ຂ່າວສານ

ສປປ.ເກົາຫຼີ ດັດປັບເຂັມໂມງໃຫ້ຖືກກັບ ສ.ເກົາຫຼີ ຢ່າງເປັນທາງການ

06/05/2018

ໃນເວລາ 0ໂມງ00 ວັນທີ 05 ພຶດສະພາ (ຕາມເວລາທ້ອງຖິ່ນ), ເຂັມໂມງຂອງ ສປປ.ເກົາຫຼີ ໄດ້ຖືກດັດປັບໃຫ້ຖືກກັບເຂັມໂມງຂອງ ສ.ເກົາຫຼີ ຢ່າງເປັນທາງການ.

ໂມງຢູ່ຫ້ອງວ່າການສຳນັກງານປະທານາທິບໍດີ ສ.ເກົາຫຼີ ຊີ້ບອກເວລາຢູ່ ເຊີອູນ (ຢູ່ເບື້ອງຊ້າຍ)
ແລະ ໂມງຊີ້ບອກເວລາຢູ່ ພຽງຢາງ (ຢູ່ເບື້ອງຂວາ) ພາບ: EPA/TTXVN

ນີ້ໄດ້ຮັບຖືວ່າ ແມ່ນສັນຍາລັກແຫ່ງຄວາມມານະພະຍາຍາມຊຸກຍູ້ການໄກ່ເກ່ຍຄວາມປອງດອງ ແລະ ທ້ອນໂຮມເຂົ້າກັນໃຫ້ເປັນເອກະພາບລະຫວ່າງ 2 ພາກເກົາຫຼີ.

ກ່ອນໜ້ານັ້ນ, ວັນທີ 30 ເມສາ, ຄະນະປະທານສະພາປະຊາຊົນສູງສຸດ (ໝາຍຄວາມວ່າແມ່ນ ສະພາແຫ່ງຊາດ) ໄດ້ຕົກລົງດັດປັບເຂັມໂມງຂອງ 2 ພາກເກົາຫຼີ ໃຫ້ຖືກກັນ. ການກະທຳຂອງ ພຽງຢາງ ໄດ້ຖືກຍົກອອກມາ ພາຍຫລັງການນຳ Kim Jong-un ໄດ້ສະເໜີຢ່າງກະທັນຫັນໃຫ້ດັດປັບເຂັມໂມງຂອງປະເທດນີ້ທີ່ໄວກ່ວາ 30 ນາທີ ເພື່ອໃຫ້ຖືກກັບເຂັມໂມງຂອງ ສ.ເກົາຫຼີ, ໃນການພົບປະສຸດຍອດກັບທ່ານປະທານາທິບໍດີ ສ.ເກົາຫຼີ Moon Jae-in ເມື່ອວັນທີ 27 ເມສາ ຜ່ານມາ.

(ແຫຼ່ງຄັດຈາກ VOV)

UNESCO ຮັບຮອງເອົາມະຕິເຊີດຊູນັກວັດທະນະທຳ ເລກຸຍໂດນ

02/11/2025
ຂ່າວສານ

ວັນທີ 31 ຕຸລາ, ກອງປະຊຸມຄັ້ງທີ 43 ຂອງສະມັດຊາໃຫຍ່ ອົງການວິທະຍາສາດ, ການສຶກສາ ແລະ ວັດທະນະທຳຂອງ ສປຊ (UNESCO) ໄດ້ດຳເນີນຢູ່ນະຄອນ Samarkand, ອູເບກິດສະຖານ, ຮັບຮອງເອົາມະຕິວ່າດ້ວຍການເຊີດຊູ ແລະ ພ້ອມກັນເຂົ້າຮ່ວມພິທີສະເຫຼີມສະຫຼອງ 300 ປີແຫ່ງວັນຄ້າຍວັນເກີດຂອງນັກວັດທະນະທຳ ເລກຸຍໂດນ.