ຕາມຂ່າວພາກຄ່ຳ ວັນທີ 31 ກໍລະກົດ ຂອງກະຊວງສາທາລະນະສຸກ ຫວຽດນາມ ໃຫ້ຮູ້ວ່າ: ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ພາຍໃນປະເທດຕື່ມອີກ 4.564 ຄົນ, ອັນໄດ້ຍົກຈຳນວນຜູ້ຕິດເຊື້ອພາຍໃນວັນຂຶ້ນເປັນ 8.624 ຄົນ, ຢູ່ນະຄອນໂຮ່ຈີມິນ ແມ່ນ 4.180 ຄົນ. ເປັນອັນວ່າ, ໄລ່ຮອດຕອນຄ່ຳວັນທີ 31 ກໍລະກົດ, ຫວຽດນາມ ມີຜູ້ຕິດເຊື້ອສະສົມທັງໝົດ 145.686 ລ້ານຄົນ, ໃນນັ້ນ ມີ 35.960 ຄົນ ໄດ້ຮັບການປິ່ນປົວຫາຍດີແລ້ວ, ແລະ ມີເກືອບ 6 ລ້ານຄົນ ໄດ້ສັກວັກຊິນກັນພະຍາດໂຄວິດ - 19.
ອົງການອະນາໄມໂລກ (WHO) ໄດ້ກ່າວເຕືອນວ່າ ໂລກພວມປະເຊີນໜ້າກັບຄວາມສ່ຽງທຳລາຍບັນດາຜົນງານ ທີ່ມີຄວາມລຳບາກຫຼາຍທີ່ສຸດ ຈຶ່ງບັນລຸໄດ້ໃນການຕໍ່ສູ້ຕ້ານໂລກລະບາດໂຄວິດ - 19 ຍ້ອນການແຜ່ລະບາດຂອງເຊື້ອໄວຣັດສາຍພັນ Delta, ແຕ່ກໍຢັ້ງຢືນວ່າ ວັກຊິນກັນພະຍາດໂຄວິດ - 19 ຊະນິດຕ່າງໆ ໂດຍໄດ້ຮັບການອະນຸມັດຜ່ານຈາກ WHO ນັ້ນ ແມ່ນຍັງມີປະສິດທິຜົນຕໍ່ການຮັບມືກັບໂລກລະບາດດັ່ງກ່າວ. ຕາມອົງການ WHO ແລ້ວ, ກໍລະນີຕິດເຊື້ອໂຄວິດ - 19 ໄດ້ເພີ່ມຂຶ້ນ 80% ໃນ 4 ອາທິດຜ່ານມາ ຢູ່ບັນດາພາກພື້ນໃນໂລກເກືອບທັງໝົດ. WHO ໃຫ້ຮູ້ວ່າ ເຊື້ອໄວຣັດ ສາຍພັນ Delta ໄດ້ກວດພົບຢູ່ 132 ປະເທດ.
(ແຫຼ່ງຄັດຈາກ VOV)
