ຂ່າວສານ

ສ້າງເງື່ອນໄຂສະດວກໃຫ້ວິສາຫະກິດຂະໜາດກາງ ແລະ ນ້ອຍສໍາຜັດກັບແຫຼ່ງທຶນຈາກທະນາຄານ

10/08/2018

ຕາມການສະຖິຕິຂອງຫ້ອງການການຄ້າ ແລະ ອຸດສາຫະກໍາຫວຽດນາມ (VCCI)ແລ້ວ,ປັດຈຸບັນ, ມີພຽງແຕ່ 40% ວິສາຫະກິດຂະໜາດກາງ ແລະ ນ້ອຍໄດ້ສໍາຜັດກັບແຫຼ່ງທຶນຈາກທະນາຄານ,ໂດຍສະເພາະ ແມ່ນສໍາລັບບັນດາວິສາຫະກິດ startup.

(ພາບປະກອບ: vov.vn)

ຕາມການສະເໜີແນະຂອງນັກຊ່ຽວຊານດ້ານເສດຖະກິດແລ້ວ, ໄປຄຽງຄູ່ກັບການສ້າງກົນໄກນະໂຍບາຍຂອງພາກລັດໃຫ້ສົມບູນແບບນັ້ນ, ສິ່ງສໍາຄັນແມ່ນ ການເປັນເຈົ້າການໃນການເຊື່ອມຕໍ່ລະຫວ່າງວິສາຫະກິດ ແລະ ທະນາຄານການຄ້າອີກດ້ວຍ. ທ່ານຫວູຕ໋ຽນຫຼົກ, ປະທານຫ້ອງການການຄ້າ ແລະ ອຸດສາຫະກໍາຫວຽດນາມ, ໃຫ້ຮູ້ວ່າ:

“ບັນດາທະນາຄານຄວນຕອບສະໜອງມາດຕະການ ເພື່ອໜູນຊ່ວຍການພັດທະນາຂອງວິສາຫະກິດຂະໜາດກາງ ແລະ ນ້ອຍ. ທະນາຄານ ກໍຄວນຄຽງບ່າຄຽງໄລ່ໃນການຕອບສະໜອງຂໍ້ມູນຂ່າວສານ, ການໃຫ້ຄໍາປຶກສາ ແລະ ການບໍາລຸງສ້າງ ເພື່ອເຊື່ອມຕໍ່ການສໍາຜັດກັບຕະຫຼາດ. ນີ້ຈະແມ່ນວິທີການ ເພື່ອຍົກສູງປະສິດທິຜົນການຜະລິດດໍາເນີນທຸລະກິດຂອງວິສາຫະກິດ, ພ້ອມທັງແມ່່ນວິທີການຍົກສູງປະສິດທິຜົນໃນການສະໜອງການສິນເຊື່ອຂອງບັນດາວິສາຫະກິດ”.

(ແຫຼ່ງຄັດຈາກ VOV)

ເອກອັກຄະລັດຖະທູດ ຫງວຽນນາມເຢືອງ ຍື່ນສານຕາຕັ້ງມາຍັງທ່ານປະທານາທິບໍດີ ປາແລັດສະຕິນ

19/02/2026
ຂ່າວສານ

ວັນທີ 17 ກຸມພາ, ທ່ານ ຫງວຽນນາມເຢືອງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສສ. ຫວຽດນາມ ປະຈຳ ສ. ອາຣັບ ອີຢິບ ແລະ ລັດ ປາແລັດສະຕິນ ໄດ້ຍື່ນສານຕາຕັ້ງຂອງທ່ານ ເລືອງເກື່ອງ ປະທານປະເທດ ຫວຽດນາມ ມາຍັງທ່ານປະທານາທິບໍດີ ປາແລັດສະຕິນ Mahmoud Abbas, ກາຍເປັນເອກອັກຄະລັດຖະທູດຜູ້ມີອຳນາດເຕັມບໍ່ປະຈຳຂອງ ຫວຽດນາມ ຢູ່ ລັດ ປາແລັດສະຕິນ ຢ່າງເປັນທາງການ.