ເລື່ອງເປີດອົງການຕາງໜ້າຂອງ VOV ປະຈໍາ ອິນໂດເນເຊຍ ແມ່ນມີຄວາມໝາຍທີ່ສຸດ.
            ຕອນເຊົ້າວັນທີ 15 ພະຈິກ, ຢູ່ສໍານັກງານວິທະຍຸກະຈາຍສຽງຫວຽດນາມ (VOV), ທ່ານ ຫງວຽນເຖກີ໋ ຜູ້ອໍານວຍການໃຫຍ່ VOV ໄດ້ໃຫ້ການຕ້ອນຮັບທ່ານ Nam Ibnu Hadi ເອກອັກຄະລັດຖະທູດອິນໂດເນເຊຍ ປະຈໍາ ຫວຽດນາມ. ທີ່ການຕ້ອນຮັບ, ທ່ານ ຫງວຽນເຖກີ໋ ໃຫ້ ຮູ້ວ່າ ປັດຈຸບັນ,  VOV ມີ 13 ລາຍການກະຈາຍສຽງດ້ວຍພາສາຕ່າງປະເທດ, ໃນນັ້ນມີພາສາ ອິນໂດເນເຊຍ. ເລື່ອງເປີດອົງການຕາງໜ້າປະຈໍາ ອິນໂດເນເຊຍ ຈະຊ່ວຍໃຫ້ VOV ໂຄສະນາໄດ້ຫຼາຍດ້ານ ກ່ຽວກັບການພົວພັນສອງຝ່າຍ ກໍຄື ບັນດາການເຄື່ອນໄຫວພົ້ນເດັ່ນຂອງ ອາຊຽນ.
        “ຕາມຂ້າພະເຈົ້າແລ້ວ ເລື່ອງເປີດອົງການຕາງໜ້າຂອງ VOV ປະຈໍາ ອິນໂດເນເຊຍ ແມ່ນມີຄວາມໝາຍທີ່ສຸດ. ສິ່ງເຫຼົ່ານັ້ນສະແດງໃຫ້ເຫັນວ່າ ການພົວພັນລະຫວ່າງສອງຝ່າຍ ຫວຽດນາມ - ອິນໂດເນເຊຍ  ນັບມື້ນັບໝັ້ນຄົງເຂັ້ມແຂງ. ສ່ວນການພົວພັນລະຫວ່າງ VOV ແລະ ວິທະຍຸກະຈາຍສຽງແຫ່ງຊາດ ອິນໂດເນເຊຍ (RRI),  ຂ້າພະເຈົ້າຫວັງວ່າ ການພົວພັນດັ່ງກ່າວນັບມື້ນັບຈະເລີນງອກງາມກວ່າ. ຊໍ້າບໍ່ໜໍາ, ຂ້າພະເຈົ້າຈະພະຍາຍາມຊຸກຍູ້ RRI ໃຫ້ມີບັນດາການກະທໍາເໝືອນດັ່ງ VOV ເພື່ອບໍ່ໃຫ້ພຽງແຕ່ VOV ເປີດອົງການຕາງໜ້າ ແລະ ສົ່ງນັກຂ່າວໄປປະຈໍາຢູ່ ອິນໂດເນເຊຍເທົ່ານັ້ນ, ຫາກນັບທັງ RRI ຢ່າງໜ້ອຍສຸດກໍຕ້ອງ ຄິດໄລ່ຊັ່ງຊາເພື່ອເປີດກວ້າງການເຄື່ອນໄຫວຢູ່ບັນດາປະເທດອື່ນ, ໃນນັ້ນມີທັງຫວຽດນາມ”.