23/10/2020 13:41 GMT+7 Email Print Like 0

ສະ​ພາ​ແຫ່ງ​ຊາດ​ ຫວຽດ​ນາມ ປຶກ​ສາ​ຫາ​ລື ກ່ຽວ​ກັບ​ຮ່າງ​ກົດ​ໝາຍ 2 ສະ​ບັບ

ກົດໝາຍວ່າດ້ວຍການປັບໄໝການກະທຳຜິດດ້ານການບໍລິຫານມີຜົນສັກສິດນັບແຕ່ເດືອນກໍລະກົດ ປີ 2013 ເປັນຕົ້ນມາ, ພາຍຫຼັງການຜັນຂະຫຍາຍມາເປັນເວລາ 6 ປີ, ໄປຄຽງຄູ່ກັບບັນດາໝາກຜົນທີ່ບັນລຸໄດ້, ກົດໝາຍເກີດມີບາງຂໍ້ຕິດຂັດ. 

 ກອງປະຊຸມສະໄໝສາມັນເທື່ອທີ X ສະພາແຫ່ງຊາດ ຫວຽດນາມ ຊຸດທີ XIV  (ພາບ: Quochoi.vn)

ຕາມໂຄງການກອງປະຊຸມສະໄໝສາມັນເທື່ອທີ X ສະພາແຫ່ງຊາດ ຫວຽດນາມ ຊຸດທີ XIV ໃນວັນທີ 22 ຕຸລາ, ສະພາແຫ່ງຊາດສືບຕໍ່ປຶກສາຫາລືທາງອອນລາຍກ່ຽວກັບບັນດາເນື້ອໃນທີ່ຍັງມີຄຳຄິດເຫັນແຕກຕ່າງກັນຂອງບັນດາຮ່າງກົດໝາຍ: ປັບປຸງ, ເພີ່ມເຕີມບາງມາດຕາກົດໝາຍວ່າດ້ວຍການປັບໄໝການກະທຳດ້ານການບໍລິຫານ ແລະ ຮ່າງກົດໝາຍວ່າດ້ວຍຂໍ້ຕົກລົງສາກົນ.

ກົດໝາຍວ່າດ້ວຍການປັບໄໝການກະທຳຜິດດ້ານການບໍລິຫານມີຜົນສັກສິດນັບແຕ່ເດືອນກໍລະກົດ ປີ 2013 ເປັນຕົ້ນມາ, ພາຍຫຼັງການຜັນຂະຫຍາຍມາເປັນເວລາ 6 ປີ, ໄປຄຽງຄູ່ກັບບັນດາໝາກຜົນທີ່ບັນລຸໄດ້, ກົດໝາຍເກີດມີບາງຂໍ້ຕິດຂັດ. ບັນດາຜູ້ແທນລ້ວນແຕ່ເຫັນດີເຫັນພ້ອມວ່າ ຈຳເປັນຕ້ອງປັບປຸງກົດໝາຍ ເພື່ອຮັບປະກັນລັກສະນະເປັນເອກະພາບ, ຄົບຊຸດກັບບັນດາເອກະສານນິຕິກຳຕ່າງໆທີ່ກ່ຽວຂ້ອງ ແລະ ເໝາະສົມກັບພຶດຕິກຳຕົວຈິງ.

(ແຫຼ່ງຄັດຈາກ VOV)