ ມີກອງປະຊຸມຄົບຄະນະ 5 ກອງປະຊຸມ ດ້ວຍບັນດາຫົວຂໍ້ວ່າ: ບົດບາດຊີ້ນຳນຳພາຂອງ ອາເມລິກາ ແລະ ບັນດາສິ່ງທ້າທາຍກ່ຽວກັບຄວາມໝັ້ນຄົງໃນມະຫາສະໝຸດອິນເດຍ - ປາຊີຟິກ; ຫລຸດຜ່ອນວິກິດການ ສປປ.ເກົາຫຼີ; ກຳນົດຄວາມເປັນລະບຽບຮຽບຮ້ອຍຄວາມໝັ້ນຄົງທີ່ພວມປ່ຽນແປງຂອງ ອາຊີ; ບັນດາແງ່ມູມໃໝ່ຂອງລັດທິກໍ່ການຮ້າຍ ແລະ ການເຄື່ອນໄຫວຕ້ານກໍ່ການຮ້າຍ; ຍົກສູງຄຸນນະພາບແຫ່ງການຮ່ວມມືວຽກງານປ້ອງກັນຄວາມສະຫງົບໃນພາກພື້ນ.
(ແຫຼ່ງຄັດຈາກ VOV)