ກອງປະຊຸມປະຈຳປີສະພາບໍລິຫານ IFAD
(ພາບ: TTXVN)
ກອງປະຊຸມປະຈຳປີຄັ້ງທີ 40 ຂອງສະພາບໍລິຫານກອງທຶນພັດທະນາກະສິກຳສາກົນ (IFAD) ຖືກດຳເນີນໃນຕອນເຊົ້າວັນທີ 14/02, ຢູ່ ໂຣມ, ປະເທດອີຕາລີ ໃນລະຫວ່າງວັນທີ 14 – 15/02. ເຂົ້າຮ່ວມກອງປະຊຸມ, ມີຄະນະການນຳ IFAD, ການນຳຫຼາຍປະເທດ ແລະ ອົງການຈັດຕັ້ງສາກົນ, ພ້ອມກັບຜູ້ຕາງໜ້າຂອງ 176 ປະເທດສະມາຊິກ IFAD. ຄະນະຜູ້ແທນຫວຽດນາມ ເຂົ້າຮ່ວມກອງປະຊຸມລວມມີສະມາຊິກ 5 ທ່ານ, ໂດຍທ່ານຮອງລັດຖະມົນຕີກະຊວງການເງິນ ເຈີນຊວນຮ່າ ນຳໜ້າ.(ພາບ: TTXVN)
ທີ່ກອງປະຊຸມຄັ້ງນີ້, IFAD ຈະດຳເນີນການເລືອກຕັ້ງປະທານຄົນໃໝ່. ປະທານ IFAD ໂດຍສະພາບໍລິຫານ, ເຊິ່ງແມ່ນອົງການສູງສຸດຂອງ IFAD ເລືອກຕັ້ງຮັບດຳລົງຕຳແໜ່ງເປັນປະທານໃນອາຍຸການ 4 ປີ. ທ່ານປະທານຄົນປະຈຸບັນແມ່ນທ່ານ Kanayo F.Nwanze, ຊາວ ນີເຊເຣຍ, ຈະສິ້ນສຸດອາຍຸການທີ 2 ໃນວັນທີ 31/03 ຈະມາເຖິງ. IFAD ແມ່ນອົງການວິຊາສະເພາະຂອງສະຫະປະຊາຊາດ ມີສຳນັກງານຕັ້ງຢູ່ໂຣມ. ປະຈຸບັນ IFAD ມີ 176 ສະມາຊິກ ແລະ ຫວຽດນາມ ໄດ້ເຂົ້າເປັນສະມາຊິກຂອງ IFAD ນັບແຕ່ປີ 1997 ເປັນຕົ້ນມາ.
(ແຫຼ່ງຄັດຈາກ VOV)
