18/07/2021 12:26 GMT+7 Email Print Like 0

ສະ​ພາ​ແຫ່ງ​ຊາດ, ແນວ​ໂຮມ​ປະ​ເທດຊາດ ຫວຽດ​ນາມ ຄົ້ນ​ຄ້​ວາ​ສື​ບ​ຕໍ່​ສ້າງ​ກົດ​ໝາຍ​ວ່າ​ດ້ວຍ​ການ​ເລືອກ​ຕັ້ງ​ໃຫ້​ສົມ​ບູນ​ແບບ

ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ເນັ້ນໜັກວ່າ ຕ້ອງສືບຕໍ່ຍົກສູງປະສິດທິຜົນໃນການສົມທົບກັນລະຫວ່າງ ຄະນະປະຈຳສະພາແຫ່ງຊາດ ກັບ ຄະນະປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ.
ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ກ່າວຄຳເຫັນທີ່ກອງປະຊຸມ

ຕອນບ່າຍວັນທີ 16 ກໍລະກົດ, ຢູ່ຫໍສະພາແຫ່ງຊາດ ໄດ້ດຳເນີນກອງປະຊຸມກ່ຽວກັບວຽກງານຂອງຄະນະປະຈຳສະພາແຫ່ງຊາດ ແລະ ຄະນະປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ພາຍໃຕ້ການເປັນປະທານຮ່ວມຂອງ ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ແລະ ທ່ານ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໋ວັນຈຽນ.

        ທີ່ກອງປະຊຸມ, ບັນດາຜູ້ແທນໄດ້ຖືສອງອົງການໄດ້ສົມທົບກັນຢ່າງແໜ້ນແຟ້ນ, ມີການປ່ຽນແປງໃໝ່ຫຼາຍຢ່າງໃນການລວບລວມຄຳເຫັນ, ຂໍ້ສະເໜີຂອງຜູ້ມີສິດເລືອກຕັ້ງ ແລະ ປະຊາຊົນ ທີ່ສົ່ງໄປຍັງ ກອງປະຊຸມຄັ້ງປະຖົມມະເລິກ ຂອງສະພາແຫ່ງຊາດຊຸດທີ XV ແລະ ປ່ຽນແປງໃໝ່ວຽກງານພົບປະກັບຜູ້ມີສິດເລືອກຕັ້ງ, ຂົນຂວາຍການເລືອກຕັ້ງໃຫ້ແກ່ບັນດາຜູ້ສະໝັກເລືອກຕັ້ງ ເປັນສະມາຊິກສະພາແຫ່ງຊາດ. ຍົກອອກຂໍ້ສະເໜີກ່ຽວກັບການປ່ຽນແປງໃໝ່ໃນວຽກງານພົບປະກັບຜູ້ມີສິດເລືອກຕັ້ງຂອງສະມາຊິກສະພາແຫ່ງຊາດຊຸດທີ XV, ທ່ານ ໂດ໋ວັນຈຽນ ຖືວ່າ ບັນດາສະມາຊິກສະພາແຫ່ງຊາດຄວນດຳເນີນບັນດາການພົບປະສະເພາະກັບຜູ້ມີສິດເລືອກຕັ້ງ, ພົບປະຕາມຫົວເລື່ອງ.

        ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ເນັ້ນໜັກວ່າ ຕ້ອງສືບຕໍ່ຍົກສູງປະສິດທິຜົນໃນການສົມທົບກັນລະຫວ່າງ ຄະນະປະຈຳສະພາແຫ່ງຊາດ ກັບ ຄະນະປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ຄົ້ນຄ້ວາໂດຍໄວ, ສືບຕໍ່ສ້າງກົດໝາຍວ່າດ້ວຍການເລືອກຕັ້ງໃຫ້ສົມບູບແບບເຊິ່ງເໝາະສົມກັບສະພາບການຕົວຈິງ.

(ແຫຼ່ງຄັດຈາກ VOV)