ສ້າງລັດຖະບານເອເລັກໂຕນິກ ແລະ ປະຕິຮູບລະບຽບການບໍລິຫານຕ້ອງຖືປະຊາຊົນ ແລະ ວິສາຫະກິດເປັນໃຈກາງເພື່ອຮັບໃຊ້
ໃນໄລຍະຜ່ານມາ, ບາງລະບົບຂໍ້ມູນພື້ນຖານຂອງລັດຖະບານເອເລັກໂຕນິກໄດ້ນໍາເຂົ້າໃຊ້ງານ ແລະ ໄດ້ເສີມຂະຫຍາຍປະສິດທິຜົນ.
ວັນທີ 10 ສິງຫາ, ຢູ່ສໍານັກງານລັດຖະບານ, ທ່ານ ມາຍຕ໊ຽນຢຸງ ລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ, ຫົວໜ້າໜ່ວຍປະຕິບັດງານຂອງນາຍົກລັດຖະມົນຕີ ໄດ້ເຮັດວຽກກັບການນໍາ 10 ກະຊວງກ່ຽວກັບສະພາບການຜັນຂະຫຍາຍບັນດາໜ້າທີ່ທີ່ໄດ້ຮັບການມອບໝາຍ ເຊິ່ງກ່ຽວຂ້ອງເຖິງການກໍ່ສ້າງລັດຖະບານເອເລັກໂຕນິກ ແລະ ການປະຕິບຮູບລະບຽບການບໍລິຫານ.
ທ່ານລັດຖະມົນຕີ ມາຍຕ໊ຽນຢຸງ ກ່າວຄໍາເຫັນທີ່ການເຮັດວຽກ (ພາບ: VGP)
ໃນໄລຍະຜ່ານມາ, ບາງລະບົບຂໍ້ມູນພື້ນຖານຂອງລັດຖະບານເອເລັກໂຕນິກໄດ້ນໍາເຂົ້າໃຊ້ງານ ແລະ ໄດ້ເສີມຂະຫຍາຍປະສິດທິຜົນ. ໃນວັນທີ 14 ສິງຫາ ຈະມາເຖິງນີ້ ຈະເປີດໂຕສູນຂໍ້ມູນຂ່າວສານ, ຊີ້ນໍາການບໍລິຫານຂອງລັດຖະບານ, ນາຍົກລັດຖະມົນຕີ ແລະ ປະກາດການບໍລິການສາທາລະນະນະອັນດັບ 1.000 ທີ່ໄດ້ນໍາໃຊ້ເຂົ້າໃນປະຕູຖານບໍລິການສາທາລະນະແຫ່ງຊາດ.
ຕາມທ່ານລັດຖະມົນຕີ ມາຍຕ໊ຽນຢຸງ ໃນຈຸດເວລາທີ່ໂລກລະບາດໂຄວິດ - 19 ພວມມີການຜັນແປສັບສົນ, ຄວາມຕ້ອງການນໍາໃຊ້ເຕັກໂນໂລຢີຂອງປະຊາຊົນ ແລະ ວິສາຫະກິດແມ່ນໃຫຍ່ຫຼວງທີ່ສຸດ, ການຜັນຂະຫຍາຍລັດຖະບານເອເລັກໂຕນິກມີຄວາມໝາຍສໍາຄັນຍິ່ງ. ທ່ານລັດຖະມົນຕີ ມາຍຕ໊ຽນຢຸງ ສະເໜີບັນດາກະຊວງຕ້ອງສ້າງລະບົບລາຍງານໃຫ້ສົມບູນແບບ ແລະ ປະກາດໃຊ້ຈົດໝາຍທາງລັດຖະການແນະນໍາຢ່າງລະອຽດເພື່ອເປັນເອກະພາບນັບແຕ່ຂັ້ນຕາແສງ ຕະຫຼອດຮອດຂັ້ນສູນກາງ ດ້ວຍເປົ້າໝາຍ ຖືປະຊາຊົນ ແລະ ວິສາຫະກິດເປັນໃຈກາງຮັບໃຊ້.
(ແຫຼ່ງຄັດຈາກ VOV)