ຂ່າວສານ

ວັນບຸນທ່ອງທ່ຽວນະຄອນ ໂຮ່ຈີມິນ ດຶງດູດແຂກທ່ອງທ່ຽວມາຮ່ວມເປັນຈຳນວນຫລວງຫລາຍ

16/04/2019

ພາຍຫລັງດຳເນີນໄປຢ່າງຟົດຟື້ນມ່ວນຊື່ນມາເປັນເວລາ 4 ວັນ (ແຕ່ວັນທີ 11 – 14 ເມສາ), ວັນບຸນທ່ອງທ່ຽວນະຄອນ ໂຮ່ຈີມິນ ປີ 2019 ໄດ້ອັດລົງໃນຕອນຄ່ຳວັນທີ 14 ເມສາ. ວັນບຸນທ່ອງທ່ຽວນະຄອນ ໂຮ່ຈີມິນ ປີ 2019 ໄດ້ດຶງດູດແຂກທ່ອງທ່ຽວກ່ວາ 250.000 ເທື່ອຄົນ.

ວັນບຸນທ່ອງທ່ຽວນະຄອນ ໂຮ່ຈີມິນ ດຶງດູດແຂກທ່ອງທ່ຽວມາຮ່ວມເປັນຈຳນວນຫລວງຫລາຍ (ພາບອິນເຕີແນັດ)

ໃນຂອບເຂດວັນບຸນທ່ອງທ່ຽວນະຄອນໂຮ່ຈີມິນ 2019 ໄດ້ດຳເນີນບັນດາລາຍການຄື: ເວທີປາໄສແຫຼ່ງຊັບພະຍາກອນມະນຸດທ່ອງທ່ຽວ ຫວຽດນາມ; ງານມະໂຫລານສຽງເພງຂະແໜງທ່ອງທ່ຽວນະຄອນ, ການພົບປະແລກປ່ຽນແນະນຳກ່ຽວກັບ Startup ໝູນໃຊ້ເຕັກໂນໂລຊີໃນການທ່ອງທ່ຽວ…ຄະນະຈັດຕັ້ງໄດ້ສົມທົບກັບບັນດາວິສາຫະກິດຢ່າງແໜ້ນແຟ້ນ ເພື່ອແນະນຳໃຫ້ລູກຄ້າ 70.000 tour ທ່ອງທ່ຽວຢູ່ພາຍໃນ ແລະ ຕ່າງປະເທດ ໂດຍບັນດາບໍລິສັດທ່ອງທ່ຽວໃຫ້ຄຳໝັ້ນສັນຍາຫລຸດລາຄາໃຫ້ລູກຄ້າເມື່ອຈົດທະບຽນຊື້ tour ທ່ອງທ່ຽວໃນຊຸມວັນດຳເນີນວັນບຸນທ່ອງທ່ຽວ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.