25/02/2021 09:55 GMT+7 Email Print Like 0

ສະ​ພາບ​ການ​ໂລກ​ລະ​ບາດ​ໂຄວິດ - 19 ຢູ່ ຫວຽດ​ນາມ ແລະ ໃນ​ໂລກ

ໄວຣັດ SARS – CoV – 2 ສາຍພັນໃໝ່ທີ່ກວດພົບຄັ້ງທຳອິດຢູ່ ລັດ California  ເມື່ອເດືອນ ທັນວາ ປີ 2020 ອາດຈະແຜ່ລະບາດໄວກວ່າ ໄວຣັດສາຍພັນໃໝ່ ທີ່ກວດພົບກ່ອນໜ້ານັ້ນ ແລະ ສາມາດຕ້ານຄືນລະບົບຕ້ານທານຂອງມະນຸດ ກໍຄື ວັກຊິນ.

ນັບແຕ່ເວລາ 18 ໂມງຂອງວັນທີ 23 ກຸມພາ ຫາເວລາ 6 ໂມງຂອງວັນທີ 24 ກຸມພາ, ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກ 2 ກໍລະນີ ຢູ່ແຂວງ ຫາຍເຢືອງ ແລະ ໃນຕອນເຊົ້າວັນທີ 24 ກຸມພາ ປະກາດວ່າ ມີຜູ້ຕິດເຊື້ອພະຍາດໂຄວິດ - 19 ຈຳນວນ 43 ຄົນ ໄດ້ຮັບການປິ່ນປົວຫາຍດີແລ້ວ, ອັນໄດ້ຍົກຈຳນວນຜູ້ຕິດເຊື້ອທີ່ຫາຍດີ ຢູ່ ຫວຽດນາມ ຂຶ້ນເປັນ 1.760 ຄົນ ແລະ ຈຳນວນຜູ້ເສຍຊີວິດຍັງແມ່ນ 35 ຄົນ.

                  ສ່ວນຢູູ່ໃນໂລກ, ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງເຊົ້າຂອງວັນທີ 24 ກຸມພາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 112.635.729 ຄົນ, ໃນນັ້ນ ມີ 2.495.260 ຄົນ ເສຍຊີວິດ.

                  ຢູ່ ອາເມລິກາ, ສອງການຄົ້ນຄວ້າທີ່ຫາກໍປະກາດໃນວັນທີ 23 ກຸມພາ  ຊີ້ໃຫ້ເຫັນວ່າ ໄວຣັດ SARS – CoV – 2 ສາຍພັນໃໝ່ທີ່ກວດພົບຄັ້ງທຳອິດຢູ່ ລັດ California  ເມື່ອເດືອນ ທັນວາ ປີ 2020 ອາດຈະແຜ່ລະບາດໄວກວ່າ ໄວຣັດສາຍພັນໃໝ່ ທີ່ກວດພົບກ່ອນໜ້ານັ້ນ ແລະ ສາມາດຕ້ານຄືນລະບົບຕ້ານທານຂອງມະນຸດ ກໍຄື ວັກຊິນ.

(ແຫຼ່ງຄັດຈາກ VOV)