22/01/2020 10:21 GMT+7 Email Print Like 0

ຫວຽດນາມແມ່ນແບບຢ່າງທີ່ປະສົບຜົນສຳເລັດໃນອາຊຽນກ່ຽວກັບການພັດທະນາແບບຍືນຍົງ

      ໄທເຊື່ອໝັ້ນວ່າ ຫວຽດນາມຈະປະຕິບັດທັງສອງບົດບາດເປັນປະທານອາຊຽນ 2020 ແລະ ກຳມະການບໍ່ປະຈຳການສະພາຄວາມໝັ້ນຄົງ ສປຊ ໃນປີນີ້ເປັນຢ່າງດີ. 

ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ຕອບສຳພາດຕໍ່ນັກຂ່າວ ກ່ຽວກັບໜ້າທີ່ ຄຸ່ຂອງ ຫວຽດນາມໃນປີ 2020 (ພາບ: ກະຊວງການຕ່າງປະເທດ) 
      ເມື່ອຕອບສຳພາດຕໍ່ນັກຂ່າວ ວິທະຍຸກະຈາຍສຽງ ຫວຽດນາມ, ທ່ານ ສຸຣີຢາ ຈິນດາວົງ ຫົວໜ້າກົມອາຊຽນສັງກັດ ກະຊວງການຕ່າງປະເທດໄທ, ໄດ້ເນັ້ນໜັກວ່າ: ໄທເຊື່ອໝັ້ນວ່າ ຫວຽດນາມ ຈະ ປະຕິບັດບົດບາດເປັນປະທານອາຊຽນ 2020 ເປັນຢ່າງດີ ແລະ ສະໜັບສະໜູນຫົວຂໍ້ ປີ ອາຊຽນຂອງ ຫວຽດນາມແມ່ນ “ສະໜິດຕິດພັນ ແລະ ເປັນເຈົ້າການຮັບມື”. ທ່ານ ສຸຣີຢາ ຈິນດາວົງ ໃຫ້ຮູ້ວ່າ: ທີ່ກອງປະຊຸມວົງແຄບ ລັດຖະມົນຕີກະຊວງການຕ່າງປະເທດ ທີ່ຫາກໍ່ໄດ້ຈັດຕັ້ງຢູ່ ຍາຈາງ ປະເທດ ຫວຽດນາມ, ໄທ ແລະ ບັນດາປະເທດ ໄດ້ຢັ້ງຢືນວ່າຈະສືບຕໍ່ສະໜັບສະໜູນ ແລະ ໜູນຊ່ວຍ ຫວຽດນາມ, ເພື່ອຢັ້ງຢືນບົດບາດເປັນໃຈກາງຂອງ ອາຊຽນໃນພາກພື້ນ.
            ເມື່ອຖືກຖາມວ່າ ທ່ານຕີລາຄາຄືແນວໃດກ່ຽວກັບ 2 ບົດບາດຄວາມຮັບຜິດຊອບທີ່ ຫວຽດນາມ ຮັບດຳລົງໃນປີ 2020, ນັ້ນ ແມ່ນ ປະທານ ອາຊຽນ ແລະ ກຳມະການບໍ່ປະຈຳການຂອງສະພາຄວາມໝັ້ນຄົງ ສປຊ, ທ່ານ ສຸຣີຢາ ຈິນດາວົງ ຖືວ່າ ນີ້ແມ່ນ ກາລະໂອກາດທີ່ດີເພື່ອໃຫ້ຫວຽດນາມ ສຳຜັດ ແລະ ແກ້ໄຂບັນດາບັນຫາທົ່ວໂລກ, ກໍ່ຄືຊ່ວຍໃຫ້ບັນດາປະເທດໃນພາກພື້ນ ອາຊຽນ ຫັນບັນດາເປົ້າໝາຍຂອງຕົນໃຫ້ປະກົດຜົນເປັນຈິງ, ພ້ອມທັງເພີ່ມທະວີ ແລະ ປັບປຸງພາບພົດຂອງ ອາຊຽນຢູ່ ສປຊ.
 (ແຫຼ່ງຄັດຈາກ VOV)