30/05/2020 12:11 GMT+7 Email Print Like 0

ສື່ມວນຊົນ ການາດາ ຍ້ອງຍໍຊົມເຊີຍ ຫວຽດນາມ ບັນລຸໄດ້ຜົນສຳເລັດທີ່ພົ້ນເດັ່ນໃນການປ້ອງກັນ, ສະກັດກັ້ນໂລກລະບາດ Covid -19

      ໜັງສືພິມ “Globe and Mail”ຂອງການາດາສະບັບອອກວັນທີ 27 ພຶດສະພາໄດ້ລົງບົດຂຽນໂດຍຕີລາຄາວ່າ ຜົນສຳເລັດຂອງຫວຽດນາມໃນການປ້ອງກັນ, ສະກັດກັ້ນໂລກລະບາດ Covid – 19 ແມ່ນມີຄວາມພົ້ນເດັ່ນເປັນພິເສດ, ອາດເວົ້າໄດ້ວ່າມີໜຶ່ງດຽວໃນໂລກແລະ ໄດ້ເອີ້ນວ່າແມ່ນ ບັນທັດຖານໃນການປ້ອງກັນ, ສະກັດກັ້ນໂລກລະບາດ Covid - 19”

ພາບປະກອບ: TTXVN 
      ບົດຂຽນໄດ້ເນັ້ກໜັກວ່າ ຜົນສຳເລັດຂອງຫວຽດນາມບໍ່ແມ່ນຄວາມບັງເອີນ. ເລື່ອງມີເສັ້ນງຊາຍແດນກັບຈີນດ້ວຍຄວາມຍາວປະມານ 1450 ກີໂລແມັດ ແລະ ມີການຕ້ອນຮັບແຂກທ່ອງທ່ຽວເປັນປະຈຳ ໄດ້ເຮັດໃຫ້ຫວຽດນາມອາດຈະປະເຊີນໜ້າກັບສະພາບການມີຜູ້ຕິດເຊື້ອຢ່າງຫຼວງຫຼາຍ. ເຖິງຢ່າງໃດກໍ່ຕາມ, ຫວຽດນາມໄດ້ມີການກະທຳຢ່າງໄວວາ ແລະ ບໍ່ຄອຖ້າບັນດາຄຳກ່າວເຕືອນຢ່າງເປັນທາງການຂອງອົງການອະນາໄມໂລກ (WHO) ກ່ອນທີ່ຈຳກັດການເຂົ້າເມືອງ, ຢຸດຕິຊົ່ວຄາວບັນດາການເຄື່ອນໄຫວດ້ານເສດຖະກິດ ແລະ ດຳເນີນການກວດຫາເຊື້ອໃນວົງກ້ວາງ, ນຳໃຊ້ບັນດາມາດຕະການຊອກຫາຜູ້ທີ່ໄດ້ສຳຜັດກັບຜູ້ຕິດເຊື້ອ ແລະ ແຍກຕົວຕິດຕາມຢູ່ຕ່າງຫາກ.
            ທ່ານ Guy Thwaites ສາດສະດາຈານດ້ານພະຍາດຕິດແປດ, ຫົວໜ້າໜ່ວຍງານຄົ້ນຄ້ວາການກັ່ນກອງຂອງມະຫາວິທະຍາໄລ Oxford ປະຈຳຫວຽດນາມ ໄດ້ໃຫ້ຂໍ້ສັງເກດວ່າ: ຫວຽດນາມມີການກະທຳຢ່າງວ່ອງໄວ ຍ້ອນວ່າຮັບຮູ້ໄດ້ຢ່າງຈະແຈ້ງບັນດາຄວາມສ່ຽງຂອງພະຍາດຕິດແປດທີ່ຍັງບໍ່ທັນສາມາດຄວບຄຸມໄດ້. ຊາວຫວຽດນາມມີສະຕິຄວາມຮັບຮູ້ຢ່າງຈະແຈ້ງກ່ຽວກັບຄວາມສ່ຽງຂອງພະຍາດຕິດແປດຊະນິດຕ່າງໆ ແລະ ຮູ້ວ່າຕ້ອງແກ້ໄຂໂລກລະບາດໂດຍໄວ. ຫວຽດນາມໄດ້ກະກຽມເປັນຢ່າງດີ”. ທ່ານສາດສະດາຈານ Guy Thwaites ກໍ່ສະແດງຄວາມເຊື່ອໝັ້ນກ່ຽວກັບຄວາມຖືກຕ້ອງຊັດເຈນຂອງບັນດາສະຖິຕິ, ຈຳນວນຜູ້ຕິດເຊື້ອຕ່ຳ ແລະ ບໍ່ມີກໍລະນີໃດເສຍຊີວິດຍ້ອນໂລກລະບາດ Covid – 19 ຢູ່ ຫວຽດນາມ, ເມື່ອທ່ານໄດ້ສຳຜັດກັບຂໍ້ມູນຢ່າງເປັນທາງການ ແລະ ຜ່ານການໄປໂຮງໝໍແຫ່ງຕ່າງໆຢູ່ຫວຽດນາມ
 (ແຫຼ່ງຄັດຈາກ VOV)