17/10/2019 11:44 GMT+7 Email Print Like 0

ສືບຕໍໍ່ຊຸກຍູ້ການພົວພັນມິດຕະພາບລະຫວ່າງ ຫວຽດນາມ - ກຳປູເຈຍ ພ້ອມກັນຮ່ວມມື, ພ້ອມກັນພັດທະນາວັດທະນາຖາວອນ

      ຕອນເຊົ້າວັນທີ 16 ຕຸລາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ໃຫ້ການຕ້ອນຮັບ ທ່ານນາງ Men Sam Am, ຮອງນາຍົກລັດຖະມົນຕີແຫ່ງລາຊະອານາຈັກ ກຳປູເຈຍ, ລັດຖະມົນຕີກະຊວງການພົວພັນສະພາແຫ່ງຊາດ, ສະພາສູງ ແລະ ກວດກາຂອງ ກຳປູເຈຍ.

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໃຫ້ການຕ້ອນຮັບ ທ່ານນາງ Men Sam Am, ຮອງນາຍົກລັດຖະມົນຕີແຫ່ງລາຊະອານາຈັກ ກຳປູເຈຍ (ພາບ: VGP)
       ທີ່ການຕ້ອນຮັບ, ທ່ານ ຫງວຽນຊວັນຟຸກ ໄດ້ຢັ້ງຢືນວ່າ ຫວຽດນາມມີຄວາມປາດຖະໜາຢາກສືບຕໍ່ຊຸກຍູ້ການພົວພັນມິດຕະພາບລະຫວ່າງສອງປະເທດບົນເນື້ອໃນຈິດໃຈພ້ອມກັນຮ່ວມມື, ພ້ອມກັນພັດທະນາວັດທະນາຖາວອນ, ບໍ່ປະໃຫ້ບໍ່ວ່າອິດທິກຳລັງປໍລະປັກໃດມາແບ່ງແຍກນ້ຳໃຈສາມັກຄີ, ຄວາມສະໜິດຕິດພັນລະຫວ່າງສອງປະເທດ. ທ່ານນາຍົກລັດຖະມົນຕີ ມີຄວາມປາດຖະໜາຢາກໃຫ້ທ່ານນາງ ຮອງນາຍົກລັດຖະມົນຕີ Men Sam Am ສືບຕໍ່ໍຊຸກຍູ້ບັນດາອົງການ, ສະມາຄົມ, ຄະນະ, ມະຫາຊົນ ກຳປູເຈຍ ສະໜັບສະໜູນເລື່ອງສະພາແຫ່ງຊາດ ສອງປະເທດໃຫ້ສັດຕະຍາບັນບັນດາເອກະສານນິຕິກຳກ່ຽວກັບການຂີດເສັ້ນປັກຫຼັກໝາຍຊາຍແດນໂດຍໄວ. ທ່ານນາຍົກລັດຖະມົນຕີກໍ່ຫວັງວ່າ ລັດຖະບານ ກຳປູເຈຍຈະ ເອົາໃຈໃສ່, ໜູນຊ່ວຍ ຊາວກຳປູເຈຍທີ່ມີເຊື້ອຊາຍ ຫວຽດນາມ ທີ່ພວມດຳລົງຊີວິດຢູ່ ກຳປູເຈຍ, ເປັນຕົ້ນແມ່ນກ່ຽວກັບເອກະສານດ້ານນິຕິກຳເພື່ອໃຫ້ມີຊີວິດເປັນປົກກະຕິ, ປະກອບສ່ວນຢ່າງຕັ້ງໜ້າເຂົ້າໃນສັງຄົມຂອງປະເທດປະຈຳຖິ່ນ. ໃນການຮ່ວມມືດ້ານເສດຖະກິດ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ສະເໜີໃຫ້ສອງປະເທດແກ້ໄຂຄວາມຫຍຸ້ງຍາກ, ສິ່ງຕິດຂັດ, ຕັ້ງໜ້າຮ່ວມມື, ຊຸກຍູ້, ນຳການພົວພັນດ້ານການຄ້າພັດທະນາຢ່າງແຮງກ່ວາອີກ.
        ສ່ວນທ່ານນາງ Men Sam Am ຢັ້ງຢືນວ່າ ກຳປູເຈຍຕັດສິນໃຈຮັກສາ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ ສອງປະເທດ, ພ້ອມທັງເນັ້ນໜັ້ກວ່າ ກຳປູເຈຍ ບໍ່ອາດຫຼົງລືມການເສຍສະຫຼະຊີວິດ ແລະ ການຊ່ວຍເຫຼືອອັນຍິ່ງໃຫຍ່ຂອງ ປະຊາຊົນ ຫວຽດນາມ ທີ່ສະຫງວນໃຫ້ແກ່ປະຊາຊົນ ກຳປູເຈຍໃນການຕໍ່ສູ້  ໂຄ່ນລົ້ມລະບອບດັບສູນເຊື້ອຊາດ ປອນປົດ

 (ແຫຼ່ງຄັດຈາກ VOV)